3

PRomethée, fils de Iape-
tus , & de la Nymphe Aſie , a
(ſelon que diſent les Poëtes)
le premier enſeigné l’Aſtrolo-
gie aux hommes, le cours des planettes,
& la cauſe des foudres : & eſtant d’vn
eſprit ſubtil & ingenieux, tira feu du ciel,
par le moyen des miroirs ardents (deſ-
quels il fut l’inuenteur) oppoſez au So-
leil : auſſi a-il eſte nommé Promethée,
ἀπὸ τῆς προμηθείας , c’eſt à dire du nom
de prudence. Ce qui a donné occaſion
aux Poëtes en leurs fictions, de dire que
ce Promethée a deſrobé le feu du ciel,
pour laquelle choſe les Dieux furent
fort irritez, & en leur conſeil fut arreſté
qu’il ſeroit par Mercure meſſager des
Dieux, lié au ſommet du mont Caucaſe,
& qu’vn Vautour, oiſeau viuant de rapi-
ne rongeroit inceſſamment ſon foye,
qui à meſure qu’il ſeroit rongé & bec-
queté, auec extrémes douleurs, il renai-
ſtroit touſiours : & d’abondant pour ce
larcin de Promethée, les Dieux non con-
tens enuoyerent trois ſortes de fleaux
aux humains , à ſçauoir, Diuerſes ſortes de
maladies, qui n’eſtoient point auparauent:
Le trauail, qui n’eſtoit point cogneu : car
la terre nous rapportoit toutes ſortes de
fruicts,ſans eſtre cultiuée : & les femmes,
ſelon que nous en fait foy l’Hiſtorien,

AMuliere initium peccati4: Le com-
mencement de peché eſt de la fem-
me, dit le Sage5, ce que cõfirme l'Apoſtre6,
diſant , que l’homme n’a point peché,
mais la femme luy a eſté en tranſgreſ-
ſion : toute l’Eſcriture ſaincte eſt pleine
d’exemples de cecy, & pourtant l’origi-
ne des maux eſt attribuée à la femme, ſe-
lon meſmes que nous le liſons en l’hi-
ſtoire ſacrée , comme en Geneſe au cha-
pitre troiſieſme , verſet ſixieſme & dix-
ſeptieſme : & en la premiere Epiſtre de
ſainct Paul à Timothee, chap. 2. verſet
14. & au 25. chap. de l'Eccleſiaſtique, ver-
ſet 23. & l'Autheur du meſme Eccleſiaſti-
que. Comme auſſi Salomon au 21. des
Prouerbes dit , I’aimeroy mieux demeu-
rer auec vn Lyon & vn Dragon qu’auec
vne mauuaiſe femme : & au 24. verſet il
dit : La mauuaiſtié de la femme change
ſon regard, & luy rend le viſage baſanné
comme vn ſac : & au 25. verſet , il dit:
Le mary d’icelle lors meſme qu’il eſt en-
tre ſes voiſins ne ſe peut tenir de ſouſpi-
rer amerement à l’occaſion d’elle : & au
26. verſet, il dit : Toute malice eſt petite
au prix de celle de la femme. A telles
femmes meſchans hommes puiſſent ad-
uenir : & au verſet 33. il dit : Le commen-
cement de peché eſt venu de la femme,
& par elle nous mourons tous : & ſainct
Iean Chriſtoſtome au Sermon de la De-
colation ſainct Iean Baptiſte, & en la 34.
homelie ſur le 4. de S. Iean, dit, qu’entre
toutes les beſtes ſauuages il ne s’en trou-
ue point aucune qui ſoit plus nuiſante
que la femme, & pourtant les Chreſtiens  7DV MARIAGE.
les ont deboutees du maniment de l’E-
gliſe & des choſes ſacrées. Les Philoſo-
phes ne les ont point voulu receuoir à la
Philoſophie. Les Iuriſconſultes ne leur
permettent point l’adminiſtration de la
choſe ciuile, pour leur inconſtance & le-
gereté, n’eſtans point capables de garder
vn ſecret. Les Arabes Mahometiſtes les
ont forcloſes de leur Paradis. Les Barba-
res de l’Aſie les ont tenuës au rang des
ſerfs & eſclaues acheptez. Salomon auſſi
cognoiſſant leur inſtabilité les a accom-
parees à la Lune,qui a ſes quartiers croiſ-
ſans & decroiſſans , ſon plein , eſtant op-
poſée au Soleil, & ſon vuide, conioincte à
iceluy. Bref vne infinité de maux ſont
venus par les femmes, qui ſeroient longs
à raconter : ce que recognoiſſant ce treſ-
ſage Philoſophe & valeureux Empereur
Marc Aurelle dit, Que pluſieurs grands
perſonnages qui ſont decedez & ont
paſſé par telle eſtamine & rigueur ne
voudroient retourner entre les viuans,
pour faire leur demeure auec les fem-
mes : dequoy nous fournit d’exemple
Philippe Roy de Macedone , auec ſon
imperieuſe femme Olympias : Æneas
auec ſa ialouſe Didon Royne de Cartha-
ge : L’Empereur Marc Anthoine, auec
ſon ambitieuſe Cleopatra : Iules Ceſar
Empereur, auec ſa fiere Domitia7: Paris
fils du Roy Priam, auec ſa lubrique He-
leine , de laquelle il ſera parlé cy apres:
L’Empereur Neron auec ſon Agrippine,
qui luy eſtoit auſſi cruelle que luy aux
autres : Alexandre le grand, Monarque
de tout le monde , auec ſon arrogante
Roxane: Hannibal de Carthage auec ſa
ſuperbe Thamira8: Socrates le ſage Phi-
loſophe auec ſa rioteuſe Xantippe, du
nom de laquelle ſont nommees les meſ-
chantes femmes, qu’on dit par prouerbe,
C’eſt vne Xantippe, c’eſt à dire vne tres-
meſchante femme : il auroit encor peur
que le ſeau de l’eau ſale & puante ne luy
tombaſt ſur la teſte. Si donc les Monar-
ques , Empereurs, Roys, Princes, Phi-
loſophes, Capitaines , & autres ont eſté
aſſeruis ſoubs le cruel ioug & malice des
femmes,ce n’a point eſté ſans cauſe ſi vn
Poëte a dit , que le ciel n’a point tant
d’eſtoiles, ny la mer tant de poiſſons, que
la femme tient de ruſes & fineſſes ſoubs
le voile de ſon cœur diſſimulé & dece-
uant : toutes les Tragedies d’Euripide &
d’autres ſont pleines d’exemples de la
malice des femmes.

Le ſecond exemple ſus-allegué eſt de
Pandore , laquelle ſelon que recite le
Poëte Heſiode, fut la premiere femme
que le Dieu Vulcan, forgeron des Dieux,
feit par le commandement de Iuppiter :
ceſte femme fut d’vn eſprit fort remuãt,
& merueilleuſement curieuſe ; & fut
nommée Pandore , ſelon l’effect de la
choſe, ( car elle receut ἀπὸ πάντον θεῶν
δῶρον ) c’eſt à dire vn preſent de tous les
Dieux. Or les Dieux fauorables mirent
de bons preſens dans ſa boëte, voulant
enrichir ceſte nouuelle Pandore : les
Dieux nuiſans y mirent auſſi leurs pre-
ſens, le Dieu Apollon y mit la peſte, la
Deeſſe Venus y mit l’amour laſcif &
l’impudicité, qui depuis apporta de tres-
grands maux & calamitez à l’humain li-
gnage, comme veroles , chancres , & au-
tres maladies auparauant incogneues.
Ha ! pauures infortunez Amoureux , ce
ſont les bouquets & mouchoirs bien
mal plaiſans & rudes, que ces belles pa-
ſtourelles dõnent pour recõpenſe à leurs
depilez amoureux , qui pour les ſeruir
ont tout deſpendu iuſqu’aux dents &
cheueux, ô glorieuſe conqueſte ! Le Dieu
Bacchus y mit l’yurongnerie, qui cau-
ſa depuis pluſieurs meurtres & autres
grands maux qui ſont ſortis du dange-
reux raiſin qu’il mit dans ceſte boëtte,
qui a enluminé de couleur eſcarlatine
tant de beaux nez qui ſont auiourd’huy,
garnis de Saphirs, d’Eſmeraudes, de Ru-
bis de caue , (cela s’entend) & non pas
de ceux d’Orient. Le Dieu Mercure, qui
eſt eſtimé par les Poëtes le Dieu des lar-
rõs, y mit auſſi ſon preſent ; mais preſent
malheureux, qui a ſuſcité de grands trou-
bles au monde , comme vſures, larcins,
vols, rapines & autres moyens illicites
pour tromper & deceuoir le prochain:
& ainſi tous les Dieux ſelon leurs deitez
& proprietez y mirent leurs dons & pre-
ſens : mais ayans fermé la boëtte, ils de-
fendirent à ceſte Pandore ſoubs grandes
menaces , de ne regarder de long temps
dans ladite boëtte, preuoyans bien qu’à
l’ouuerture d’icelle il y auroit vn mer-
ueilleux tintamarre au monde, comme
de fait il aduint : mais nonobſtant telle
defence , ſelon que ce ſexe feminin eſt
par trop curieux & inconſtant, roulant
ſur la boule, comme fortune, qui eſt com-
me dit le Poëte Tantùm conſtans in leui-
tate ſua9, c’eſt à dire conſtante en ſon in-
conſtance & legereté, impatiente de tant
attendre , ouurit la pernicieuſe boëtte,
de laquelle ſortirent les maux & miſeres
qui affligent & troublent auiourd’huy le
repos & l’aiſe, plein de mal-aiſe des pau-
ures humains , qui ſuent d’ahan ſoubs
l’air venimeux qui ſortit d’icelle peſtife-
re boëtte de Pandore.

12

SI les hommes de moyenne qualité
ont enduré tant de trauerſes & tour-
ments auec les femmes, certes les plus
grands & excellents perſonnages y ont
bien pris leur part : comme Salomon qui
a receu vn fort grand eſclat en ſon floriſ-
ſant Empire , par la multitude de ſes
femmes, qui eſtoient en nombre de ſept
cents femmes Princeſſes, & trois cents
concubines, comme il eſt eſcript au li-
ure des Roys , leſquelles l’ont fait de-
cheoir de ceſte grande prudence & ſa-
geſſe, de laquelle Dieu l’auoit doüé : car
pour icelles il a adheré aux Dieux eſtrã-
ges, pour lequel peché Dieu fut grande-
ment irrité contre luy, & en aduint la
diuiſion & diminution de ſon Royaume.

Le fort Samſon, duquel il eſt parlé au
liure des Iuges , s’eſtant laiſſé emporter
à l’amour de Dalila , mourut en la main
des Philiſtins qui luy creuerent les yeux:
& penſans ſe ioüer de luy, le voyans deſ-
nué & deſpoüillé de ſa premiere force, ce
leur ſembloit , ils perirent auec luy, &
treſbucherent ſoubs le faix du baſtiment
que Samſon fit treſbucher ſur ſoy & ſur
eux. Voila celuy qui auoit emporté ſur
ſes eſpaules les portes de la ville de ſes
ennemis, qui auec vne machoire d’Aſne
auoit tué tant d’hommes, & qui auoit
eſté ſi vaillant ; finalement par la trom-
perie & trahiſon de ſa femme Dalila fut
le ioüet de ſes ennemis, & ſouffrit mort
violente, dont de ceſtui-cy & du fort
Hercules a eſté fait ce diſtique,

C’eſt à dire,
Qui eſt ce qui a eſté plus fort & vail-
lant que Samſon & Hercules ? toutesfois
on ſçait que tous deux ont ſuccombé &
ployé ſoubs le ioug rigoureux & aſtuce
des femmes.

Nous pourrions produire pluſieurs
autres exemples des ſainctes Eſcriptu-
res touchant cecy ; mais il y faudroit
trop long temps : & pourſuiurons à de-
duire l’hiſtoire de ceſte Deianire , qui
fut la ruine du vaillant Hercules.

Ceſte Deianire donc,ſelon que diſent
les Poëtes, fut fille d’Oneus Roy d’Aeto-
lie, laquelle eſtant de tres-rare & incom-
parable beauté , fut deſirée de pluſieurs
grands perſonnages en mariage. Elle fut
premierement donnée à Achelous , qui
fut auſſi Roy d'Ætolie : iceluy encor vi-
uant , elle fut donnée au grand Hercules
qui eſtoit de la ville de Thebes,ancienne
ville de Grece, qui eſt autrement nom-
mée la ville de cent Portes, dont aduint
vn fort grand eſtrif entre Hercules &
Achelous à qui l’emporteroit : ceſt Ache-
lous, comme il eſtoit vn grand magicien,
auſſi durant leur combat ſe transformoit
en diuerſes formes , tantoſt en riuiere,
tantoſt en bœuf pour deceuoir Hercu-
les ; mais Harcules10 l’ayant ſaiſi par vne
des cornes, ne le laſcha point qu’il ne la
luy eut arrachée, & par meſme moyẽ fut
vaincu, & fut lors ceſte Deianire adiugée
& donnée à Hercules. Aduint que Her-
cules quelque temps apres voulant auec
Deianire paſſer le fleuue Euenus, qui eſt
au pays d’Ætolie, le Centaure Neſſus ſe
preſenta ſur le riuage , pour les paſſer à
l’autre riue : mais Hercules courageux ſe
mettant le premier en l’eau,qui eſtoit
impetueuſe, recommanda Deianire au
Centaure pour la paſſer: (il ne fait pas bõ
recommander ſa femme à ſon voiſin) le
Centaure Neſſus faiſant ſemblant de le
ſuiure, & le voyant deſia de l’autre coſté,
ſe mit en deuoir de vouloir violer Deia-
nire, ce qu’ayant apperceu Hercules,luy
tira vn coup de fleſche , teinte au ſang &
venin du dragon, dõt la bleſſure en eſtoit
mortelle & ineuitable. Neſſus par ceſte
playe ſe ſentant prochain de mort , cou-
urant ſon mal talent contre Hercules, ne
ſe pouuant plus venger,donna à Deiani-
re vne chemiſe, laquelle il diſoit auoir
proprieté de retirer vn homme de folles
& eſtrangeres amours ; mais c’eſtoit le
contraire , car elle apportoit mort ſeure
& ſoudaine. quelque temps apres, De-
ianire deſirant retirer ſon amy & mary
Hercules, qui s’eſtoit amouraché d’vne
autre femme nommée Iole , fille d’vn
certain Eurytus Roy d'Euboee , penſa
que par le moyen de ceſte chemiſe que
Neſſus luy auoit donnée, elle viendroit à
chef de ſon entrepriſe,ſe voulãt par meſ-
me moyen venger de Iole qui le tenoit
enlacé en ſes amours ( femme cerche
touſiours vengeance ) luy enuoya ceſte
chemiſe en preſent par ſon ſeruiteur Ly-
chas , le iour qu’il ſacrifioit ſur le mont
Cœneus11: mais l’ayant veſtuë , il ſe ſentit
incontinent ſaiſi de griefs tourmens &
douleurs en tout ſon corps ; & eſtant de-
uenu tout hors de ſoy & deuenu furieux,
il precipita dans la mer le pauure ſerui-
teur Lychas qui luy auoit apporté la
chemiſe enuenimée, ſans en rien ſçauoir:
& luy ſe ietta dans le feu ardent du ſacri-
fice, & ſe bruſla,ne pouuant plus endurer
telles peines, cauſees par le venin ſubtil
& mortel de ceſte chemiſe.

De ceci en parle fort amplement Sene-
que en la Tragedie appelée Hercules fu-
rens. L’indompté guerrier donques qui
auoit dompté tant d’hommes & de mon-
ſtres , leſquels le Poëte Virgile recite és
douze labeurs d’iceluy Hercules,a eſté fi-
nalement dompté & contraint de ſe tuer
ſoy-meſmes par le preſent d’vne femme.
Voila donc vne autre forte & piquante
eſpine au mariage de ce grand dompteur
de monſtres, Hercules, lequel a eſté vain-
cu & terraſſé par le preſent d’vne femme,
& par le mal commencé mariage, duquel
il a receu de viues pointes & mort dou-

loureuse:& duquel vn Poëte a eſcript ces
vers , pour eterniſer les plaiſirs de ſon
mariage, & ſa lourde cheute en iceluy,
diſant,

C’eſt à dire, comme ie l’ay tourné,

C’eſt certes merueilles , que celuy qui
auoit fait tant de proüeſſes auant qu’a-
uoir ployé ſoubs le ioug nuptial, ſoit ſuc-
combé honteuſement, eſtant pris & en-
laſſé aux filets du mariage ; il en a bien
ſenti la rigueur & la pointe. Ceſtuy-ci a
peu dire ce que diſoit vn bon compagnõ
de la commmodité qu’on peut tirer des
femmes en mariage : (il eſtoit mal marié)
& a dit ceci par deſpit,

C’eſt à dire en peu de mots,
La femme ne ſert de rien qu’au lict & au
tombeau.

B

18

Mais voyons en ſuite l’eſpine doulou-
reuſe de l’infortuné mariage de Mene-
laus Roy de Sparthe, en la perſonne de ſa
deſloyale femme Heleine,qui a tant fait
reſpandre de ſang en ſon temps.

LE Prouerbe des Grecs eſt vray , κακοῦ
κόρακος, κακὸν ὠόν, mali corui,malũ ouum,
de mauuais corbeau, mauuais œuf: ce qui
ſe trouue vray en la preſente Hiſtoire
d'Heleine,femme de Menelaus Roy de
Sparte, autrement dite Lacædemone : car
les Poëtes diſent , que Leda (amoureuſe
de Iuppiter) fit deux œufs, en l’vn deſ-
quels eſtoit Caſtor & Heleine ; en l’autre
Pollux & Clytemneſtra : de ceſt œuf don-
ques ſortit la mal-heureuſe Heleine qui
fut en ſon temps la plus belle femme du
monde, d’où eſt venu le prouerbe, C’eſt
vne Heleine en beauté, l’hiſtoire eſt telle.
Iunon, Minerue & Venus trois Deeſſes,
eſtans enſemble, & diſputans de leurs
beautez & perfections, la Deeſſe Diſcorde
ietta ſecrettement vne pomme d’or au
milieu d’elles, ſur laquelle eſtoit eſcript,
Ceſte pomme ſoit donnée à la plus belle
des trois. Icy en paſſant on peut remar-
quer l’effect de Diſcorde. Venus prompte
& gaillarde prit auſſi toſt la pomme, & la
vouloit retenir, comme s’eſtimant la plus
belle : le debat fut rapporté au iugement
de Iuppiter , lequel pour eſtre mary &
frere de la Deeſſe Iunon,pere de Miner-
ue, & amoureux de Venus, qui auſſi eſtoit
la putain commune de ces beaux Dieux
des Payens, n’en voulut eſtre le iuge,ains
cognoiſsãt vn certain Paris, fils de Priam
Roy de Troye, lequel Paris pour ſoup-
çon de noſtre fils legitime dudit Priam
(pour eſtre rouſſeau & non point noir
comme les Phrygiens) fut enuoyé petit
qu’il eſtoit en la montagne Ida, qui eſt en
l’aſpect de Troye, pour eſtre expoſé aux
beſtes ſauuages, mais il fut nourry & eſle-
ué par les paſteurs, & deuint grand & fort
bel homme : il iugeoit ſi equitablement
des differens entre les autres paſteurs,
qu’il fut d’vn commun conſentement
eſleu Iuge ſur les paſteurs, & ne parloit-
on par toute la montagne Ida que de l’e-
quité de ce Paris. Iupiter donques en-
uoya Mercure, le meſſager ordinaire des
dieux , à ce Paris , auec les trois Deeſſes,
Iunon, Minerue & Venus, afin qu’il don-
naſt la pomme d’or à la plus belle : ces
trois Deeſſes furent deſpouillées toutes
nues , pour plus particulierement iuger
de leurs beautez. Iunon, ſe diſant eſtre
ſœur & femme du grand Dieu Iuppiter,
luy promettoit toutes ſortes de richeſſes
& bon-heur en mariage (comme cela
eſtoit en ſa puiſſance) s’il luy donnoit la
pomme, en la iugeant la plus belle. Mi-
nerue, ſe diſant fille de Iuppiter, & née du
cerueau d’iceluy, promettoit luy donner
toutes ſciences, & le bon-heur en guerre
(comme ayant ce pouuoir) s’il luy don-
noit la pomme, comme à la plus belle.
Venus, Deeſſe des amours laſcifs luy pro-
mettoit toutes ſortes de voluptez & de
delices en amour , voire la plus belle
femme qui fut au monde pour lors, cela
eſtant du pouuoir de la Deïté. Paris ſe
laiſſant aueugler aux deſirs de la chair, &
par les promeſſes , œillades & alleche-
mens de Venus, meſpriſant les richeſſes
de Iunon , & les ſciences de Minerue,
comme homme ſenſuel , vaincu par l’a-
mour laſcif , donna la pomme d’or à Ve-
nus , qui auſſi toſt luy mit en main les
moyens d’aller en Sparte en la maiſon
du Roy Menelaus, où c’eſt que feignant
eſtre ſon parent , en l’abſence dudit Me-
nelaus,il rauit Heleine, & l’emmena en
ſon pays de Phrygie en la maiſon de ſon
pere Priam Roy de Troye. Les Grecs
pour venger ceſte iniure, & ce rapt fait à
leur Seigneur & Roy Menelaus, aſſem-
blerent vne groſſe & puiſſante armee,
compoſee de tous les plus grands Sei-
gneurs & Capitaines de Grece , & cam-
perent deuant Troye dix ans entiers,
auant que la pouuoir prendre. Finale-
ment les Grecs,par le moyen du grand
cheual de bois qu’ils auoient conſtruit,
dans lequel eſtoient cachez pluſieurs
hommes armez, feignans en vouloir fai-
re vn preſent au Palladium15, qui eſtoit l’i-
mage de Minerue , autrement appelée
Pallas, furent receus par les Troyens, qui
eſtimoyent que les Grecs leueroyẽt auſſi
toſt le ſiege pour s’en retourner en leurs
terres & pays, apres auoir preſenté ledit
cheual de bois:mais à l’entrée de la ville,
comme ils faiſoient paſſer ledit cheual,
ſe ſentans maiſtres de la porte, ſortirent
de ce cheual ; & appellans les autres à
leur ayde , enuahirent la ville , mirent à
mort l’ancien Roy Priam, tout tremblãt
de vieilleſſe deuant l’autel meſme de ſes
Dieux, mirent le feu dãs la maiſon Roya-
le, ſes enfans tuez , la ville embrasée &
rasée de fonds en comble : Paris meſmes
y fut tué, les Grecs emporterent toutes
les richeſſes de Troye, ſemerent bleds
où eſtoit la ville : teſmoin ce qu’en dit
Ouide aux Epiſtres Heroides en ces
vers ſuiuans,
Iam ſeges eſt vbi Troia fuit, reſecãdaque falce
Luxuriat Phrygio ſanguine pinguis humus.

C’eſt à dire,

Ils emmenerent auſſi la Roine Hecuba,
mere de Paris, priſonniere auec eux : &
Heleine apres la mort de Paris fut don-
née à femme à Deiphobus , frere dudit
Paris, qui eſtoit eſchapé:encor fut-elle ſi
cruelle, qu’elle fut cauſe de la mort d’ice-
luy Deiphobus : car eſtant r’entree en
grace auec Menelaus , elle le mena en la
chambre où il dormoit, & là le fit tuer, &
s’en retourna auec Menelaus apres auoir
ietté le flambeau de dueil & de ruine
dans Troye.

Voila comme par vne ſeule femme im-
pudique & laſciue tant de maux aduin-
drent. Ce qui ſe peut voir plus particu-
lierement dans le Poëte Homere, Vir-
gile & autres autheurs , qui deſcriuans
l’Hiſtoire & ſac de Troye, donnent le
commencement, le milieu & la fin de ce
mal-heur à Heleine, la plus impudique
adultere de ſon temps, qui rendit ſon
mariage fort eſpineux & infortuné, & ap-
porta tres-grande ruine & deſaſtre à plu-
ſieurs.

CEste hiſtoire des Danaides, autre-
ment nommees Belides par le Poë-
te Virgile au ſixieſme liure de ſes Ænei-
des, du nom de Belus leur oncle , furent
filles ( ſelon que racontent les Poëtes ) de
Danaus, qui fut fils d'Epaphus, Roy d'E-
gypte, qui edifia en ſon temps la ville
capitale du pays , nommée Memphis,
qui eſt encor auiourd’huy en eſtre : &
pour mieux entendre ceſte hiſtoire des
Danaides , il eſt beſoin de ſçauoir leur
origine. Ceſt Epaphus eſtant Roy d'E-
gypte eut ſept fils, qui tous furent grands
& excellents perſonnages, Rois & Ducs :
à ſçauoir Ninus, Pricus, Belus, Agenor,
Danaus, Egyptus & Acriſius.19 Entre ces
fils il y en eut deux qui eurent vne tres-
grande lignee, & auſquels le Royaume
d'Epaphus (apres la mort des autres fre-
res) eſcheut , à ſçauoir Egyptus & Da-
naus : Egyptus eut cinquante fils, & Da-
naus eut cinquante filles. Ces deux fre-
res qui eſtoient fort ambitieux , voulu-
rent pratiquer l’ancien prouerbe, & du-
quel a fait mention le Poëte Homere au
ſecond liure de ſon Iliade, diſant, οὐκ ἀγα-
θὸν πολυκοιπανίη , εἶς κοίρανος ἔστω , Non bo-
num eſt multorum principatus , vnus prin-
ceps eſto : c’eſt à dire, la domination de
pluſieurs n’eſt point bonne, qu’il n’y ait
qu’vn Prince & Gouuerneur : & vn au-
tre parlant du dãger qu’il y auroit ſi deux
Rois commandoient à vn ſeul Royau-
me , prend ceſte comparaiſon du Soleil,
diſant , εἰ θέλουσι δύο ἥλιοι γενέσθαι , κίνδυνος
πάντα συμφλεχθέντα διαφθαρηναι. ſi duo ſo-
les velint eſſe,periculum erit, ne incendio om-
nia perdantur20: c’eſt à dire, Si deux Soleils
vouloient conduire le monde , il y au-
roit danger que ce tout ne fut embraſé
& mis à rien : auſſi comme a dit vn autre,
Nulla fides regni ſociis , omniſque potestas
Impatiens conſortis erit.2122

Ceux-cy doncques de meſmes vou-
loient eſtre en tel degré, que l’vn ne ce-
deroit point à l’autre ; voire qu’vn ſeul
auroit le Royaume ſans le meſpartir23:
toutesfois ils s’accorderent par tel ſi,
que le Royaume ne tomberoit point en
main eſtrangere, & qu'Ægyptus donne-
roit ſes cinquante fils aux cinquante fil-
les de ſon frere Danaus : l’accord fait, les
nopces (mais miſerables nopces) furent
auſſi accordees : ce furent nopces de dueil
& non point de ioye : nopces de trahiſon
& non point d’amitié, ſelon que l’euene-
ment le monſtra : car Danaus, qui eſtoit
ambitieux & deſireux d’eſtre luy tout
ſeul maiſtre du Royaume , pratiqua ſes
cinquantes filles, & leur donna charge &
commandement , que le ſoir de leurs
nopces , lors qu’elles ſeroient couchees
auec leurs maris , ( & qui eſtoient leurs
couſins ) elles ne failliſſent d’eſgorger
vne chacune le ſien dans le lict : ce que
eſtant promis , fut auſſi executé. Le ſoir
venu toutes tuerent leurs maris inno-
cens , & qui ne penſoient aucunement à
telle trahiſon , horſmis Hypermneſtre,
qui fut fidelle à ſon mary Lynceus, & le
deliura , le faiſant ſauuer ſecrettement.
Apres la mort des fils d'Ægyptus, l’am-
bitieux Danaus regna quelque temps: &
comme l’acquiſition de choſes iniques
eſt de petite durée, auſſi Dieu ne voulut
que ce tyran vſurpaſt plus longs temps ce
qui ne luy appartenoit : tellement que
Linceus fils d'Ægyptus, ſe reſſentant de
l’outrage fait à ſes freres , vengea leur
mort ſur Danaus, & obtint le Royaume
de Grece , par le moyen de ſa bonne &
loyalle femme Hypermneſtre. Mais les
filles de Danaus , qui furent ſi cruelles
enuers leurs maris , que de violer le
droict d’amitié, d’humanité , & de con-
ſanguinité en leur ſang innocent, furent
apres leur mort condamnées à eſtre en
Enfer ; & pour plus grand ſupplice, les
trois Iuges infernaux , à ſçauoir Æacus,
Minos, & Rhadamantus, les condamne-
rent à aller puiſer de l’eau d’vn fleuue,
auec des vaiſſeaux percez & ne pouuans
tenir l’eau, & les aller vuider bien loing :
& cependant que toutes nuës elles les
vont vuider , l’eau s’eſcoule de leurs
vaiſſeaux & ſe perd , tellement que leur
peine eſt infinie,accompagnée de grand
tourment. Ces filles donc de Danaus
apporterent vne rude & violente eſpine
au mariage des fils d'Ægyptus , ce qui
aduint par vn mal-talent & deſmeſurée
ambition de regner , & extirper la race
de leur oncle, dont elles ont receu
condigne punition.

Mais voyons l’autre exẽple ſuiuant, qui
eſt de Progné, femme de Tereus, Roy de
Thrace, auquel ( plus cruelle qu’vne Scy-
the, ou beſte farouche ) elle fit manger
ſon fils Ithys en viande, pour venger l’in-
iure qu’il auoit faicte à ſa ſœur ; comme
il ſe verra en ceſte hiſtoire.

CE Tereus Roy de Thrace a auſſi
ſenty vne rude & mortelle eſpine
en ſon mariage ; toutesfois il a eſté vne
partie autheur auec ſa femme du mal-
heur de ſon mariage. Nous trouuons
doncques és eſcrits poëtiques, que Te-
reus (apres auoir eſpouſé ſa femme Pro-
gné en la ville d'Athenes ) s’en voulut
retourner auec elle en ſon Royaume de
Trace24, où eſtant arriué , il ne demeura
pas long temps auec ſa femme, ſans auoir
lignée ; mais helas ! lignée qui ne fut de
longue vie , ains qui luy apporta vne
merueilleuſe eſpine & dueil: ce quel-
ques années apres que leur petit fils
Ithys fut nay , Progné ſe trouuant hors
de ſon pays d'Athenes, en terre eſtrange,
& parmy vne nation qu’elle ne cognoiſ-
ſoit point, prit deliberation ( auec la per-
miſſion de ſon mary Tereus) d’aller voir
ſon parentage, & notamment vne ſœur
vnique qu’elle auoit nõmee Philomel-
le : ce qu’entendant ſon mary, & craignãt
les perils du chemin , qui eſtoit long &
difficile, luy remõſtra qu’il valloit mieux
qu’il allaſt luy-meſmes en Athenes, &
qu’il luy apporteroit nouuelles de ſon
pays & de ſon parentage, & qu’outre ce
il luy ameneroit ſa ſœur Philomelle.
Ceſte reſolution priſe , & Progné fort
contente, Tereus s’en va à Athenes , où
eſtant arriué (mais à mauuaiſe heure) le
Roy Pandion ſon beau-pere le receut
honorablement. Tereus ſon gendre luy
fit entendre que ſa femme Progné deſi-
roit grandement de voir ſa ſœur Philo-
melle, & qu’il luy auoit promis de l’em-
mener auec ſoy en ſon Royaume de
Thrace : il en dit autant à Philomelle,
laquelle il regarda trop curieuſement :
car eſtant d’vne incomparable beauté &
bonne grace, il en deuint exceſſiuement
amoureux en ſon cœur : toutesfois il tint
cachée ceſte flamme, attendant le temps
& l’occaſion pour s’en ſeruir : & ayant eſ-
pié vn iour propre, il dreſſa tellement ſa
pipée, & harangua ſi bien deuant Philo-
melle , qu’il luy perſuada de venir auec
luy voir ſa ſœur Progné en Thrace : mais
il falloit encor auoir la volonté du pere,
qui eſtant ja fort ancien, ne vouloit ſe
priuer de ſa fille Philomelle qu’il aymoit
tendrement : toutesfois, vaincu par les
prieres de Tereus, il permit qu’il l’em-
meneroit pour voir & viſiter ſa ſœur.
Mais Tereus qui auoit autre intention,
& qui ne cherchoit que d’aſſouuir ſon
impudique deſir, qui eſtoit de iouyr de
Philomelle, prit ceſte occaſion aux che-
ueux, & deſpartit auſſi toſt auec ſes naui-
res, emmenant auec ſoy Philomelle : Au
bout de quelques iours, ayant deſcouuert
vn port fauorable, deſcẽdit là : & s’eſtant
retiré dans vne petite maiſonnette ſeule
& à l’eſcart , il pria Philomelle d’amour
vilaine: & apres pluſieurs prieres, ne pou-
uant fleſchir ny eſbranler ſa chaſteté, la
força & viola traiſtreuſement : mais la
pauure Philomelle ſe voyant entre les
mains d’vn tel cruel ennemy , & non
point parent , n’ayant autres armes que
les ſouſpirs cuiſans , les ſanglots, & les
larmes pour ſa defence, ne pouuant au-
trement venger vne telle iniure ſur le
violateur de ſa chaſteté, demanda l’aide
de ſes Dieux, diſant à Therée : Pluſtoſt
l’air & les autres elements ſe banderont
contre toy , ô perfide & deſloyal, qu’vne
telle iniure demeure impunie.

Thereus entendant telles iniures , &
craignant qu’vn tel outrage ne vint à la
cognoiſſance des parents & de ſa ſœur,
continuant en ſa rage & barbarie, luy
couppa la langue , afin qu’elle ne peuſt
deſcouurir sa meſchanceté : & l’ayant
laiſſé là ſeule en ceſte maiſonnette,auec
vne vieille femme pour ſa garde , & re-
monté ſur ſes nauires , prit ſon chemin
vers Thrace , où eſtant arriué , au lieu
d’apporter quelque contentement à ſa
femme Progné, pour la venuë de ſa ſœur
Philomelle , qu’elle attendoit auec ſi
grand deſir, il luy dit,auec parolles fein-
tes & deſloyales , que Philomelle eſtoit
morte en la maiſon de ſon pere, depuis
qu’ils eſtoient en Thrace. Pluſieurs re-
grets fit Progné pour ſa ſœur viuante,
qu’elle penſoit eſtre morte , comme le
traiſtre Thereus le luy faiſoit entendre:
mais Philomelle, quoy qu’elle fut gar-
dée , penſoit touſiours de ſe venger du
traiſtre, & de faire entendre en quelque
façon à ſa ſœur ſon outrage receu, & ſon
violement ; & s’aduiſa de mettre en vne
tapiſſerie tout le tort qu’elle auoit re-
ceu de Therée, & le repreſenter & eſcri-
re de telle façon qu’il ſeroit cogneu : ce
qu’ayant fait , l’enuoya ſeurement à ſa
ſœur Progné, qui ayant veu & cogneu
vn tel acte meſchant & inique, diſſimula
pour quelque tẽps ſon mal-talẽt:mais ne
le pouuant plus celer & couurir,s’aduiſa
d’vn acte du tout prodigieux ; c’eſt qu’el-
le prit leur fils Ithys qu’ils auoient eu
enſemble , & ſans aucune pitié & com-
paſſion ( comme vne Medée furieuſe &
enragée , mettant ſes mains cruelles
ſur luy , le mit en pieces ; & l’ayant fait
boüillir le fit manger à ſon mary, qui ne
ſçauoit encor quelle viande c’eſtoit :
apres qu’il en eut mangé, il demanda ſon
fils Ithys pour le faire diſner auec luy.
Helas ! le petit innocent y eſtoit voire-
ment ; mais il n’eſtoit pas cogneu : &
l’ayant derechef demandé , la cruelle
Progné luy preſenta finalement pour
deſſerte la teſte d’iceluy boüillie en vn
plat ; & luy dit en grand’ ire & fureur:
ha ! traiſtre & deſloyal , pourquoy de-
mandes-tu tant ton fils Ithys ? l’as-tu
pas dans tes entrailles ? vien-tu pas de le
manger tout maintenant ? acheue le reſte,
& mange encor la teſte que voila.

Thereus à ces parolles demeura auſſi
immuable qu’vne roche : & eſtant finale-
ment reuenu à ſoy,comme d’vn profond
eſtourdiſſement, & deuenu furieux, ren-
uerſe la table à terre ; & prenant vne eſ-
pée voulut tuer Progné & Philomelle,
qui auoit eſté quelque temps cachée en
la maiſon, ourdiſſant ceſt acte tragique :
Mais ( adiouſtent les Poëtes en leurs
fictions ) ainſi que Progné & Philomelle
s’enfuyoient deuant luy , par la commi-
ſeration des Dieux, changerent tous trois

de forme : car Thereus fut changé en vn
vilain & ſale oyſeau, qui eſt nommé
Huppe : Progné ſa femme fut changée &
transformée en Arondelle , & Philo-
melle en Roſſignol.

Mais laiſſons en cecy les fictions poë-
tiques de leur transformation, & diſons
que ces actes ſanglans & tragiques fu-
rent vne douloureuſe eſpine au maria-
ge de ce cruel Roy Theree. Certes ce
furent nopces ſanglantes, nopces dou-
loureuſes & miſerables. Thereus com-
mença vilainement le malheur, & Pro-
gné l’acheua auec vne barbarie du tout
eſtrange, n’eſpargnant point ſon propre
fils,pour ſe vẽger de ſon mary. O cruau-
té de femme plus que deteſtable & inhu-
maine, qui ſcandaliſe les eſprits qui li-
ſent ſa tragique hiſtoire !

De ceſte Progné cruelle parle le Poë-
te Ouide , au ſixieſme liure de ſes Meta-
morphoſes, diſant ainſi du petit Ithys,

D

42

C’eſt à dire, ainſi que ie l’ay tourné :

Et ainſi demeure vray le prouerbe
qui dit : Nemo magis gaudet vindicta,
quàm fœmina: c’eſt à dire, Il n’y a ani-
mal plus deſireux de vengeance que la
femme.

ENtre les plus ſales & impudiques
femmes qui ayent eſté au temps
paſſé , il ne s’en trouue gueres qui ait
peu ſurpaſſer en lubricité du tout deſor-
donnée ceſte Meſſaline, qui vrayement
a eſté ſerue de toute laſciueté : telle-
ment qu’à bon droict elle a eſté appelée
la ſeconde Phryne, qui fut auſſi vne deſ-
bordée putain,de laquelle parle Ariſtote
au premier liure de ſa Rhetorique , &
l’Orateur Quintilien au ſecond liure,
chapitre quinzieſme, laquelle pour ſes
meſchancetez, & infames & deſbordees
paillaradiſes, fut accuſée deuant les Iuges
d’Athenes : & ſe voyant en tres-grand &
eminent peril de ſa vie, ne pouuant autre-
ment gauchir vn coup ſi dangereux , ſe
ſeruit de ſa lubricité pour armes : c’eſt
que deſcouurant ſa blanche & delicate
poictrine deuant les Iuges, ſoit pour par
ce moyẽ les eſmouuoir à luxure, & auoir
leur bonne grace, ſoit pour leur tirer la
pitié du cœur, elle eſchappa de telle fa-
çon , & fut deliurée contre ſes accuſa-
teurs : merueilleuſe ruſe de femme ! Mais
pourſuiuons à ce qui ſuit. Ceſte Meſſali-
ne fut fille de Meſſala, duquel elle a por-
té le nom, qui eſtoit parent de Claude
Empereur, laquelle eſtant encor fort
ieune fut dõnee en mariage audit Clau-
de Empereur, qui eſtoit deſia ancien : ce
mariage , ( eſtant deſia ineſgal pour la
vieilleſſe de l'Empereur, & pour le ieune
âge d'elle) fut malheureux : car la chair
chatoüillant ſa ieuneſſe, ne trouuant ſon
contentement aupres du vieux mary, qui
aymoit mieux dormir & prendre ſon re-
pos, (à la façon de ces bons vieillards re-
creus) que pouuoir contenter vne ſi cha-
toüilleuſe ieuneſſe , ſe reſolut d'aller au
change, & chercher ailleurs paſture pour
aſſouuir ſa lubricité; tellement qu'en peu
de temps elle deuint vne deſmeſurée pu-
tain, & du tout abandonnée à ſa chair, &
s'abondonna à pluſieurs adulteres ; voire
changeant ſon habit feminin couroit de
bourdeau en bourdeau ſans aucune hon-
te : & ayant fait gajeure auec vne des plus
renommees putains, l'ayant ſurmontée
en paillardiſe, elle ſe glorifia publique-
ment d'auoir vaincu la plus grande pu-
tain qui fut de ce temps là : voire elle
vint à vn tel deſbordement, qu'en vn iour
& vne nuict, elle aſſeura qu'elle auoit eu
la compagnie de vingt-cinq hommes
plus que l'autre putain, auec laquelle elle
auoit fait la gajeure, & qu'elle s'eſtoit
deſpartie pluſtoſt laſſe , que raſſaſiée de
l'acte Venerien. Finalement, l'Empereur
ſon mary cognoiſſant ces choſes, & ſe
voyant mocqué, la feit mourir,eſteignant
par ce moyen le feu de ſa laſciueté.

L'Hiſtorien Tranquillus recite la vie
de ceſte Meſſaline, en la vie de Claude
Empereur, & Iuuenal en la ſixieſme Sa-
tyre, & Tacitus au liure onzieſme, & Pli-
ne au liure dixieſme , chapitre ſoixante-
deuxieſme : tellement qu'il n'eſt beſoin
d'en dire dauantage.

CEste Lucilie a auſſi rendu ſon
mariage mal-heureux par ſa ialou-
ſie : car ſe doubtant que ſon mary ne fut
amoureux d’vne autre femme , elle prit
conſeil d’vne fauſſe vieille maquerelle,
qui luy promit vne certaine mixtion
qu’elle meſleroit parmy le vin de ſon
mary , & que par ce moyen il quitteroit
toutes folles amours eſtrangeres, & n’a-
dereroit26 qu’à elle ſeule : mais au lieu
d’vn Recipé , il y eut vn Decipé,fort dan-
gereux pour le pauure mary : car la vieil-
le maquerelle donna du poiſon ſans y
penſer,faiſant vn Qui pro Quo de mau-
uais Apothicaire , au lieu du breuuage
qu’elle auoit promis à Lucilie, dont il
mourut tout incontinent. Ha ! fauſſe
Lucilie, tu eſtois trop bonne meſnagere:
tu ne voulois pas que ton mary allaſt
porter ailleurs tes reuenus : tu le vou-
lois auoir toy ſeule , ſans en faire quel-
que part aux autres , & tu as tout perdu:
mal eſtreint qui trop embraſſe.

Voila comme par la ialouſie de ceſte-
cy qui alla aux remedes illicites, le pau-
ure mary receut mort violente par le
poiſon : ce fut vn preſeruatif pris à re-
bours, & de fort mauuaiſe digeſtion:c’eſt
le premier exemple icy mis.

LE ſecond exemple eſt d’Eryphile,
qui fut fille de Thalaon , ou ſelon
aucuns de Iphius, femme de Amphia-
raus , & ſœur de Adraſtus , ſçachant que
ſon mary Amphiaraus deuoit aller à la
guerre de Thebes ſoubs la conduite de
Polynices. Iceluy Amphiaraus ſe tenant
caché pour n’aller à icelle guerre, ſçachãt
( comme il eſtoit deuin ) qu’il n’en re-
tourneroit iamais s’il y alloit , pria ſa
femme Eryphile de ne le deceler point à
perſonne : mais icelle eſtant gagnée &
pratiquée par prieres, & notamment par
vn riche colier d’or que luy donna Poly-
nices, elle declara à ſon frere Adraſtus le
lieu où ſon mary Amphiraus27 eſtoit ca-
ché ; ce qu’ayant ſceu Amphiaraus ( oul-
tré de deſpit contre ſa femme & ſa perfi-
die) ne tarda point à venger vne telle in-
iure : car auant qu’aller à ceſte guerre de
Thebes, il donna charge & commande-
ment à ſon fils Alcmæon, qu’auſſi toſt
qu’il auroit entendu les nouuelles de ſa
mort,il ne differaſt aucunement de tuer
ſa mere Eryphile, ce qui aduint : car ainſi
que les Princes qui ſuiuoient Polynices
faiſoient vn conuiue enſemble, & ſe reſ-
iouyſſoient , voicy venir vne aigle, deſ-
cendant de grand roideur, qui vint rauir
la fleſche d’Amphiaraus, & incontinent
la laiſſa cheoir, laquelle eſtant tombée
& fichée en terre , fut au meſme lieu
tranſmuée en vn verd Laurier , auquel
endroit, ainſi que le lendemain Amphia-
raus combattoit , la terre s’ouurir, & fut
Amphiaraus là englouty auec ſon cha-
riot , ce qu’ayant entendu Alcmæon, fils
dudit Amphiaraus , ne faillit d’executer
le commandement de ſon pere, & tua ſa
mere Eryphile, & par ainſi l’infidelité de
ceſte Eryphile fut cauſe que ſon mary
Amphiaraus mourut de ceſte façon, &
du meurtre que ſon fils Alcmæon com-
mit en elle28 De cecy a eſcrit Iuuenal en
ſa ſixieſme Satyre, diſant ainſi:
Occurrent multæ tibi Belides , atque Ery-
philæ.

C'eſt à dire,
Tu rencontreras là pluſieurs filles de
Danaus nommées Belides, & pluſieurs
Eryphiles : c'eſt à dire,de triſtes & piteux
ſpectacles. Tellement que ceſte Eryphi-
le apres ſa mort ( eſtant aux Enfers ) elle
fut condamnée par les trois Iuges infer-
naux, Æcus, Minos, & Rhadamanthus à
pleurer & gemir inceſſamment ſon for-
fait & trahiſon, comme le recite le Poëte
Virgile , au 6. liure des Æneides, parlant
de la deſcente du Prince Ænée aux En-
fers , allant voir ſon pere Anchyſe aux
champs Elysées, diſant
His locis Phædramque videt , triſtemque
Eryphilem.

C'eſt à dire ;
En ces lieux-là le Prince Ænée void
Phædra, & la triſte & dolente Eryphile.
Ceſte Eryphile donc auſſi a rendu ſon
mariage & les ſiens mal-heureux par ſa
perfidie, & pour auoir trop parlé. Ha
mauuaiſe langue de femme ! Voilà donc
vne mauuaiſe eſpine.

CEste hiſtoire , quoy que fort pi-
toyable, & digne de compaſſion, a
toutesfois en ſoy quelque choſe à re-
prendre : elle eſt pitoyable, parce qu’elle
a eu vn ſuccez funeſte & tragique : il y a
à reprendre, parce que ces deux Amans
Pyramus & Thiſbée ont eſté rebelles à
leurs peres & meres, qui leur auoient de-
fendu celle29 priuauté & alliance : mais ils
ont ſuiuy aueugles l’amour aueugle, qui
les a precipitez à mort piteuſe , comme
nous le verrons cy apres, & ſelon que le
recite le Poëte Ouide, liure 4. de ſes Me-
tamorphoſes , & en l’epiſtre de Pyra-
mus à Thisbée30, l’hiſtoire eſt telle.

Il y auoit en la ville de Babylone deux
familles honorables, deſquelles les mai-
ſons eſtoient tellement voiſines, qu’il n’y
auoit qu’vne vieille muraille, qui en fai-
ſoit la ſeparation. En l’vne de ces famil-
les il y auoit vn fils vnique, nommé Py-
ramus; en l’autre il y auoit auſſi vne fille
vnique, nommée Thisbée : ces deux en-
fans par continuelle frequẽtation eſtoiẽt
ordinairemẽt enſemble, & s’aimoient de
telle façon qu’on ne les pouuoit aucu-
nement ſeparer : leur aage croiſſant, leur
amour auſſi croiſſoit : tellement que du
commẽcement les deux familles auoient
eſperãce que des deux n’en ſeroit qu’vne
quelque iour : mais la noire Deeſſe Diſ-
corde , faiſoit & dreſſoit bien vn autre
conte, & vne autre partie : car elle eſ-
meut vn debat entre ces deux familles,
qui auoient veſcu touſiours en bonne
paix & amitié. Ceſte partie dreſſée, &
ceſte haine confirmée, leurs parens defen-
dirent aux deux Amans , de ne ſe fre-
quenter en aucune façon, & ce ſoubs
grandes & rudes menaces : mais l’amour
qui eſtoit au guet , & qui eſchauffoit
touſiours plus viuement les cœurs de
Pyramus & de Thiſbée , leur faiſoit re-
ietter toute crainte, & ne laiſſoient de
s’entre-voir & parler ſouuẽt ensẽble,iuſ-
qu’à ce qu’il leur fut derechef cõman-
dé fort eſtroictemẽt de s’abſenter l’vn de
l’autre ; mais il eſtoit impoſſible;c’eſtoit
battre l’eau en vain ; ils euſſent piuſtoſt31
enduré la mort , voire mille morts, que
de ſe ſeparer l’vn de l’autre : qu’auint-il ?
Vn iour Pyramus tout penſif, & ne re-
muant rien dans ſon cerueau que ſa che-
re Thiſbée , ſe pourmenoit tout ſeul en
vne chambre de ſa maiſon, en laquelle il
apperceut vne aſſez grande fente en la
muraille, laquelle reſpondoit à iour dans
la chambre de Thiſbée, & l’apperceuant
ſeule , auſſi atteincte de meſme maladie,
l’appella : elle penſant que ce fut quel-
que eſprit errant , s’effraya du commen-
cement : mais ſe r’aſſeurant à la parolle
de ſon mary Pyramus , elle s’approcha
de l’endroit où la voix donnoit, & ne ſe
pouuãs approcher de plus pres, Thisbée
donnoit par la fente le bout de ſa cein-
cture à Pyramus qui la baiſoit, elle auſſi
la rebaiſoit , & continuerent longuemẽt
ceſte façon d’entretenir leurs amours,
iuſques à ce qu’ils prindrent reſolution,
quoy qu’il en aduint , & quoy que fiſſent
leurs parens, de ſortir le ſoir prochain ſe-
crettement hors de la ville , & ſe rendre
(le premier qui arriueroit) aupres d’vne
grande fontaine , ſoubs vn Meurier aſſez
loing de la ville : Le conſeil pris , fut
auſſi de meſmes executé : ô cruelle force
d’amour ! pourquoy allois-tu perdre ces
deux ieunes Amants , le ſoulas32 de leurs
deſolées familles ? Thisbée ſe ſaiſiſſant
de ſes plus beaux ioyaux , (mais helas !
non point ioyaux pour leur mariage &
nopces , mais pour leur ſepulture,) ſort
la premiere, & arriuée à la fontaine , ne
trouuant point Pyramus , l’attend coye
aux rayons de la Lune : cependant qu’el-
le attend ſon cher Pyramus, vne Lyonne
( ſortant de la foreſt, le muſeau tout en-
ſanglanté de quelque beſte qu’elle ve-
noit de deuorer) vient pour eſtancher ſa
ſoif : Thisbée apperceuant ceſte Lyon-
ne, s’enfuit dans l’eſpeſſeur du bois, &
laiſſe cheoir ſon voile blanc : la Lyonne
arriuant flaire & ſoüille ce voile, & l’en-
ſanglante de ſon muſeau ; & ayant beu
le laiſſe là & s’en retourne : mais This-
bée n’oſoit paroiſtre pour la crainte que
elle auoit de la beſte. Pyramus ne tarde
point à venir , & ne trouuant point ſa
Thisbée , ains voyant ſon voile tout en-
ſanglanté à terre, penſa mourir ſur le
lieu,eſtimant qu’elle auroit eſté deuorée
de quelque beſte ſauuage , & qu’il eſtoit
la cauſe de ſa mort , commença à ietter
en l’air de merueilleux cris & plaintes la-
mentables, criant : ha Thisbée , Thisbée
ma vie ! ie t’ay perduë , ie t’ay fait mou-
rir , mais ie te ſuiuray de pres ; car ſans ta
douce preſence ie ne puis plus prolon-
ger ma vie : ô Lyon,beſte enragée & ſau-
uage , pourquoy me rauis-tu la vie en
ma chere Thisbée ? helas ! quel domma-
ge t’auoit-elle fait ? tu as beu ſon ſang
innocent , lequel viuant eſtoit ma vie ;
vien, vien beſte farouche & ſanglante
boire le mien,& par ce moyen ton ven-
tre affamé & inſatiable ſera le tombeau
de nous deux. Ha ! tres-chere Thisbée,
puis que tu es morte pour m’aimer con-
ſtamment , il eſt bien raiſonnable auſſi
que ie meure pour toy , & que ie t’ac-
compagne , puis qu’eſloigné de toy ie
mourrois à toutes heures ! Ha Meurier !
arbre de dueil & de mort; ce fut deſſoubs
tes branches que l’heure fatale de noſtre
mort pitoyable fut aſſignée ; voire de
Thisbée qui n’auoit ſa pareille au mõde:
tu ſeras deſormais appellé arbre mortel,
arbre de triſteſſe & de douleur. Qu’il
plaiſe aux Dieux , que pour les ſanglots,
les regrets,& les larmes que ie iette deſ-
ſoubs toy en ceſte nuict derniere, fune-
bre & douloureuſe : ils monſtrent en toy
à l’aduenir vn ſigne & memorial de no-
ſtre mort, que ton fruict blanc ſoit rou-
ge , eſtant teinct de noſtre ſang pour ia-
mais. Adieu doncques le monde : Adieu
Babylone, mon beau lieu de naiſſance:
Adieu parens cruels & rigoureux : Adieu
ma chere Thiſbée ; Mais atten33, ie te
prie , ie te vay faire compagnie en tes
ombres mortelles. Faiſant telles plain-
tes, & tels regrets, il tire ſon eſpée, bai-
ſant le voile, & ſe iette de roideur ſur la
poincte, & panthelant encor, & rendant
les derniers ſouſpirs , Tisbée toute eſ-
perduë & paoureuſe reuient, & trouuant
ſon amy Pyramus en tel eſtat faiſant de
merueilleuſes plaintes, & de cris pitoya-
bles, appellant ſon Pyramus : cher Pyra-
mus,reſpons à ta Thisbée : as-tu laiſſé le
monde pour l’amour de moy & ſans
moy ? Ha cruelle & impitoyable eſpée !
tu es enſanglantée au noble ſang de mon
doux amy Pyramus , tu le ſeras auſſi du
mien : nous n’auons peu eſtans viuans
eſtre aſſemblez par mariage , que la Par-
que cruelle maintenant nous aſſemble :
& ſe baiſſant ſur le corps de ſon amy
tout ſanglottant le baiſa, toute noyée &
fonduë en larmes , diſant : Or ſus mon
amy Pyramus, tant cher & amiable, voi-
cy ta douce amie Thisbée, regarde-la
encor vn coup , & luy donne quelque
dernier ſigne de ton amitié, & du dernier
Adieu. A ces parolles Pyramus en mou-
rant entr’ouurit les yeux deſia ſillez du
bandeau de mort, & cogneut que c’eſtoit
ſa Thisbée qui parloit à luy,& luy dit en-
cor ces mots : Ha Thisbée m’amie ! qui
t’a remis en vie ! & diſant cela ſa pauure
ame luy partit du corps. Thisbée ne
pouuant plus porter tel regret pour la
mort de ſon amy , dit : Ie te fay ſacrifice
de mon corps immaculé , que ie te don-
ne en la mort,ne te l’ayant peu donner
en noſtre vie : Receuons ce contente-
ment que la mort plus douce que nos
cruels parens, ioigne nos corps enſem-
ble & noſtre ſang,afin qu’ayans veſcu en-
ſemble nous mourions auſſi enſemble.
Reçoit donc , cher Pyramus , ce dernier
preſent : & ayant tiré l’eſpée toute ſan-
glante du corps de Pyramus, elle ſe ietta
deſſus , la s’eſtant miſe ſoubs la mam-
melle , & mourut ainſi aupres de ſon
amy , & comme a dit le Poëte,
Fato iunguntur,fato ſoluntur amores.34

CEste hiſtoire, pour eſtre auſſi du
tout lamentable, ſuit celle des in-
fortunez Amants Pyramus & Thisbée ;
& eſt deſcripte amplement par des gra-
ues Autheurs , notamment par ceſt an-
cien Poëte Grec Muſæus, & par le Poë-
te Ouide au liure de ſes Epiſtres Heroï-
des, qui deplorans le mal-heur & l’infor-
tune de ces deux Amants, mariez clan-
deſtinement,ont voulu laiſſer ceſt exem-
ple memorable à la poſterité, pour mon-
ſtrer vne tres-piquante eſpine au ma-
riage ; l’hiſtoire eſt telle.

Leander , de la ville d’Abyde , fut
amoureux de Hero, qui eſtoit vne vierge
d’excellente & rare beauté , qui s’eſtoit
voüée Nonin35 à la Deeſſe Venus, & fai-
ſoit ſa demeure ſequeſtrée de la cõpagnie
d’hõmes & de femmes en vne haute tour,
nõmée la tour de Seſte, vis à vis d’Abyde,
où demeuroit Leander. Aduint que ceux
d’Abyde & de Seſte s’aſſemblerent pour
celebrer la feſte de Venus & du bel Ado-
nis : ceux de l’Iſle de Cypre, d’Hemonie 36,
& de toutes les Iſles d’alentour y vin-
drent, les ieunes gens de toutes parts y
arriuerent , & porterent leurs dons ſur
les Autels ; là auſſi ſe trouua Leander,
qui ayant contemplé le Soleil & la beau-
té de la vierge Hero ( qui marchoit dans
le temple de Venus en honneſte grauité,
rendant par ſes yeux , eſperdus ceux qui
la regardoient : car elle eſtoit le trophée
de toute beauté & bonne grace ) en de-
uint incontinent amoureux ; comme
vous feriez bien vous autres mignons
& delicats amoureux, quand telle occa-

ſion ſe preſenteroit : & ne ſceut ſi bien
pacifier l’archerot Cupidon, Dieu d’ai-
mer, qu’il ne ſentit la force de ſa ſagette,
l’amertume de ſa trouſſe : ainſi bleſſé
dedans ſon pauure cœur , il chercha le
remede en la belle Hero, & combattant
encor contre ſoy-meſme, honte le rete-
nant ; il franchit neantmoins le ſault,&
& 37la ſuiuant pas à pas, ſe reſolut de luy
parler , & luy deſcouurir le mal qu’il
auoit en la poictrine : il luy ſerre belle-
ment & tout doucement ſa belle & deli-
cate main, auec infinis ſouſpirs amou-
reux : & la meine en vn coin du temple ;
quoy qu’elle en fit reſiſtance à la façon
de pluſieurs femmes & filles qui ſe font
prier & demander ce dequoy elles ont le
plus d’enuie, & parmy tel aiſe vous dirõt
mille petits prouerbes : comment Mon-
ſieur mon amy, à qui penſez-vous auoir
à faire ? ie vous conſeille que vous faciez
voſtre potage auec d’huile , car de chair
il n’en y a point icy pour vous : oſtez-
vous ie vous prie ; ne m’addreſſez point
vos offrãdes: car ie ſuis à vn autre ſainct
voüee: dea38? deſpeſchez-vous toſt? dites-
moy Adieu, & vous retirez : car voſtre
ciuilité me rendroit auſſi toſt ruſtique
& mal-traictable : ô qu’eſt-cecy ? ie pen-
ſoye que fuſſiez quelque honneſte hom-
me ; mais ie cognoy que vous eſtes fils
de Bouchier39, vous maniez treſbien la
chair : & vous diront encor comme plu-
ſieurs Pariſiennes ; Agà40, que veut faire
ce gros Chreſtien ? mercy Dieu , mon
amy, vous eſtes fort deſſalé : ie croy que
vous venez de Blois41, vous voulez rire :
par ma fy ie ſuis d’aduis de vous picquer
ſi vous ne me laiſſez : c’eſt la pipée cela,
l’accord ne tardera gueres d’eſtre fait.
Ainſi noſtre Leander ayant fait entendre
ſon amour & ſes flammes à Hero ; elle
auſſi qui n’eſtoit point ſi ſauuage qu’elle
ne deſiraſt bien de s’appriuoiſer , & qui
n’eſtoit point auſſi de ces cruelles & im-
pitoyables, qui prennent plaiſir à faire
languir & conſumer à petit feu leurs ſer-
uiteurs , leſquels par honneur & cour-
toiſement elles appellent ſeruiteurs, &
calignaires42, à la façon des filles de Lan-
guedoc, qui diſent, n’auez rin vis mon Ca-
lignayre ?43 cognoiſſant le naïf de ſon cœur,
le receut, appoincta ſa requeſte, & le fit
maiſtre de ſon amitié : mais pource que
le lieu n’eſtoit propre ny fauorable, pour
conſigner ce qu’amour leur promettoit ;
à ſçauoir le lict coniugal, & la conſom-
mation de leurs nopces, ils prindrent re-
ſolution pour iouyr de leurs amours, par
vn moyen que perſonne ne s’apperceut
oncques ; c’eſt que Leander paſſeroit à
nage ce bras de mer , qui eſtoit entre
Abyde & la tour de Seſte de nuict ſeule-
ment : & cependant Hero tiendroit vn
flambeau au deſſus de ſa tour pour ſignal
à Leander, afin qu’il ne s’eſgaraſt en mer
ſans guide, en danger de ſe perdre. Helas !
Leander ; ie te voy courir à ta ruine : Ie
voy le flambeau eſteinct , qui eſtiendra
auſſi la lampe de ta vie ! helas clandeſtin
mariage & mal-heureux ! helas ! c'eſt le
flambeau de mort & funerailles : c’eſt l’a-
uant-coureur de ta mort , & non point
le ſacré flambeau de tes nopces. La nuict
des deux Amants tant deſirée eſtant ve-
nuë , ſelon la promeſſe donnée , Hero
eſtant de retour en ſa tour, va allumer le
funeſte flambeau pour guider le miſera-
ble Leander , lequel l’ayant deſcouuert
en l’obcurité44 de la nuict, s’en va ſecrette-
ment à la mer, & ſe deſpoüillant de ſes
habits , s’habilla & munit de courage
pour paſſer à la tour où ſon amante l’at-
tendoit , où eſtant arriué, & apres plu-
ſieurs baiſers & mignardiſes,cõme vous
ſçauez, pour venir au but,elle le nettoya
de l’eſcume de la marine : & ſans vſer de
longs diſcours , meſnageans le temps ſe
mettent au lict nuptial : ô Hercules quel
aiſe ! auquel ils conſommerent leur ma-
riage mal-commencé : & auant que le
Soleil ſe leuaſt , Leander s’en retourna
vers Abyde, ſans eſtre d’aucun deſcou-
uert. Ils continuerent quelque temps en
ces amours & embraſſements : mais le
mal-heur qui dreſſoit la partie changea
bien toſt ces amours en triſtes funerail-
les : car Leander , vn ſoir qu’il faiſoit
fort obſcur , que la mer eſcumoit , l’ora-
ge agitoit les vagues , eſtant preſt de re-
tourner au iardin de ſes delices accou-
ſtumées, & voyant deſia le flambeau re-
luire , ſans crainte de la mort, de la nuict,
ny de l’orage, ſe delibera de paſſer par
deſſus toutes ces difficultez : & ayant
amour pour guide , ſe iette courageuſe-
ment parmy les bruyantes ondes : & ti-
rant vers la tour , le vent eſteignit le
flambeau : & ne pouuant voir la tour
pour s’y rendre , ayant long temps nagé,
n’ayant plus de force aux bras & iambes,
ne ſçachant où il eſtoit, fut tant haraſſé
& tourmenté des vagues qui l’agitoient
impetueuſement , qu’il ſuccomba dans
les flots de la mer, & fut encor finalemẽt
ietté à bord au pied de la tour de ſon
amante, tout couuert de limon & d’eſ-
cume. Hero voyant que Leander tardoit
tant à venir, & que le iour commençoit
à eſclairer, en pleurant toute penſiue à
part ſoy , iettant ſa veuë ſur le dos de la
mer, va voir ſon amy Leander mort au
pied de ſa tour, tout deſchiré & gaſté cõ-
tre les rocs : iettant des cris lamenta-
bles qui fendoient l’air, s’arrachant les
cheueux de la teſte, comme perſonne in-
ſenſée , ne voulant plus viure apres ſon
doux & loyal Leander , ſe ietta du haut
en bas de ſa tour ſur le corps d’iceluy, &
l’accompagna en ſa mort : tellement que
tous deux ſe trouuerent encor enſemble
aſſemblez. Ce mariage doncques clan-
deſtin fut fort mal-heureux , & eut vne
merueilleuſe & piquante eſpine, qui
changea le miel & douceur de leur ma-
riage en aigreur & mort violente, ſans
honneur de ſepulture dans les vagues de
la mer. O triſte & funeſte mariage !

75

CEste Xantippe a eſté femme du
ſage Athenien, nommé Socrates,le-
quel a eſté le plus ſage Philoſophe du
monde , ſelon meſmes ce qui en a eſté
reſpondu par l’Oracle d’Apollon qui l’a
iugé tel : ce neantmoins ceſtuy-cy n’a
pas laiſſé d’eſtre viuement picqué des eſ-
pines de ceſte Xantippe , femme rioteu-
ſe : tellement qu’à bon droict elle eſt icy
accomparée à vn climat neigeux, ſubject
à tempeſte & orage ; car tout ainſi qu’vn
irrité & innauiagable Occean, dõne beau-
coup de peine à ceux qui le coſtoyent
ſeulement ; voire les porte51 à fonds bien
ſouuent par la fureur de ſes vagues ; ainſi
ceſte tempeſtueuſe Xantippe a donné
beaucoup de trauerſes à ce ſage Philoſo-
phe, ſon mary , lequel elle a tourmenté
en diuerſes ſortes : & le voyant d’vn bon
& paiſible naturel , elle en eſtoit telle-
ment marrie , qu’elle cherchoit toutes
occaſiõs pour l’irriter & mettre en cho-
lere : ce que n’ayant peu gaigner ſur la
patience d’iceluy , & qu’il n’en faiſoit que
rire ; vn iour qu’elle eut beaucoup fait
ſortir de vent, d’orage, & de tempeſte de
ſa teſte inconſtante, & qu’elle eut vomy
vne infinité d’iniures contre le pauure
Socrates, & qu’iceluy ſe fut allé ſeoir ſur
le ſueil de ſa porte , pour n’ouyr plus ſa
crierie & ſes iniures ; elle voyant ſa fer-
me patience, va prendre vn plein ſeau
d’vrine & de vilenie , & le verſe ſur la
teſte de Socrates, afin de le faire mettre
en cholere ; & de fait il y en auoit aſſez
d’occaſion : mais luy ſage , cognoiſſant
ſa rage,n’en fit que rire, diſant (en ſe ſe-
coüant & nettoyant ) ie me doubtoye
bien qu’apres vn ſi grand tonnerre la
pluye tomberoit & la greſle. Mais c’eſt
merueilles auſſi de la ſage reſponſe qu’il
fit à ſes amis qui le tançoient, ayans veu
qu’elle luy auoit donné vn coup de pied
(combien qu’aucuns dient que ce fut vn
autre) voire ſe mocquoient de ſa patien-
ce : eſtes-vous eſtonnez , dit-il,mes amis
que ie ne luy rends vn ſemblable coup
de pied qu’elle m’a donné ? Dites-moy,
ie vous prie, ſi vn aſne ou vn mulet m’a-
uoit dõné vn coup de pied, ſeroit-il bien
ſeant à moi qui ſuis Philoſophe, de luy
en redonner vn autre ? Ce que voyant le
ſage Alcibiades, ſien amy,luy dit : com-
ment eſt-ce, Socrates, que tu endures
ceſte maſtine & beſte farouche en ta
maiſon ? Que ne la chaſſes-tu dehors,
comme indigne de la compagnie d’vn
tel Philoſophe ? Vois-tu pas que tout
publiquement on ſe mocque de toy, &
de ta trop longue patience ? Ie ſçay bien,
reſpondit Socrates, qu’elle eſt meſchan-
te , qu’elle eſt vne perpetuelle gouttiere,
vne faſcheuſe fumée, & vn tres mal plai-
ſant frimas52 en ma maiſon ; mais nous
qui ſommes Philoſophes , deuons entre
les vertus propres & decentes aux Phi-
loſophes,rechercher celle qui nous rend
(& les autres hommes auſſi) fort recom-
mandables, à ſçauoir la patience : car c’eſt
l’eſchelle & le premier degré aux autres
vertus. Auſſi ne l’auoit-il point pris à
femme ſans ſubject & occaſion : car il la
cognoiſſoit aſſez auparauant ( ce que ne
feroient pluſieurs hommes, ſi, auant que
ſe marier ils recognoiſſoient telles im-
perfections & quartiers de Lune en la
teſte de leurs femmes :) car eſtant ad-
uerty par ſes amis qu’elle eſtoit du tout
meſchante & lunatique ( comme ſont
pluſieurs femmes,) il leur reſpondit en
patient Philoſophe : le ſçay bien , mes
amis, que Xantippe eſt d’vn naturel bruſ-
que, turbulent & du tout intraictable ;
mais ie l’ay pris telle,afin que par les ou-
trages & iniures que i’endureray d’elle à
la maiſon , ie m’accouſtume à endurer
patiemment les outrages que ceux de
dehors me feront : car ſi i’endure patiem-
ment les outrages de ma femme, i’endu-
reray encor auec plus de patience les in-
iures des eſtrangers & de dehors. O So-
crates , tu n’as auiourd’huy gueres d’hõ-
mes qui vueillent imiter ton exemple
& patience ; car ils ayment mieux ſe ſer-
uir des anciennes armes, deſquelles par-
le vn ancien Poëte , deſcriuant la façon
de combatre de certains peuples , diſant

C'eſt à dire,
Les anciennes armes eſtoient , à ſe
combatre à coups de poing, de dents &
d’ongles : tellement qu’il y a vne mer-
ueilleuſe melodie d’ouyr le ſon de telle
eſcrime, quand vn mary rabat de telle
façon les coups de langue de ſa femme ;
il y a bien alors des eſpines. Ceſte Xan-
tippe donc eſtoit vne rude eſpine au
bonnet du bon Socrates ; & quoy qu’il
fut ſage Philoſophe, ſi eſt-ce qu’il ſem-
ble que ceſte trop grande patience eſtoit
plus voiſine de ſtupidité en vn tel per-
ſonnage que de vertu ; & deuoit pluſtoſt
en recognoiſſant le naturel farouche de
ceſte rioteuſe Xantippe, mettre en ef-
fect ( pour le repos de ſes eſtudes , &
du grade de Philoſophie ) ceſt ancien
& tres - veritable prouerbe des Grecs,
tant renommé , qui dit :
Αλυπον ἕξεις τὸν βίον χωρὶς γάμου.

C'eſt à dire,
Eſloigné du mariage tu viuras ſans ſoucy &
faſcherie.
Et ſuiuant auſſi l’autre prouerbe, qui dit:
Γαμεῖν ὁ μέλλων εἰς μεθάνοιαν ἔρχεσθαι.

C'eſt à dire,
Celuy qui delibere de ſe marier, tombe & ſe
precipite en vn faſcheux & dangereux re-
pentir. Et eſtant ſi ſage Philoſophe , il
deuoit coupper la pointe de ceſte eſpi-
ne, & enuoyer ceſte faſcheuſe Xantippe à
ſainct Mathurin de l’Archant ( comme
l’on dit,) où c’eſt qu’on menoit les fem-
mes qui auoient mauuaiſe teſte ; auquel
lieu elles eſtoient baſſinées en treſbonne
forme, & eſtrillées proprement : car or-
dinairement telle ſortes de femmes ca-
tharreuſes d’eſprit, & qui ont les vieilles
lunes en leur teſte54, ſont ſubiectes à telle
defluxion bilieuſe, & douleur hypocon-
driaque ; teſmoin l’hiſtorien Rhodigin
en ſes antiques leçons , qui les appelle
Selenidites,qui eſt autant à dire comme
Lunaires, ou tenans de la Lune. Certes
il eut eſté tres-neceſſaire à ce ſage Philo-
ſophe de prendre garde à certaines loix
eſtablies long temps auant luy,entre leſ-
quelles y en auoit trois principales, tou-
chant le mariage , leſquelles combien
qu’elles ayent en ſoy quelque rigueur,
toutesfois elles reſueilloient bien la con-
ſcience à ces fretillans amoureux : & ne
ſçay ſi nos amoureux d’auiourd’huy
pourroiẽt endurer la rigueur de ces loix,
ſi elles eſtoient en vſage maintenant, ils
ſont deſia aſſez fades & abbatus : tant s’en
faut qu’ils y vouluſſent ſoubſcrire, car ils
attendent (tant ils ſont bien experimen-
tez ) tout leur bon-heur prendre ſon
origine du mariage, ſon cours & ſuccez
d’iceluy : mais ceſtui-cy, qui eſtoit ſi ſage
Philoſophe, ſe deuoit bien prendre garde
des appaſts & faux plaiſirs qui ſe rencon-
trent à ſon entree.

Voyons auant qu’il ſe faſſe plus tard
la troiſieſme loy qu’elle dira.

La troiſieſme loy eſtoit bien plus ri-
goureuſe : car elle donnoit vne beaucoup
plus grande peine qu’aux deux cy deſſus
ſpecifiez : à ſçauoir à celuy qui eſpouſe-
roit vne mauuaiſe femme, ( ie penſe que
alors qu’on faiſoit ces loix c’eſtoit l’an-
née de bonnes femmes, ) mais helas ! à
l’aide, ſi ces loix auoient vigueur auiour-
d’huy, que ſeroit-ce des pauures hõmes ?
il n’y en auroit preſques pas vn qui ne
fut ruiné, veu qu’il y a ſi fertile ſaiſon de
mauuaiſes femmes , ( Motus,il faut par-
ler bas, ſi on dit la verité elles nous vou-
dront mal , en danger de coucher tous
ſeuls , s’en faut bien garder, ) il y auroit
beaucoup d’amendes, il faudroit eſtablir
& conſtituer des commiſſaires & exa-
cteurs de telles mulctes59 & amendes à
chaſque coin de ruë ; voire preſques à
toutes les portes des maiſons , on leue-
roit de merueilleux deniers : il y auroit
aſſez , voire de reſte, pour faire la guerre
au grand Sophy60, à Preſto-Ianes, & aller
aſſaillir les Antipodes ; & en reuenant
rauager tous les Margajats & Toupinen-
quins : & vous aſſeure qu’on leur baille-
roit belle vezarde61; on la leur donneroit
bien chaude, ſans y pẽſer : iamais l’argent
ne manqueroit : mais les pauures mal-
mariez aux mauuaiſes femmes payeroiẽt
bien l’eſcot : bien-heureux qui en fera
prouiſion d’vne bonne ; elle ſera plus
neceſſaire en Eſté qu’vn cent de bour-
rées. Baſte, que chacun face comme il
pourra.

En memoire de ceſte-cy , le nom de
Xantippe eſt venu en prouerbe:car quãd
on veut nommer vne meſchante & rio-
teuſe femme, on dit auſſi toſt , c’eſt vne
Xantippe. C’eſtoit l’eſpine qui picquoit
ſi fort le talon de ce tant ſage (mais trop
patient Philoſophe. ) Se ſerue qui vou-
dra de telle patience, quant à moy ie ne
m’en ſçaurois aider pour tout.

COmbien que ſainct Augustin, en
ſon liure de la cité de Dieu ; & le
ſage Philoſophe Platon en ſa republi-
que, ayent dit, qu’il n’y a rien en ce mõde
qui ſe puiſſe eſgaler en delices,aux plai-
ſirs du mariage, ( non point comme ie
penſe abſolument, mais en quelque par-
tie, non ἀπλῶς , ſed κατὰ τι , comme di-
ſent les Logiciens , ) toutesfois le miel
& la douceur d’iceluy ſont ſouuẽt chan-
gez en fiel & amertume en iceluy, com-
me diſoit le Poëte,

C'eſt à dire,
Les plaiſirs n’y reuiennent pas alternati-
uement, & ils ne ſont pas ſi toſt venus,
qu’ils s’enuolent & s’enfuyent : courez
apres ſi pouuez. Ce que nous venons de
voir,nous le verrons encor en ce qui ſuit:
mais comme diſoit le Poëte , traictant
de telles commoditez ſi cheres,

C’eſt à dire,
Il y a touſiours noiſes & nouueaux de-
bats au lict , auquel l’homme & la fem-
me mariez ſont couchez, on dort fort
peu en iceluy. Ie confeſſe bien que le
lict eſt commun, les enfans communs,
communauté de corps & d’eſprits (pour-
ueu qu’on ne ſe batte point,) mais parmy

ces œillets & ces roſes,il y a tant d’eſpi-
nes, qu’on n’y ſçauroit prendre vn œillet
ou vne roſe, qu’on ne ſoit viuement pic–
qué : parmy les ris, les ſouſpirs ſe meſ-
lent : parmy les delices, les pleurs & les
larmes y ſont : les petits enfans beaux &
gaillards vous donnent du paſſe-temps,
& tout à vn coup ces paſſe-temps ſont
eſtouffez par leurs cris & ordures : vien-
nent-ils grands, ces paſſe-temps auſſi ſe
changent bien ſouuent en grands pleurs
& regrets ; & ſemble pluſtoſt que le ma-
riage ſoit vn iardin, & vn parterre, où ne
croiſſent que ronces & eſpines, que char-
dons & abſynthe , pour faire les bou-
quets d’iceluy , leſquels s’acheptent fort
cherement. Voila les roſes parmy les
picquantes eſpines. Et pour mieux encor
monſtrer les incommoditez qui naiſſent
au mariage, certes ceſte-cy eſt tres-gran-
de : à ſçauoir la ſeruitude en laquelle ſe
met celuy qui ſe veut marier : car eſtant
ſerré au lien de mariage , il faut de ne-
ceſſité qu’il nourriſſe celle, ſoubs le lien
de laquelle il s’eſt mis, qu’il la ſerue &
luy ſoit comme eſclaue & cecy eſt beau-
coup plus intolerable, d’autãt qu’en tous

autres degrez de ſeruitudes, les eſclaues
& ſeruiteurs dependent entierement du
vouloir de leurs maiſtres, & ſont aſſeruis
ſoubs leur volonté , de laquelle il faut
qu’ils deſpendent : mais tout au contrai-
re, en ceſte ſeruitude , il faut que l’hom-
me deſpende de la femme , qu’il endure
ſes fantaſqueries & boutades, qui arriuẽt
de coup à coup , ſelon qu’elle a l’eſprit
flegmatic & agité d’humeur bilieux : tel-
lement que pour vn petit de commodi-
té qu’il en peut receuoir , il en endure
mille trauerſes & moleſtes. Et pourtant
vn ancien Philoſophe, qui auoit autre-
fois mangé des pommes aigres du ma-
riage, dit que l’homme ne doit demeurer
aucunement impuni qui a commis vne
ſi grande faute : à ſçauoir, qu’eſtant mai-
ſtre, franc & libre , il s’eſt rendu valet &
ſeruiteur : tellement que ſi ceux qui ſe
haſtent tant de ſe marier pouuoient voir
en vn miroir & au vif naturel les maux
& trauerſes qui ſe rencontrent au ma-
riage,voyans le piteux tintamarre qui y
eſt , ſe garderoient bien de s’enfermer
dans de ſi rudes liens. Voila pourquoy
le bon Mitio , lequel Terence introduit
en vne Comedie65, dit fort bien cecy,

Ce domt fortune eſt de moy tant priſée,

C’eſt que ie n’eus oncques femme espouſée.

Ha gentil Mitio ! tu eſtois à ton aiſe,
tu iugeois ſans danger des coups, tu en
eſtois loing, tu te mocquois plaiſamment
de l’autre qui eſt introduit en la meſme
Comedie66; c’eſtoit vn bon gros vieillard
(pourroit bien eſtre que c’eſtoit le cra-
cheur & flegmatique Chremes) qui deſ-
couure, tout triſte & melancholique ſur
le theatre, les eſpines du mariage, qui ſe
trouuent en la femme & aux enfans,
diſant ainſi en ſouſpirant ſur le gros
Helas !

Depuis qui i’eus femme & enfans auſsi ,

Iamais ie n’eus que trauail & ſouci.

O quel plaiſir ! quelles picquantes ro-
ſes en ton bonnet de nuict ; Les Mene-
ſtriers en telle dance y chantent fort ru-
dement ; l’vn hauſſera de telle façon ſon
Superius67, qu’on n’y ſçauroit venir , ſans
enfler les veines du front & du col : l’au-
tre tirera ſon Baſſus68 de ſi bas, que tous les
poulmons en ſeront offencez à force de
s’enfler : La Muſique y eſt mal accordan-
te, on y chante vn rude Bequare69, qui vient
toutesfois de nature, car cela eſt naturel
& couſtumier en tels eſtats.

Pompée le grand ſe trouuant parmy
ceſte natiõ, voulut ſçauoir quelle façõ de
viure tenoient ces peuples, ſoubs quelles
loix & couſtumes ils viuoient, & trouua
en ce peuple vne choſe du tout admi-
ble : c’eſt qu’il y auoit vne loy entr’eux,
qui eſtoit obſeruée fort exactement, par
laquelle vn chacun habitant eſtoit tenu
d’auoir deux grandes cuues,en l’vne deſ-
quelles il falloit que le mary , ſes fils &
ſes ſeruiteurs demeuraſſent : & en l’autre
cuue il falloit que la femme, les filles &
chambrieres demeuraſſent auſſi : & ces
cuues , (pour bonne raiſon) eſtoient ap-
pellées les Cuues de Concorde , pource
que chacun auoit ſon quartier, & dormi
ſecurè. Et combien que ceſte loy ſemble
eſtre pleine de rigueur & de grãde auſte-
rité , que le mary fut ainſi ſeparé de ſa
femme , les freres de leurs ſœurs, & les
ſeruiteurs des chãbrieres : hó , hó, quant
à ceux-cy ce n’eſtoit pas mal fait : car
quand ils demeurent trop pres l’vn de
l’autre, ils font ſouuent bien du meſna-
ge en l’abſence du maiſtre & de la mai-
ſtreſſe, ils n’eſpargnent viande ny lict , ils
font tout à la bonne foy,iuſqu’à ce qu’ils
ayent fait quelque enfant : patience,c’eſt
pour ſe ſecourir l’vn l’autre : combien,
dy-ie, qu’il ſemblaſt que leur mariage fut
pluſtoſt vne haine, qu’vne honneſte con-
ionction matrimoniale ; toutesfois elle
eſtoit vn peu radoucie & mitiguée, parce
qu’il eſtoit permis au mary de coucher
vne fois la ſepmaine ( c’eſtoit fort peu)
auec ſa femme, qu’il faiſoit venir en ſa
cuue, & puis apres la renuoyer en la cu-
ue des filles & chambrieres , attendant
l’autre ſepmaine pour ſe reuoir, & con-
ferer de leurs petits affaires ſecrets : Il
eſtoit auſſi permis qu’vne fois l’année
ſeulement, le mary, la femme, les fils, les
filles, ſeruiteurs & chambrieres mange-
roient & boiroient tous enſemble , &
apres cela falloit que chacun prit ſon
quartier & ſe retiraſt dans ſa cuue com-
me deuant ; de laquelle façon de viure,
Pompée le grand tout eſtonné, demanda
à vn des anciens hommes de ceſte nation,
pourquoy ils viuoient de telle façon ſi
eſtrange & inaccouſtumée , lequel reſpõ-
dit : Sçaches, ô valeureux Pompée , que
nature ne nous permet de viure longue-
ment : car nous ne paruenons ordinaire-
ment & pour le plus,qu’à l’aage de ſoixã-
te ou quatre vingts ans : & durant ce brief
terme de noſtre vie, il nous conuient tra-
uailler tout le iour en grand’ peine : la
nuict venuë,il nous faut repoſer de nos
labeurs: & en icelle nuict, il ſemble que
nous ne viuons pas : car nous reſſemblõs
en dormãt pluſtoſt à des gens morts, qu’à
des viuants : & ainſi de ces quatre vingts
ans, ſi nous en ſeparons les nuicts, & que
elles ne ſoient point contées , pource
qu’en icelles nous dormons & ſemblons
eſtre morts, il ne reſtera que quarante ans
de iours : & ſi eſtans contraints de trauail-
ler durant tous ces iours là nous y ad-
mettons & receuons nos femmes & en-
fans, nous ne viurons point: car nous ſe-
rons en perpetuel tourment : La femme
qui eſt de ſon naturel hargneuſe & deſ-
plaiſante , nous apportera auec noſtre
trauail beaucoup d’incommoditez ; les
crieries des meres & enfans troubleront
tout le peu de repos que nous pourrions
auoir en nos mariages. Voila pourquoy
nous obeyſſons volontairement à la loy
de noſtre pays , qui veut & ordonne que
les maris, fils & ſeruiteurs, demeurent en
vne des cuues que tu vois:& les femmes,
filles & chambrieres en l’autre cuue à
part : par ainſi, durant le dur temps de
nos penibles ans & trauaux nous viuons
en quelque paix & repos en ceſte façon
de viure que nous tenons. O quelles dou-
leurs ! ô quels aſſauts ! Certes c’eſt mer-
ueilles qu’il n’y ait nation au monde qui
ſoit exempte des eſpines du mariage : &
ne ſe faut eſbahir , s’il en croit tant au
mariage des humains : car les pauures
Payens recognoiſſans vne telle rigueur,
comme fatale , n’en ont point voulu
exempter leurs imaginaires Dieux : teſ-
moin leur grand Iuppiter, leur Dieu tant
renõmé, lequel pour éuiter le courroux,
la ialouſie & rigueur de ſa ſuperbe ſœur
& femme Iunon a pris ſouuent diuerſes
formes pour aller chercher ſes Nym-
phes foreſtieres & boſcageres, & ſe don-
ner du bon temps ; comme ces anciens
vers Grecs le teſmoignent ſuffiſammẽt,
Zεὺς, κυκνος, ταῦρος, σάτηρος χρυσός δι’ ἔρωτα
Λήδης, Ευρώπηςμ Αντιόπης, Δανάης.

C’eſt à dire,
Iuppiter s’eſt transformé en Taureau,
pour rauir la belle Nimphe Europe.

Il s’eſt transformé en Satyre, & Dieu
boſcager, pour la Nymphe Antiope.

Ne ſe faut donc eſbahir de la façon
de faire de ces barbares , & comme ſau-
uages nations, ſemblables aux Meſſget-
tes en la conduite de leurs mariages : ce
n’eſtoit pas trop mal fait à eux de s’en-
fermer dans vne cuue, & leurs femmes
en vne autre, ils eſpargnoient pluſieurs
coups de poing ; & par ce moyen n’a-
uoient les oreilles rompuës de leurs crie-
ries, murmures & ialouſies. Ie m’aſſeure
que nos femmes d’auiourd’huy n’endu-
reroient pas telle rigueur, d’eſtre enfer-
mées dans vne cuue ſeparées de leurs ma-
ris, ne les pouuans approcher qu’vne fois
la ſepmaine au lict , ( ô quel deſaſtre ! )
& vne fois l’année pour boire & manger
enſemble : il y auroit bien encor plus de
beſongne & de bruit, elles en appelle-
roient aux Areopagites d’Athenes, elles
feroient bien gronder & ronfler le ton-
nerre de leur teſte : ie vous en affie73; Iean
c’eſt mon.

PVis qu’il y a tant de dangers, tant
de ſyrtes & d’eſcueils,dans ceſte mer
de mariage,ceux qui ſe precipitent & ſe
haſtent auec telle ardeur , doiuent bien
regarder aux perils qui s’y rencontrent:
& comme dit le prouerbe, pour precau-
tion à telles gens,
Fœlix quem faciũt aliena pericula cautum.

C'eſt à dire,
Sage eſt celuy qui ſe chaſtie par autruy.74
Et comme diſoit vn certain: Præcepta do-
cent, exempla mouent ; Les preceptes nous
enſeignent ; mais les exemples ( qui ſont
de plus grande efficace ) eſmeuuent75: il
faut penſer à ſa maiſon , quand on void
celle de ſon voiſin bruſler : ſelon que l’en-
ſeigne vn ſage Poëte, diſant,

Le mariage n’eſt point vn boſcage de
plaiſance, ou vn iardin de roſes & d’œil-
lets, comme pluſieurs qui ne ſçauent que
c’eſt ſe l’imaginent ; c’eſt vne maiſon de
ſoucis , en laquelle on ſe chauffe auec
pluſieurs fagots d’eſpines : les parfuns
n’y ſont point d’Aloës , de Myrrhe , ou
d’Encens : il y en a bien d’autres, la fumée
deſquels trouble pluſtoſt le cerueau que
elle ne le reſioüit : ô plaiſirs amers ! il ſe-
roit bon à ceux qui ſe vont eſgarer dans
ſes halliers picquants, qu’ils priſſent gar-
de à la ſage reſponſe que Thales Mile-
ſien fit à ſa mere, laquelle luy dit vn iour ;
mon fils , vous eſtes ieune , ie deſirerois
que vous priſſiez femme , de laquelle
vous auriez des moyens & lignée , à la-
quelle il reſpondit : ma mere , ie ſuis trop
77
ieune, ( auſſi ſont ieunes d’eſprit ceux
qui ſe haſtent de ſe marier, & tomber au
foſſe de repentir. ) Ayant attaint l’aage
d’homme, & ayant deſia ſur la teſte, & en
la barbe les auant-coureurs de vieilleſſe,
eſtant pres de prendre les quittances d’a-
mour, à ſçauoir les Lunettes : ſa mere luy
dit qu’elle deſiroit qu’il ſe mariaſt, à la-
quelle finalement il reſpondit : ma mere
il n’eſt plus temps , eſtimant, & donnant
à entendre par ceſte reſponſe, qu’il ne fai-
ſoit point bon en mariage, ny en ieuneſ-
ſe, ny en vieilleſſe: teſmoing le bon com-
pagnon qui diſoit , qu’il n’y auoit que
deux bons iours en mariage,à ſçauoir le
iour des nopces , auquel on rit auec ſa
nouuelle eſpouſe, & fait-on bonne chere,
& le iour de l’enterrement de la femme
ou du mary : car alors l’vn des deux eſt
en liberté. Mais c’eſt pitié que l’homme,
qui de ſa nature eſt libre & franc ; tou-
tesfois il ſe iette volontairement en vne
toute contraire habitude , de franc , de-
uenir eſclaue : car auec la femme il eſ-
pouſe vn monde de ſoucis,de trauaux &
de peines. Vous donc qui vous voulez
marier, penſez-y ; il n’eſt pas temps de ſe
repentir quãd on eſt pris : il ne faut point
faire comme les Phrygiens , qui furent
ſages trop tard : auant que ſe ietter &
s’aduancer auant en mer , il faut penſer
aux dãgers qui y ſont : car quãd on a cin-
glé en haute mer, & qu’on eſt agité des
vagues & de la tẽpeſte, il n’eſt pas temps
de ſe repentir, ny de crier, à l’ayde miſeri-
corde ; prenons terre, il n’eſt pas ſi aiſé, il
faut prendre patience par force, & en re-
chignant. Et à ce propos à treſbien dit
le Poëte Euripide ;

Le mal venu,il le faut endurer,

Bon gré, mal gré, rien n’y ſert murmurer ;

Mais parauant qu’il vienne,l’homme ſage

Peut par conſeil deuancer ſon dommage.78

Et comme dit auſſi le prouerbe Latin,
Tela præuiſa minùs nocent : c’eſt à dire, Les
coups que nous auons preueu, nous font
moins de dommage, que ceux qui nous
arriuent à l’improuiſte & ſans y penſer.
Auſſi le ſage Metellus Numidicus , en
l’harangue qu’il fit au peuple Romain,
monſtre tacitement qu’il ne fait gueres
bon au mariage, de quelle condition qu’il
ſoit, diſant ainſi, & ſagement,

C'eſt à dire,
Si nous pouuions demeurer, & eſtre ſans
femme, nous ſerions tous exempts & de-
liurez d’vne telle faſcherie & trouble
d’eſprit ; mais puis que nature a ainſi or-
donné, qu’on ne peut gueres commodé-
ment & à repos viure auec elles, ny ſans
icelles , il vaut mieux s’accommoder &
pouruoir à vn bien qui eſt de durée, que
de s’enyurer d’vn plaiſir qui n’eſt que
pour vn moment, & vn petit de temps,
qui paſſe comme la nuée deuant le vent.79

C'eſt à dire,
Il faut oſter & extirper le vice de la fem-
me, ou l’endurer. Celuy qui peut oſter le
vice d’icelle , ſe la rend plus propre, &
mieux à ſon contentement : & celuy qui
endure ſon vice & imperfection, ſe rend
meilleur & plus parfait. Toutesfois quãd
vn homme deſcouure vn peril, il eſt eſti-
mé ſage, ſi auec prudence & moyens li-
cites il le gauchit : au contraire, temerai-
re & fol eſt celuy qui de gré & volonté
s’y precipite.

C'Est icy vn autre aduertiſſement à
ceux qui ſe haſtent de ſe marier, eſti-
mans que le mariage ſoit le ſouuerain
bien de l’homme , & le comble de leur
bon-heur : ils eſtiment que le mariage
ſoit quelque beau vergier de plaiſance,
plein de belles & douces fontaines , en-
tourné de verds & delicieux boſcages ;
mais ils ne ſe prennent pas garde, que
dans les allées de ce vergier, il y a de pro-
fondes foſſes qu’on ne void point, à cauſe
de la belle herbe verte qui les couure, eſ-
quelles ils treſbuchẽt ſans y penſer : qu’il
y a au beau milieu de ce vergier vn en-
tortillé Dedale, dans lequel eſtans entrez,
ils ſont tout eſbahis qu’ils ne ſçauent
d’où ſortir , tournent & retournent , ſe
picquent les pieds des eſpines qui ſont
cachées deſſous la belle herbe, & les fait
bon voir regarder de tous coſtez qui viẽ-
dra au ſecours, pour les tirer de là, & les
oſter de peine.

Le mariage eſt tel ; à l’entrée on pen-
ſe eſtre dans quelque Paradis terreſtre :
mais quand on s’eſt vn peu pourmené
dans iceluy, & qu’on veut cueillir quel-
que freſche roſe, qu’on penſe receuoir
quelque contentement , voicy tout in-
continent cinq ou ſix picquãtes eſpines
qui entrent en la main, & font bien toſt
quitter la roſe : ſi on veut auoir vn œillet
de ce iardin, qui ſe monſtre beau & ver-
meil, on trouue l’ayant cueilly, que c’eſt
vne fleur puante qui offence le cerueau ;
tellement qu’il a eſté fort bien dit par vn
Poëte ,

Voila donc vne partie des œillets &
des roſes du mariage : voyons les autres.

CElvy qui ſe veut marier a quatre
choix , ( pourueu qu’il ſoit en ſon
pouuoir :) De prendre ou femme ri-
che, (cela n’eſt pas dõné à tous: ) ou fem-
me pauure, ( il y en a aſſez par tout, ) ou
femme belle, (là il y a du dãger,) ou fem-
me laide , ( là le diable eſt aux vaches81, )
comme l’on dit. Les moyennes ſont cõ-
priſes ſoubs chacune de ces quatre con-
ditions.

Mais pour mieux commencer telle
beſongne,en laquelle il y a tant de riſque
& d’hazard, il ſeroit, ce me ſemble bon,
que ceux qui ſe haſtent tant de ſe marier,
outre ces quatre choix cy deſſus mis,
priſſent garde à ce qu’vn Poëte François82
a eſcrit pour precaution aux perils des
nopces, eſcriuant pour les trop haſtifs &
eſchauffez, ce qui s’enſuit,

Tel allant à l’emplette d’vne telle
foire fait ſouuent double profit , en pre-
nant la vache qui porte ſon veau83: ce ne
ſont que anticipatæ notiones84, ( comme di-
ſent les Dialecticiens:) Beſongne aduan-
cée eſt toſt acheuée. Quant aux deux
premiers choix cy deſſus propoſez , vn
Poëte Comique85 dit auec fort bonne gra-
ce, & belle elegance cecy de la riche &
de la pauure :

Quiſquis vxorẽ ducere deliberat , nõ deliberat

Rectè, nam vbi deliberauit, ſtatim ducit

Quod multorum vita malorum initium eſt :

Nam ſiquis pauper pecunioſam vxorem

Duxerit, non vxorem, ſed Dominam habet,

Cuius famulus eſt & ſeruus : Quòd ſi duxerit

Nihil ei afferentum dotis, iterum fit ſeruus.

C'eſt à dire,
Celuy qui fait ſa reſolution & ſe deli-
bere de prendre femme , il ne fait point
vne bonne reſolution : car apres telle
deliberation il prend tout auſſi toſt ce
qui eſt le commencement de pluſieurs
maux en la vie humaine : car ſi quelque
homme pauure prend vne femme riche,
il n’eſpouſera pas vne femme, mais vne
maiſtreſſe, de laquelle il faut qu’il ſoit le
valet & le ſeruiteur. Que s’il en eſpouſe
vne qui n’ait aucuns moyens ny doüai-
re, il deuient derechef ſeruiteur. Voila
donc encor vne tres-mauuaiſe & dange-
reuſe eſpine au talon d’vn tel homme.
Voyons donc premierement de la riche
plus particulieremẽt, & ce qu’on en peut
tirer de commodité, ſi le mary n’eſt riche
& de ſa qualité : car icy il y a de la be-
ſongne.

Quelle contenance , ie vous prie, di-
tes-le moy, tiendra là noſtre bon perſon-
nage qui eſt marié ſi richement ? Ie le vois
bien eſtonné ; ce n’eſt pas ſans cauſe, il ſe
gratte derriere l’oreille, ſans qu’il luy deſ-
mange. Que fera-il donc ? il faut qu’en
ſi mauuais jeu il tienne bonne mine,
qu’il ſe reſolue à ce qu’il ne s’eſtoit point
imaginé ny propoſé. Qui conte ſans
l’hoſte (dit-on) conte deux fois. Ha pau-
ure homme ! te voila bien coiffé à re-
bours. Tu eſtois bien plus riche auant
que te marier à ta maiſtreſſe, que main-
tenant, elle te fait marcher à courbettes,
à petits bonds , ſoubs le mouuemẽt de ſa
houſſine & commandement , que c’eſt
vn plaiſir de te voir fretiller & remuer. Si
faut-il faire quelque choſe : que tu te
monſtres honneſte homme, & te rendre
ſeruiable. Il faut que tu te reſolues à ſer-
uir de quelque choſe en la riche maiſon
où tu as eſté receu, il te faut endurer, ce-
la eſt reſolu : peut eſtre par ce moyen tu
r'entreras en grace, & auras de petit à pe-
tit la faueur de ſes parens ; n’eſpargne

les bonnetades & les genoüillades ſur
tout : Quand elle te chantera vn plein
chappeau d’iniures, il te faut faire ſem-
blant de n’en rien entendre , il te vaut
mieux deſcendre ſans ſonner mot en la
cuiſine, faire du feu, mettre du ſaffran aux
choux, pour reſiouïr le cœur de ta fem-
me ; donner ordre au diſner de ta nou-
uelle Dame & maiſtreſſe : peut-eſtre ce-
pendant que tu feras cela, que la bourraſ-
que de ſa cholere paſſera , & pourras
auoir permiſſion d’elle, de t’aſſeoir à ta-
ble. Il faut faire cela, car tu es pris : tu
penſois prendre vne femme, & elle t’a
pris ; prens patience pour ce coup atten-
dant mieux. Sa bourraſque te fait bien
cacher auant en la cuiſine:ô bel eſprit de
femme ! Ie penſe que les Anglois anciens
recognoiſſans telle magnanimité, & grã-
deur de courage en ce ſexe feminin, eux
qui ſont aſſez honneſtement coüards,
leur donnerent iadis ceſt honorable pri-
uilege de conduire leurs armées, comme
Amazones & Pentaſilées , & combatre
ſoubs leur commandemẽt & ordonnan-
ce : pource que quand elles veulent deſ-
ployer leur malice & violence, elles font
de merueilleux exploits ; mais tous ne
ſont pas propres pour combatre ſoubs
elles , ce n’eſt pas la raiſon.

NOstre bon Iobelin89 bridé, marié
ſi richement , n’a pas tout fait de
s’eſtre humilié iuſques là, d’aller pour-
uoir au diſner de Madame ſa riche fem-
me, elle a bien d’autres drogues en ſa fu-
meuſe teſte, qui font courir le bon Ianot90
de tous coſtez , pour luy complaire : s’il
ne fait à ſa fantaſie, la voila ſuperbe cõme
vn Paon qui fait la rouë de ſa queuë : ce
qu’il fait n’eſt point à ſon gré, elle eſtime
ſon mary vn idiot, (comme de fait il n’eſt
pas logé loing de là ; mais l’eſt tout a fait
ſans exception:) elle ſe fait à croire qu’el-
le a pleine teſte & chappeau d’induſtrie91,
& qu’en ſomme rien ne luy eſt caché
qu’elle ne ſçache : ſi le pauure Miſtan-
flutte92 de mary veut ouurir la bouche
pour parler, elle toute deſpiteuſe, arrogã-
te, & ſans raiſon, luy dira; Allez, allez ba-
din, vous ne ſçauez que vous dites , vous
eſtes vn ſot : vous appartient - il de vous
ietter ſi auant ? taiſez vous, & laiſſez par-
ler les autres : c’eſt à vous à parler le der-
nier.

Le Nigaud à double rebras , là deſſus
voyant ſa nouuelle maiſtreſſe qui par-
le d’authorité & brauement ; s’eſtimera
plus que Martin Perrot, iadis eſcorcheur
d’anguilles du grand Artus; voir meſ-
mes beaucoup plus heureux , d’auoir
rencontré à ſi bonne heure vne femme
de ſi bon eſprit, qui l’appelle ſot ſi ac-
cortement : il ſera plus fier de cela que
s’il eſtoit appellé Maiſtre Iean93 tout à
plat. O bon homme, la belle fleur que tu
as mis en ton gros bonnet double , pour
bouquet nuptial & honorable ! mais, na-
ture, t’appellera-on douce & benigne, ſi
tu donnes tel bon-heur deſia à l’entrée
aux ſimples hommes , qui penſent trou-
uer quelque fauorable abry au mariage ?
Non : car tu remplis leur lict d’eſpines
& de ronces , au lieu de leur preparer vn
beau lict de plaiſirs,comme ces temerai-
res s’imaginent. Il en fait bon ouyr par-
ler, & meilleur en eſtre loing:car les plai-
ſirs ſont eſtouffez par les eſpines qui y
naiſſent en grande abondance. Et s’il y a
quelque petit Soleil de bon temps & de
contentement en l’eſpineux mariage, il
y aura tout incõtinent des eſpais broüil-
lards, qui eſtoufferont ce petit Soleil, qui
ſembloit promettre quelque Bonaſſe, &
ſerenité : quelque vent Auſter94, ou quel-
que pluuieux Orion s’eſleueront, qui en-
nuageront l’air, & le calme que ce paſle
Soleil promettoit : tellemẽt que le Poëte
François95 ſemble à ce propos auoir fort
bien dit :

Touſiours mal ſuit le bien, comme l’onde ſuit

l’onde,

Et rien n’eſt aſſeuré, ſans ſe changer au mõde.

Et trouue auſſi celuy auoir fort bien
dit : ( c’eſt le Poëte Ouide en ſes A-
mours.)

C’eſt à dire, ainſi que ie l’ay tourné :

Demãdes-tu, amy, pourquoy ie ne prẽs femme ?

Ie ne veux eſpouſer cela qui me diffame :

Car ſi pour les moyens vne femme ie prens,

Ma liberté ſe perd, d’elle ſerf ie me rends.

DE ſon naturel, & ſe ſentant riche,
elle eſt ſuperbe & deſdaigneuſe,
comme nous le venons de voir : & pour-
tant le remede en cecy , le ſage Philoſo-
phe Pittacus le dõne tres-aſſeuré, diſant,
vxorem ducito ex æqualibus: c’eſt à dire,
prens femme de ta ſorte, & qui ſoit eſ-
gale à toy. C’eſt la plus belle recepte en
cecy qui puiſſe eſtre : car ſi le mary eſt
pauure & ſa femme riche, il n’oſera dire
mot : Semblablement ſi le mary eſt riche
& la femme pauure, elle ſera preſques au
rang des chambrieres, & n’oſera diſpoſer
de rien. Mais ſi l’hõme & la femme ſont
eſgaux, ou à peu pres en moyens , il n’y
aura point tant de bruit, ny d’obligations
de reſte : Si la femme baille à diſner à ſon
mary, elle ne luy ſçauroit rien reprocher,
il a dequoy luy donner à ſouper en re-
compenſe. S’il eſt Gentilhomme , elle
eſt Damoiſelle, chou pour chou, ils ne ſe
doiuent rien : c’eſt auſſi la raiſon pour-
quoy vn certain, duquel parle Plaute en
vne de ſes Comedies, lequel dit, qu’il n’a
rien tant à craindre, que d’eſpouſer vne
femme riche & de haut parentage, afin
qu’il ne ſoit contraint de dire, ( s’il eſt
pauure,) l’ay eſpouſé grand ſomme d’ar-
gent, & ay vendu mon authorité, mon
droict & priuilege à ma femme.96

Auſſi les fruicts qu’en amaſſe le bon-
hommeau97, qui s’eſt voulu marier riche-
ment, pour s’emplumer de l’aiſle d’au-
truy, ce ſont propos rigoureux , ce ſont
iniures & toutes ſortes de meſpris : car
elle contrarie à tout ce qu’il fait , ou dit.
Il ne ſçauroit ſi bien faire qu’il ne ſoit
repris de ſa Dame & maiſtreſſe, qui le
mocque & le biffe en toutes façons. Il y
a donc touſiours nouuelles eſpines au
mariage : car aupres de celle qu’aurez
couppé , naiſtront pluſieurs bourgeons
plus dangereux, & ſemble que ce ſoit la
teſte de l’Hydre, ſerpent à ſept teſtes, qui
donna tant de trauail au vaillant Hercu-
les Thebain : car ayant couppé vne teſte,
ſoudain il en renaiſſoit ſept en la meſme
place;tellement que ſon labeur ſembloit
infini. Ainſi au mariage , auez-vous eſ-
chappé vne difficulté, voicy la noire
Deeſſe Diſcorde, ennemie du repos des
humains , qui vous en enfante , non
point vne ou deux , mais vne milliaſſe.
Voila pourquoy vn Poëte Latin a treſ-
bien dit, deplorant les miſeres du maria-
ge, les trauaux & miſeres qui y naiſſent
preſques à toutes heures, eſcriuant ces
vers ( comme pour Epitaphe & honneur
de ſes dernieres funerailles,)

C'eſt à dire, ainſi que ie l’ay tourné :

Mais reuenons à noſtre bien fortuné,
qui a voulu la riche femme. Quelle
trongne donc tient noſtre Franc-taupin99,
marié ſi richement, pour ſe mettre à ſon

aiſe : mais helas ! pluſtoſt à mal-aiſe. Il eſt
icy accomparé à vn enchainé courſaire,
qui court les mers, par perils, tempeſtes,
vents & orages, attaché par le pied : ainſi
noſtre miſerable eſt attaché aux affectiõs
& volontez de ſa tyrante , qui le fait
ployer où elle veut ; tellement que ſa cõ-
dition n’eſt point meilleure que celle
d’vn courſaire : car il endure plus d’op-
propres100 & d’iniures de ſon inſolẽte fem-
me , qu'vn courſaire ne reçoit de coups
de nerfs de bœufs ſur les eſpaules : encor
vn courſaire eſt commandé par des hom-
mes, & ce miſerable ploye ſoubs le ioug
rigoureux d’vne femme arrogante , la-
quelle il a eſpouſee heureux & en libre
condition , pour viure en ſeruage mal-
heureux ſoubs la rigueur de ceſte nou-
uelle Pallas, qui branſle à tous coups la
lance de ſon ire ſur luy , s’il entreprend
de parler. Te voila bien à ton aiſe auec
ta fripperie ; pauure miſerable, fay du feu
& fais boüillir le pot, ton eſtat & fortune
ſont eſtablis en la cuiſine. Voila vne bel-
le eſpine qui ſeruira d’agraphe pour
tenir droict & debout le bouquet du
bon-heur de noſtre homme marié ſi
richement. Voyons maintenant de la
pauure.

S'Il y a beaucoup d’incõmoditez en
ſe mariant auec la femme riche, il n’y
en a gueres moins en la pauure: car froid
contre froid, ( comme l’on dit ) rend la
couche gelée , ou pour le moins bien
froide. Si vn homme riche eſpouſe vne
pauure femme, ſoit pour ſon plaiſir, ou la
voyant belle, ou autrement, il s’en laſſera
auec le temps, il ſe verra meſpriſé de ſes
amis & de ſes ſemblables , qui cauſera
bien toſt vn deſdain de l’aimer comme
auparauant. Si la pauurette veut parler
en la maiſon comme maiſtreſſe, elle ſera
gourmandée de ſon mary de mille deſ-
dains. Comment l’entendez-vous, belle
hoſteſſe ? parle-on ſi haut en la grange &
au village d'où vous eſtes ſortie ? penſez-
vous encor eſtre apres vos pourceaux &
moutons pour crier ſi fort ? nous ne vou-
lons point tant de bruit de vous. Il luy
reprocha auſſi toſt la pauureté, & luy
dira ; va faquine, tu n’eſtois qu’vne ber-
gerotte, vne pauure femme , née en vne
cahuette & trou de grange, & ie t’ay fait
porter eſtat de Damoiſelle : ie t’ay hono-
rée, qu’on ne ſçauoit qui tu eſtois, ny de
quelle parenté : bref ie t’ay fait telle, qu’il
ſemble que ie t’aye fait renaiſtre , & tu
veux faire de la maiſtreſſe : & Dieu ſçait
alors ſi martin baſton101 eſt mis en beſon-
gne , ſi le mary charge la pauure femme
d’appoinctement:ce ſont de merueilleu-
ſes careſſes,c’eſt mordre en riant, & ſont
en deux dangereux predicaments, Action
& Paſsion : l’vn chante & l’autre pleure: ô
la belle & plaiſante Muſique ! Voila vne
gentille eſpine en leur pied, qui les gar-
de bien de rire trop haut.

Et ſi vn pauure homme eſpouſe vne
pauure femme, il y a bien vn autre tinta-
marre ; il y a bien vrayement d’autres
eſtoupes à filer : car le ſoir de leurs froi-
des nopces n’eſt pas ſi toſt venu, que le
peu de pain qu’ils auoient eſt mangé
ſans ſauſſe ny potage , & ſe vont neant-
moins coucher enſemble, moitié triſtes,
& moitié ioyeux ; ils cognoiſſent deſia
qu’ils ſont bien auant en beſongne.

IL y en a qui font beaucoup de cas des
amis, & de fait ils meritent d’eſtre re-
cherchez & aymez, (s’ils ſont vrais amis,
cela s’entend, car il y en a beaucoup qui
ſont comme la teſte de Ianus, à deux vi-
ſages , auſſi les Italiens les enuoyent
al Diauolo, ) veu qu’amy en place, vaut
plus qu’or en coffre : cela eſt vray, ie l’ac-
corde: mais il y en a pluſieurs qui ſont ſi
heureux, qu’il ſemble qu’ils ſoient nais
auec la coiffe de bonne fortune , comme
on dit, leſquels recouurent des amis ſans
y penſer , & comme en dormant : cela
n’eſt pas donné à tous, ie vous en aſſeure,
fortune leur eſt fort fauorable : car elle
ſe fait auſſi bien porter aux aſnes qu’aux
cheuaux, il n’y a point encor de danger
de ce coſté là : mais ceux qui prennent
& recherchent ſur toute vertu des bel-
les femmes, ils ne ſont pas du tout fols,
comme on pourroit bien dire ( il ne s’en
faut gueres :) mais ils ſont de la race de
Mydas, qui cachoit ſes grandes oreilles
d’aſne ſoubs ſon gros bonnet double :
ceux-là acquierent des amis tout en dor-
mant, & ſans y penſer : car leurs femmes
qu’ils ont choiſi belles , ſont recher-
chées ; & ſouuent le bon Cornu receura
des preſens, qu’il ne ſçaura d’où ils vien-
nent. Quand il va par la ville, il eſt ca-
reſſé , & reçoit pluſieurs Bona-dies105 de
ville qu’il ne cognoit pas encor ; tou-
tesfois il prend le tout en bonne part, &
penſe que c’eſt à bon eſcient, voire s’eſti-
me eſtre le plus gentil garçon de ſon vil-
lage : & n’eſtoit que nature l'a fauoriſé en
luy faiſant la teſte dure , il monſtreroit
des cornes auſſi branchuës qu’vn cerf :
patience toutesfois ; il eſt marié à vne
belle femme , tous n’ont pas ce bon-
heur. Mais quel plaiſir a ce miſerable
auec ſon impudique Heleine ? elle eſt
auſſi bien à ſes voiſins qu’à luy , vn cha-
cun la recherche , toutes les mouſches
viennent à ceſte ruche ; il ne la ſçauroit
garder : car eſtant belle, elle ſera recher-
chée : eſtant impudique, voila ma beſte à
terre, elle eſt touſiours preſte à danſer le
blanſle106de l’Ours 107: & pourquoy ? le Poëte
Iuuenal nous en rend la raiſon, diſant,
Rara eſt concordia formæ, atque pudicitiæ.108

C'eſt à dire,
Beauté & chaſteté ne s’accordent gueres
enſemble.

Et le Poëte Ouide auſſi en dit de meſ-
me en la quinzieſme Epiſtre, parlant du
continuel eſtrif qui eſt entre beauté &
chaſteté.
Lis eſt cum forma magna pudicitiæ.109

C’eſt à dire,
Pluſtoſt les oyſeaux se tairont au Prin-
temps , les Cigales en Eſté , & le Le-
urier Mænelien112 s’enfuira deuant le Lie-
ure, qu’vne femme refuſe à vn ieune hõ-
me qui la pourſuiura auec les fleſches
d’amour & dextrement ; voire celle-là
meſmes que tu n’euſſes oſé croire qu’elle
l’eut voulu faire. ( I’entens touſiours de
celles qui ne font gueres de difficulté de
ietter la plume au vent.) Ce ſont de ces
poupines ſuccrées , de ces fretillardes
qui prennent plaiſir à eſtre recherchées,
ſans vouloir qu’on en ſçache rien, & que
on les eſtime touſiours preudes femmes:
c’eſt bien la raiſon auſſi, il y a vn petit de
l’occaſion : Il ne faut pas touſiours crier
garde, garde le loup , auſſi toſt qu’on l’a
veu. Ainſi le pauure mary qui vit en tel
cocuage, s’il entreprend de garder ſa fem-
me qui eſt belle, & veut iouyr de ſes plai-
ſirs , il entreprendra vne beſongne auſſi
difficile, que s’il rouloit la grand113 pierre
de Siſyphe , duquel parlent les Poëtes,
qui fut condamné eſtant en Enfer de
porter ſur ſes eſpaules vne grand’pierre
au ſommet d’vne montagne, & quand il
eſt au deſſus la pierre luy eſchappe, &
faut qu’il la retourne querir & remõter ;
tellemẽt que ſa peine eſt infinie : & pour-
tant ie conſeille à tel , qu’ils prennent
patience : car de s’en tourmenter, ſeroit
peine perduë. Voila donc ce me ſemble
vne autre eſpine aſſez picquante. Il y a
bien d’autres choſes qu’on pourroit dire
touchant ſemblables incommoditez ;
mais ie ne veux pas tant deſcourager
ceux qui cherchent telles belles fem-
mes. Voyons finalement la laide.

ICy eſt le dernier choix des quatre
que nous auons dit,que l’homme peut
prendre : nous auons veu de la Riche , de
la Pauure, de la Belle ; voyons finalement
la Laide. Le Paſteur Paris fut bien em-
peſché à laquelle des trois il donneroit
la pomme d’or pour prix ; auſſi ne ſçay-
ie laquelle de ces quatre eſt la meilleu-
re : car en telle marchandiſe les plus fins
& ruſez ſouuent ſe trouuent trompez.

134

C'eſt à dire,
La femme taſche de recompenſer & ra-
douber les deffauts & incommoditez de
ſes années , par mignardiſes , embelliſſe-
ments, emprunts, & tromperies: & fait
tant par induſtrie115 & grand ſoing,qu’elle
ne ſemble eſtre vieille , ( mais faudroit
auſſi donner ordre que la teſte ne bran-
laſt : car c’eſt mauuais ſigne quand les
dents branſlent à vn logis, il viendra toſt
par terre ) Il y a bien de la piperie en ce-
la ; s’en garde qui voudra, ou qui pourra.
Voila pourquoy quelques-vns deman-
derent vn iour au Philoſophe Pittacus,
pourquoy il ne ſe vouloit marier, luy qui
auoit beaucoup de moyens, & qui pou-
uoit trouuer femme à ſon choix : mais
craignant d’eſtre picqué des eſpines du
mariage, il leur reſpondit, diſant; Meſ-
ſieurs mes amis, ſi ie me marie, ie ne
puis que ie ne ſois en peine & tourment :
car ſi ie prens femme qui ſoit belle, ie
ſuis en danger d’y voir mes voiſins & au-
tres, participer auec moy en tel iardin, &
chaſſans à meſme venaiſon, & cueillir en
mon iardin meſmes roſes que moy : & ſi
ie la prens laide , outre le meſcontente-
ment que i’en auray à la maiſon & de-
hors, i’auray encor cecy de mauuais, c’eſt
que par la loy des Lacedemoniens ie ſe-
ray puny & mis à l’amende : & par ainſi
i’ayme mieux demeurer comme ie ſuis,
& payer l’amende pour ne me point ma-
rier & viure en liberté, que de me marier

à vne laide, viuant à regret auec elle &
payer l’amende. Certes les femmes lai-
des de ce temps là auoient bon temps ;
car elles n’eſtoient gueres ſollicitées , on
craignoit la double peine : celles d’au-
iourd’huy ſeroient bien marries ſi telle
loy auoit encor lieu , il leur faſcheroit
bien de coucher ſeules, il y auroit bien à
craindre qu’elles n’appellaſſent de telle
ſentence : & par deuant qui ? il les fau-
droit renuoyer à leur autheur, quoy que
elles allegaſſent la rigueur de telle loy
eſtre trop exceſſiue, diſans pour s’excu-
ſer ; qu’on fait auſſi bien vendanges auec
vn laid panier enfumé , qu’auec vn tout
neuf. Mais l’homme qui a vne laide fem-
me,comment eſt-il logé ? il eſt ſubiect à
beaucoup d’incommoditez : car la voyãt
laide , s’il veut aller chercher ailleurs pa-
ſture, voila la femme qui deuient ialou-
ſe,& veut qu’il ſoit ſien , & qu’il n’aille
point en garroüage116; ( auſſi n’eſt-ce pas
trop bien fait) & s’il y va, elle ſe deſpite :
tellemẽt qu’elle ſe reſoudroit volontiers
de luy rendre la pareille, ſi elle n’eſtoit ſi
laide , mais perſonne n’en veut : oſtez ce
mets de là, la compagnie n’en veut point,
& vous remercie infectionnément , c’eſt
pour la table des valets. Quand il vient
en la maiſon reuenant des champs ou de
la ville , il n’y peut demeurer , car il ne
peut prendre plaiſir à voir la Lune Ecly-
pſée : Il ne ſçauroit ſe ſeruir de ſi laide
moitié, ſinon quelquesfois en nuict ſom-
bre & obſcure, qu’on ne ſe void ny l’vn
ny l’autre , car c’eſt alors que toutes be-
ſtes paroiſſent griſes, & tous bons ou-
uriers en cas de neceſſité mettent tout
bois en œuure: & quoy qu’il allume lam-
pes, chandelles , torches & fallots parmy
la maiſon, il n’y a cependant qu’obſcures
tenebres, d’autant qu’elle a les yeux auſſi
rians qu’vne poulle boüillie : vne com-
modité ſeulement a encor le mary, c’eſt
qu’il peut dormir en aſſeurance , car la
beauté de ſa laide femme ſert de murail-
le, de porte, & de ſerrure à la maiſon, c’eſt
vn fantoſme en vne cheneuiere pour eſ-
pouuanter & faire fuyr les oyſeaux, ſa lai-
deur luy ſert de coutelas & de cimeterre
Turquois pour ſe defendre. As-tu donc
eſpouſé vne laide femme,quoy qu’autre-
ment elle ſoit riche ? Cubes iniucundè ſua-
uiter epulans, diſoit vn certain117: c'eſt à dire,
boy & mange à ton aiſe , mais auſſi tu
coucheras mal à ton aiſe : & comme di-
ſoit vn autre,

C'eſt à dire,
Le miſerable ( il eſt appellé ainſi pour
bonne raiſon ) qui a eſpouſé vne laide
femme , le ſoir venu, & la lumiere miſe
ſur la table, il ſera encor en tenebres.
Mais pour éuiter tels broüillards, & noi-
re nuée , menaçant de faſcheuſe pluye,
greſle, ou eſclat de tõnerre, il ne ſera pas
mal fait de ſuiure le bon conſeil d’vn
Poëte , qui eſt ſur ce ſubject & fort à
propos,

N’en prenez point de laides , la laideur

Cache touſiours vne lente froideur,

Qui hors du cœur la chaleur nous arrache,

Vn corps vilain vne ame laide cache.119

C'eſt à dire,
De nuict on ne peut pas aiſément reco-
gnoiſtre & remarquer les fautes & im-
perfections qui ſont au viſage ou au
corps, & pardonne-on à toute taſche, car
on ne la peut recognoiſtre comme de
iour, & durant la nuict toute femme eſt
trouuée belle.

IL a eſté dit cy-deſſus qu’au mariage il
y a quelques commoditez & plaiſirs,
mais à la verité tous ces plaiſirs & com-
moditez, à peine commencent-ils à nai-
ſtre & eſtre recognus, que les voila tout
incontinent eſtouffez par vne eſpaiſſe
bourraſque & nuage de ſouſpirs , de lar-
mes, & de pleurs, extrema gaudy luctus oc-
cupat. Triſteſſe eſt la porte qui enferme
dehors la ioye. Il s’y rencontre tant de
trauerſes & d’encombriers, qu’il ſemble
que le mariage ſoit le ſablõ où les Athle-
tes & luitteurs combattent : celuy qui
ſe marie, peut bien dire, deſcendo in arenã,
ie deſcend ſur le ſablon, pour m’aller cõ-
battre; & auec vne mauuaiſe teſte de fem-
me, qui ſera bien ſouuent vne des, &c.
qu’auons dit : il ſemble que le mariage
ſoit vne foreſt pleine de beſtes ſauuages,
de lyons , de tygres , d’ours , de loups, &
d’eſpines ; car vn petit plaiſir en iceluy,
s’achepte auec vne infinité de larmes, &
de ſouſpirs : pour vne roſe, il y a mille eſ-
pines : pour vn ris , mille triſteſſes. Bref
i’oſeray dire auec pluſieurs graues per-
ſonnages , qui ont paſſé par l’eſtamine
du mariage, que la vie ſolitaire eſt la plus
heureuſe , hors de troubles, chagrins &
difficultez de peines : car entre mary &
femme, il n’y a aucuns ris ſans pleurs ; ny
plaiſir ſans courroux : tellemẽt qu’il ſem-
ble ceſtuy-cy auoir bien dit, parlant de
l’homme veuf ſorti du mariage & de ſes
eſpines.

145

Qui ſemel vxorem duxit, queritque ſecundam
Naufragus ille iterum naufragium ſequitur.

Ceſte-cy recognoiſſoit treſbien les
poinctes & piqueures des eſpines qui sõt
en mariage, & a voulu par ceſte reſponſe
donner à entendre qu’on n’y a pas tout le
contentement qu’on s’imagine auãt que
d’y eſtre pris. Mais nos amoureux mal ex-
perimentez diſent hó, hó, nous viendrõs
bien à bout de toutes ces difficultez de
mariage, nous-nous garderons bien de
ſes eſpines, nous ne ſommes point tant
pour eux , vous nous en voudriez bien
faire à croire. Nous ſçauons treſbiẽ deſia
la leçon que nous fait le Poëte Ouide,
l.2. de arte amandi.

Militiæ ſpecies amor eſt, diſcedite ſegnes,

Non ſunt hæc timides arma tuenda viris.124

C'eſt à dire,

L’amour eſt vne eſpece de guerre,
oſtez-vous arriere d’icy, vous tous qui
eſtes craintifs , il ne faut point que les
paoureux manient telles armes. Nous
ſçauõs bien cela,nous auons la poictrine
faite à l’eſpreuue. Tout beau, ie vous
prie, tout beau compagnõs, allons belle-
ment, qu’on ne s’eſchauffe point dans ſon
harnois: ceux qui retardent ſont les plus
ſages, comme nous dirons cy-apres. Si
vous-vous y precipitez, vous eſprouue-
rez à voſtre dam, ce que vous n’entendez
pas encor, vous ſçaurez qu’en amour y a
perpetuelle guerre.

N ij

CEux qui ont eſprouué autrefois l’a-
mertume du mariage, ſçauent &
peuuent dire , comme maiſtres experi-
mentez en tel art , combien l’aulne du
bon temps y couſte, & s’il y fait bon ou
non.

N iiij

SI tant de peines & d’encombriers ſe
rencontrent ſi ſouuent en mariage,
qui eſt-ce qui ſe voudra precipiter ( en
eſtant aduerty ) parmy tels tourmens ?
celuy eſt eſtimé fol & temeraire qui eſtãt
aduerty d’vn mauuais paſſage où il n’y a
que brigands & voleurs, s’y va neant-
moins precipiter & perdre:ainſi celuy ſe-
ra ſage qui eſtant libre des liens de ma-
riage ſe maintiendra en ſon eſtat de li-
berté , car on y vid plus auec tourment
qu’heureuſement , comme les exemples
cy-deſſus alleguez en font foy ſuffiſante :
nous y auons veu les Empereurs , les
Rois, les Princes , les capitaines , les ſa-
ges , les Philoſophes , prendre leur part
aux morceaux amers du gaſteau du ma-
riage & s’y ſont treſmal trouuez, ils y ont
coutu fortune & grãd hazard, & de leurs
vies & de leurs honneurs : ceux qui ſont
ſages font leur profit des preceptes , en-
ſeignemens & exemples , on a beau s’y
flatter, s’il y fait vn iour temps ſerain,
& de calme, il y aura vn mois de tourmẽ-
te, de tempeſte & d’orage : les plaiſirs s’y
acheptent à haut poids, & l’acquiſition
en eſt dangereuſe. Il n’y fait gueres meil-
leur que ſur vn fier Occeã, ou irrité Nep-
tune, où c’eſt qu’on eſt à la mercy des va-
gues, & des flots perilleux ; où la tempe-
ſte n’eſpargne Monarque , Empereur ,
Roy, ny Prince:toutesfois il pourra eſtre
bon à celuy qui voudra viure en peniten-
ce,loing des plaiſirs & appaſts de ce mõ-
de:car au mariage il y a aſſez de tourmẽt,
& de martire , comme nous l’allons en-
cor voir.

VOicy finalement à quoy, & à qui
eſt propre le mariage , comme di-
ſent ceux qui ont ſenty la poincte de ſes
fleſches, & l’amertume de ſon breuuage,
à ſçauoir à l’homme qui deſire ſe matter128
ſoy-meſmes , & éuiter les allechemens
du monde , & les plaiſirs d’iceluy , & ſe
priuer de toute liberté : car celuy qui
veut eſtre amoureux & faire la cour à vne
femme, il perd ſa liberté , comme dit le
Poëte Properce, au ſecond liure :

C'eſt à dire,
Puis qu’à l’amoureux il ne reſte aucune
liberté , nul de ceux qui veulent aymer
ne iouyſt de liberté:c’eſt la conſequence.

Et le Poëte Ouide au troiſieſme liure
de ſes Triſtes , en introduit vn qui ſe
plaint ; & dit à ceux qui ne le veulent
croire,

C’eſt à dire,
Afin qu’on recognoiſſe mieux la verité
en cecy, & qui ie ne ſois eſtimé alleguer
choſes feintes & controuuées à plaiſir,
ie deſire que tu puiſſes experimenter mes
peines & mon tourment : & à la verité
s’il y a de ſi rudes eſpines, & tant de iours
douloureux au mariage , i’eſtime qu’il y
a aſſez de ſubject pour eſtre diſtrait de
tous plaiſirs & voluptez, & n’eſt beſoing
de plus forte haire , ny d’hermitage plus
ſombre, loing de tous plaiſirs & delices.
L’entrée du mariage ſont belles roſes de
loing, mais de pres, enuironnées de mor-
telles eſpines, & œillets de mauuaiſe ſen-
teur : ſon pain eſt petry de larmes, ſon
breuuage eſt amer, ſon lict ce n’eſt qu’eſ-
pines, ſa table eſt le pain de douleurs,
pommes aigres & de mauuais gouſt : bref
toutes choſes y ſont mal plaiſantes : &
s’il n’auoit eſté inſtitué de Dieu dés le
commencement du monde par ſaincte
ordonnance , pour la conſeruation de
l’humain lignage , il ſeroit pluſtoſt eſti-
mé vne mer de tourmens & miſeres, que
ſocieté & amitié coniugalle, veu les du-
res & piquantes eſpines qui y ſont. Ce
qu’eſtant fort bien recogneu par vn
ieune homme Athenien , qui eſtoit ſol-
licité de ſes parens à ſe marier ; auant
que prendre la femme qu’ils luy vou-
loient donner , leur fit vne requeſte en
preſence de tous les amis aſſemblez :
Meſſieurs mes parens, & vous honora-
ble compagnie de nos amis, icy aſſem-
blez ; ie vous prie qu’il vous plaiſe de
prier Dieu pour moy, afin que ſon bon
plaiſir ſoit, de me vouloir eſtre en ayde
en ce grand peril & danger, auquel vous
me voyez : de laquelle requeſte tous les
parens & amis eſtans fort eſtonnez , il
leur dit ; ne trouuez point eſtrange ma
requeſte, ny eſloignée de raiſon , veu que
on prie bien Dieu pour ceux qui eſter-
nuent , combien qu’ils ne ſoient point
autrement en danger : mais la priere que
ferez pour moy ſera treſbien employée,
veu le grand & douteux peril auquel
vous me voyez maintenant expoſé. Cer-
tainement ce bon ieune homme n’eſtoit
point fol de faire ceſte requeſte à ſes
amis,de prier Dieu pour luy en vn tel af-
faire, veu que ceux qui ſe trouuent en tels
hazards , ſe trouuent bien empeſchez, &
en danger d’auoir du repentir. Tellement
que ceſtuy-cy eſtant embarqué ſur vne
mer ſi perilleuſe, & donnant aduis aux
autres de ne ſe hazarder ſi auant, deuoit
bien eſtre creu : car Experto credendum eſt
Roberto130: Il eſt homme d’aage, il a quatre
poches dans ſes chauſſes, pleines d’expe-
rience: c’eſt à la nouuelle façon. Mais
ſouuent le trop d’affection de vous au-
tres amoureux vous deçoit tellement le
iugement & la raiſon , que vous faites à
croire que celle que vous aymez eſt ſeu-
le au monde qui garde le cabinet de
toute perfection , qui eſt ornée de toute
excellente vertu, & ſans aucun deffaut
ou imperfection : & ſi quelquesfois elle
a laiſſé aller le chat au fromage, cela n’eſt
rien : elle ne l’a pas fait de ſa teſte, ce n’e-
ſtoit pas à bon eſcient , c’eſtoit pour faire
vn eſſay en l’eſtat duquel elle pretendoit
gaigner ſa vie auec les allants & venants,
qu’elle vouloit achalander. Ainſi on ne
peut nier que l’Amant ne deuienne aueu-
gle entour la choſe aymée ; & ſemble
quand on void ces paſles & trãſis amou-
reux tous troublez de la fiéure ardente
d’amour, qui ſe haſtent ſi eſperduément
& precipitément pour chercher mal-ai-
ſe , qu’ils vont aſſaillir & tuer Careſme
prenant pour en auoir la veſſie :voiremẽt
ils prennent la veſſie131, c'eſt à dire du vent,
au lieu du bien & de l’heur qu’ils s’e-
ſtoient imaginé.

Bandez bien l’eſteuf132, mes gentils
amoureux, gardez de friſer la corde133 du
jeu, le coup ſeroit perdu , courez bien,
mais vous n’irez gueres loing ſans eſtre
arreſtez. Or à ceux donc qui ſe haſtent
tant de ſe marier, qui courent à bride ab-
batuë134, & à courſe eſlancée dans les pic-
quants halliers du mariage, cecy ſoit dit
pour precaution & aduis : qu’ils arreſtent
vn peu leur feu tant allumé : le retarde-
ment au mariage, comme diſoit le Poë-
te, apporte de grandes commoditez.

Nubere ſi qua voles, quamuis properabitis

ambo,

Differ, habẽt paruæ cõmoda magna moræ.

Prenez-la, ne la prenez pas :

Si vous la prenez, c’eſt bien fait :

Si ne la prenez en effect ,

Ce ſera œuure par compas.

Gallopez, mais allez le pas :

Reculez, entrez-y de fait.

Prenez-là, ne la prenez pas :

Ieuſnez, prenez double repas,

Deffaites ce qu’eſtoit refait,

Refaites ce qu’eſtoit deffait,

Souhaittez-luy vie & treſpas :

Prenez-la, ne la prenez pas.

O

162

C'eſt à dire,
Qu’eſt-ce qu’amour ne contraint de fai-
re, veu que le puiſſant Alcides, c’eſt à
dire Hercules fils d’Alcmene, s’aſſubiet-
tit à filer & employer ſes fortes & victo-
rieuſes mains à ſi vil ouurage ?

Auſſi a dit vn certain , parlant de ces
raſſottez146 & folaſtres amoureux,
147

C'eſt à dire,
Toy qui lis cecy de l’amoureux, ne le
nomme pas amoureux, mais inſenſé : car
le fol, & l’amoureux n’ont aucun enten-
dement. Faiſant alluſion de ces deux
mots Amens , qui ſignifie inſensé , & de
Amans, qui ſignifie Amoureux : car cer-
tainement il n’y a pas grande difference,
quand ils ſe laiſſent ainſi emporter à leurs
demeſurées paſſions. Ce que le ſage Pla-
ton a treſbien enſeigné, voulant mõſtrer
l’eſtat & cõdition d’vn amoureux, diſoit
Son eſprit eſt mourant dans ſon corps , & vi-
uant en celuy d’autruy.148 Toutes leſquelles
incõmoditez, trauerſes & breuuages mal
ſauoureux, & tenans de l’aigre, eſtans re-
cogneus par le Tyran Corinthe149; remuãt
toutes ces drogues en ſon eſprit, deſirant
nonobſtant taſter du gaſteau de mariage,
& ſçauoir que c’eſtoit , auant que de s’y
ietter mal preparé & equippé de ce qui
eſt neceſſaire , à ſçauoir de prudence &
bon conſeil, fit comme ceux qui ſe trou-
uent aupres d’vn cheual qui ruë , ils ay-
ment mieux reculer, que de receuoir
quelque coup de leurs ſemelles de fer ;
ainſi en fit -il : car craignant les aſſauts,
les poinctes & eſpines qui pouuoient
eſtre au mariage , ſe trouuant quelque
iour auec le Philoſophe Demoſthene150, &
Prince des Orateurs Grecs, luy demanda
de quelle qualité il deuoit prendre fem-
me , afin qu’il ſceuſt tenir la voye plus
aſſeurée, pour la tranquillité & repos de
ſa vie : cela appartenoit voirement à vn
grand Seigneur comme luy , de recher-
cher ſes commoditez : car il deſiroit en
ſe mariant d’auoir autant de iours heu-
reux pour le moins que d’opinions qu’il
ſe formoit en ſon cerueau. Auquel De-
moſthene reſpondit ſagement , ſans en-
tens-deux : Sçache , dit-il , ô Corinthe151
mon amy , que la femme qu’il te faut
eſpouſer , doit auoir quatre qualitez
fort neceſſaires en ton mariage.

Premierement elle doit eſtre gene-
reuſe, afin que par elle tu ſois honoré en-
tre tes voiſins & amis.

Fin ſans bout.