I. Part.

















I. Part.



























I. Part.

















I. Part.































I. Part.









B iii







I. Part.

































I. Part.



Vous devriez avoir
honte, me dit-elle, de
n’eſtre point plus curieux
& plus empreſſé, & ie
vous croy meſme ſi ne-
gligent, que vous ne
vous eſtes point informé
du nom de cette belle
perſonne. Luy ayant ré-
pondu que ie n’avois eu,
ny la volonté ny le loiſir
de le ſçavoir, elle m’ap-
prit qu’elle s’appelloit
Madame de Candale, &
que ſon mary eſtoit le
plus ialoux de tous les
hommes. Dans ce mo-
ment elle me vint pren-
dre pour danſer, & ie re-
marquay qu’elle rougit,
ie vous avouë que i’eus
quelque dépit de ce que
Madame de Ravaiſtin,
qui eſtoit eſtrangere,
avoit eu plus de curioſité
que moy pour ſçavoir
tout cela. À cette ſecon-
de veuë ie ne fus pas plus
touché qu’à la premiere,
& ie me trouvay auſſi in-
different que i’avois tou-
iours eſté ; ie n’ay ſceu
que depuis peu le ſuiet
qui avoit obligé Madame
de Ravaiſtin à me parler
ainſi ; elle avoit une étroi-
te liaiſon avec Madame
de Beauieu, & l’amitié
qui eſtoit entr’elles, avoit
commencé à Hedin, où
comme vous ſçavez cette
Princeſſe eut ordre d’al-
ler recevoir Madame
Marguerite de Flandre,
qui eſt à preſent Mada-
me la Dauphine.6 Long‑
temps auparavant elle
avoit cherché dans la
plûpart des femmes du
Royaume aſſez de beau-
té pour m’engager, &
aſſez d’attachement à
ſon ſervice pour dépen-
dre abſolument de ſes vo-
lontez ; mais elle n’avoit
encore rien trouvé qui
luy fut propre, que Ma-
dame de Candale, qu’elle
iugea telle qu’elle s’eſtoit
imaginé qu’il falloit eſtre
pour me plaire, & pour
ne faire auſſi que ce qu’el-
le luy ordonneroit. Elle

fit donc ingenieuſement
preſſentir par Madame
de Ravaiſtin, quel iuge-
ment ie faiſois de Mada-
me de Candale, afin de
prendre des meſures ſur
ce que ie répondrois ; mais
elle vit bien qu’il n’eſtoit
pas aisé de me rendre
amoureux, puis que ie ne
l’eſtois pas encore.

Madame de Candale
qui eſtoit dans une de ſes
Terres auprés de Loche,
vint à Amboiſe, de là à
Tours avec le Comte ſon
mary, qui avoit quelques
affaires à terminer avec le
Roy, touchant des pré-
tentions qu’il avoit au
Comté de Foix, la Prin-
ceſſe s’engagea de faire
conſentir le Roy à l’ac-
commodement qu’il de-
mandoit, & la Comteſſe
la voyait ſouvent pour
les intereſts de ſon mary.
Eſtant un iour auprés
d’elle, après luy avoir
donné mille loüanges ſur
ſa beauté, que Madame
de Candale luy rendoit
avec uſure, elle luy dé-
couvrit ſon deſſein, & el-
le la trouva plus prompte
à entreprendre d’en faire
reüſſir l’exécution, qu’el-
le n’avoit pensée. Ie ne
ſçay s’il n’y a pas trop de
vanité à un homme de
dire qu’il a eſté aimé
d’une des plus belles per-
ſonnes de France, avant
que d’avoir merité de l’e-
ſtre ; quoy qu’il en ſoit,
il eſt vray que ie pleu à
Madame de Candale,
qu’elle m’aimoit ſans que
ie le ſceuſſe, & que meſ-
me ſa tendreſſe m’étant
connuë, ie ne fis rien de
tout ce que ie devois fai-
re en ſemblable conion-
cture. Auſſi n’aimois-ie
pas, & i’avois ſi peu de
penchant à l’amour, que
ie regardois toutes les
Dames avec une indiffe-
rence qui m’en devoit
faire haïr. Vous ſçavez
que ce n’eſt pas ce qu’el-
les deſirent des hommes,
& que s’il leur eſtoit per-
mis de choisir, elles pren-
droient l’amour & laiſſe-
roient l’indifference, &
c’eſt en quoy ie les trou-
ve de bon gouſt, & pour
dire la verité, l’un donne
beaucoup plus de plaiſir
que l’autre, l’inclination
que Madame de Candale
avoit donc pour moy, fit
qu’elle receut agreable-
ment la propoſition de
cette Princeſſe, à qui el-
le cacha l’envie qu’elle
avoit de me plaire ; ie ne
ſçavois rien de ce deſſein,
i’avois ſeulement appris
que le Comte montroit
ſouvent de cruels effets
de ialouſie à la Comteſſe,
& qu’il l’accuſoit d’avoir
un commerce d’amour
avec moy, il ſe trom-
poit.

Mais les ialoux ont
quelquefois de certains
preſſentimens des choſes
qui leurs doivent arriver,
ce fut Chaumont qui
m’en avertit. Il ne peut
l’avoir ſceu que par Hau-
teville, interrompit Co-
mines, parce que ie ſçay
que le iour que Madame
de Candale ſe plaignit à
la Princeſſe des ſoupçons
de ſon mary, Hauteville
eſtoit dans ſa chambre.
Chaumont ſourit de ce
que Comines avoit com-
pris ſi iudicieuſement la
verité, & il ne feignit
point de luy avoüer que
cela eſtoit de la meſme
maniere qu’il l’avoit pen-
sé. Ie me mocquay avec
luy de la ialouſie du
Comte, pourſuivit le
Prince, & ie parlay com-
me un homme qui eſtoit
bien eſloigné d’en don-
ner. Chaumont qui n’e-
ſtoit pas de meſme ſenti-
ment que moy, & qui
trouvoit des plaiſirs dans
l’amour que le repos & la
tranquillité du cœur ne
peuvent donner, s’obſti-
noit à me dire que ie de-
vois, ou par gloire, ou
par amuſement, ou par
tendreſſe, aimer quelque
belle perſonne, & la ren-
dre ſenſible ; alors qu’il
me parloit ainſi, nous
eſtions dans le iardin du
Pleſſis-les-Tours.

Et ne croyant point
eſtre écoutez, mais la
Princeſſe & Madame de
Candale qui venoient
prendre le frais que le So-
leil leur avoit empéché
de recevoir tout le iour,
entendant du bruit, s’ap-
procherent ſans eſtre ap-
perceuës, & ne perdirent
preſque pas un mot de
tout noſtre entretien : ie
continuois à me deffen-
dre contre les persécu-
tions de Chaumont, qui
me rapportoit pluſieurs
exemples des grands
hommes qui avoient ai-
mé, & à qui l’amour
n’avoit rien fait perdre de
la gloire que la valeur
leur avoit acquis. Ie puis
vous rendre exemple
par exemple, luy dis-ie,
& ie ne vous en veux ci-
ter qu’un ſeul, & duquel
ie veux profiter ; c’eſt ce-
luy d’Antoine ce fameux
Romain, qui merita l’e-
ſtime & l’amitié de Ce-
ſar, tant que l’amour ne
toucha point ſon cœur,
& que le ſeul deſir de la
gloire en fuſt le maiſtre.
Iamais on n’euſt tant de
reputation que luy, ſes
combats, ſes victoires, &
meſme ſes défaites l’a-
voient rendu le plus
grand de tous les hom-
mes ; Auguſte tout habi-
le & tout puiſſant qu’il
eſtoit, loin d’entrepren-
dre de le détruire, ne
l’euſt iamais osé attaquer ;
mais ce que les forces ne
purent, Cleopatre le fit.
Cette voluptueuſe Reine
d’Egypte deſiroit des
amans, quoy qu’ils puſ-
ſent luy coûter, elle les
vouloit illuſtres & du
premier rang de l’Vni-
vers, & elle payoit de ſa
reputation les tendreſſes
qu’ils avoient pour elle.
Comme elle eſtoit inge-
nieuſe, belle & galante,
& que ſon plus grand
ſoin eſtoit de plaire, elle
employa ſi utilement
la douceur de ſes regards,
qu’Antoine ſe crut trop
heureux d’eſtre regardé ;
enfin elle ſceut ſi bien le
toucher par les endroits
les plus ſenſibles de ſon
cœur, qu’elle le rendit
ſon eſclave, il entroit
dans toutes ſes paſſions,
il regloit ſes volontez ſur
les ſiennes, il faiſoit tout
ſon plaiſir de ſa veuë, de
ſon entretien & de ces
faveurs, que les amans
appellent mal à propos le
ſouverain bien, quel
glorieux avantage tira-
t’il d’un abandonnement
ſi grand, luy aida-t’elle
par ſon eſprit, par ſes tre-
ſors & par ſes ſuiets, à
conquerir de nouvelles
Provinces, luy laiſſa-
t’elle aſſez de prudence
pour appaiſer la revolte
des Royaumes que ſa va-
leur & ſon merite luy
avoient acquis ; enfin luy
donna t’elle les moyens
de maintenir ſon credit,
& de conſerver ſes amis
dans ſa Patrie. Elle ne fit
rien de tout cela, pour-
ſuivis-ie, mais pour le re-
compenſer du honteux
ſacrifice qu’il luy avoit
fait de ſa gloire, elle l’ho-
noroit de ſes faveurs, elle
luy faiſoit gouſter les
plus tendres voluptez
que l’amour puiſſe ima-
giner, mais tout cela n’e-
ſtoit qu’une repetition
des plaiſirs qu'elle avoit
pris autrefois avec Ceſar ;
Antoine le ſçavoit, &
cependant il aimoit ; qu’il
eſtoit peu delicat, qu’il
eſtoit à plaindre de tant
aimer, & qu’il euſt bien
mieux fait de reſiſter à
Cléopâtre. Qui ſuivroit
voſtre conſeil interrom-
pit Chaumont, on n’ai-
meroit iamais, & l’on
paſſeroit la vie ſans ioye
& ſans douceur, mais
heureuſement on ne
vous en croit pas, & l’on
ſe trouve fort bien de ſon
amour. Antoine ſe trou-
va fort mal du ſien, re-
pris-ie, comme Cléopâtre eſtoit obligeante &
tendre, elle offroit ſes fa-
veurs à qui en vouloient,
il ne tint qu’à Herodes
Roy des Iuifs, d’en rece-
voir d’auſſi grandes
qu’Antoine en avoit re-
ceu ; & elle pria d’amour
auſſi Artabaſe Roy d’Ar-
menie8, & ils eurent tous
deux l’incivilité de refu-
ſer une ſi belle conqueſte.
Il n’y a pas trop de quoy
s’en eſtonner, interrom-
pit Chaumont, c’eſtoient
des Barbares qui ne ſça-

voient pas vivre. Elle ſe
vengea cruellement du
mépris de l’Armenien,
pourſuivis-ie, & ce qu’il
y euſt de plus honteux
pour Antoine dans cette
vengeance, c’eſt qu’il fut
l’inſtrument dont elle ſe
ſervit pour arreſter Ar-
tabaſe, à qui elle fit cou-
per la teſte, parce qu’il
n’avoit pas voulu répon-
dre à ſa paſſion. Aprés de
ſi grandes marques d’un
ſi violent amour, qui
n’euſt cru qu’il eſtoit le
plus aimé de tous les
hommes, cependant cela
n’eſtoit pas, elle avoit
deſſein ſur le cœur d’Au-
guſte, qui armoit contre
Antoine ; elle eut intel-
ligence avec luy par un
de ſes Afranchis qu’il luy
envoya pour la mieux
tromper, & fit ſervir les
meſures qu’il avoit priſes
avec elle, pour ruiner
Antoine avec plus de
ſeureté ; cette artificieuſe
& cruelle Egyptienne
voyant qu’Auguſte étoit
preſt d’entrer dans Ale-
xandrie, feignit d’eſtre
morte, Antoine le crut.
Dans le fort de ſa paſſion,
il avoit eſté aſſez amou-
reux pour luy promettre
de ne point ſurvivre à ſa
perte, ſi les deſtins or-
donnoient qu’elle arri-
vaſt devant la ſienne ; &
il fut aſſez imprudent
pour luy tenir ſa promeſſe
dans le meſme moment
qu’elle vivoit, & qu’elle
adioûtoit des graces
eſtrangeres aux ſiennes,
pour eſtre plus aſſeurée
de plaire à Auguſte, qui
fut trop ſage pour ſe laiſ-
ſer prendre à ſes charmes.
Elle ne put pardonner à
ſa beauté d’avoir manqué
de faire un eſclave du
maiſtre du monde, peu
de iours aprés elle s’en
vengea ſur elle meſme,
voulant que toute la ter-
re crut qu’elle n’avoit eu
d’autre deſſein que celuy
de ſuivre Antoine, mais
on n’eſtoit que trop per-
ſuadé, que le dépit de
n’avoir pu ſe faire aimer
d’Auguſte, luy avoit fait
chercher les moyens de
mourir. Chaumont eſ-
fayoit d’afoiblir l’autori-
té de cette exemple par
mille raiſons, auſquelles
ie ne pouvois me rendre.
Madame de Beauieu & la
Comteſſe écoutoient at-
tentivement, & remar-
quant que nous nous
eſtions éloignez, el-
les ne voulurent point
nous ſuivre, & elles alle-
rent ſe repoſer ſur un ſie-
ge de Gazon qui eſtoit à
vingt pas de l’endroit où
elles eſtoient. La Princeſ-
ſe inſtruiſoit Madame
de Candale de tout ce
qu’elle devoit faire pour
me rendre amoureux, el-
le y conſentoit, parce
que ſon cœur & ſes deſirs
le vouloient, mais elle
n’eſperoit rien ; Madame
de Beauieu la r’aſſeuroit,
& en ce temps-là elle
craignoit que la Com-
teſſe ne ſe laſſaſt de ne
me pouvoir attendrir,
ignorant encore les ſen-
timens qu’elle avoit pour
moy. Le Duc de Bour-
bon s’eſtoit trouvé plus
ſenſible, & quoy que ſon
amour n’euſt eſté connu
L'empreinte de la Bibliothèque de l'Arsenal. que long-temps depuis,
il prit la reſolution de ſe
faire aimer de Madame
de Candale. L’entrepri-
ſe eſt difficile quand il
s’agit de deſtruire un ri-
val aimé ; il eſt vray que
ie n’eſtois pas ſi à crain-
dre, que ſi i’euſſe eu au-
tant de paſſion que la
Comteſſe : mais l’incli-
nation qui combat con-
tre un merite qu’on n’e-
ſtime pas, eſt preſque toû-
iours ſeure de vaincre,
iuſqu’icy l’experience de
cette verité eſt toute à
mon avantage, i’ay eu
des craintes, des ſoup-
çons, i’ay eſté ialoux ;
mais on ma fait connoi-
ſtre avec tant de bontez,
que i’avois tort de con-
ſerver ces ſentimens, que
i’ay promis de m’en dé-
faire, & peut-eſtre ſeray-
ie aſſez heureux pour te-
nir ma promeſſe.

Le Comte de Candale
qui obſervoit la conduite
de ſa femme, n’y auroit
rien trouvé de contraire
à la vertu, ſi ſa ialouſie
luy eut laiſſé libre l’entier

uſage de ſa raiſon ; mais
malheureuſement il ne
voyait que ce qu’elle luy
faiſoit voir, & il ſoupçon-
noit les moindres regards
& les moindres actions
de la Comteſſe. Pour
moy i’eſtois heureux, ſi
l’on peut l’eſtre en n’ai-
mant rien, & n’avois
d’autres pensées que cel-
les d’acquerir de la gloire
& de la reputation, ie
n’avois d’autre deſſein
que celuy là, & l’on ne
pouvoit me donner un
plus grand plaiſir, que de
me faire eſperer que ie
rencontreray bien-toſt
dans la guerre de quoy
contenter mon ambi-
tion.

I’eſtois un iour dans
cét agreable iardin qui eſt
ſur le bord de la Loire,
& i’y eſtois ſeul & ſans
deſſein que de le traver-
ſer pour aller monter ſur
mes chevaux, qui m’at-
tendoient de l’autre co-
ſté, lors que i’entendis
une voix que ie crus con-
noiſtre ; en m’approchant
ie trouvay à mes pieds
une boëte à portrait, que
ie n’eus ſeulement pas la
curioſité d’ouvrir, le
bruit & les cris redou-
blans, ie courus vers l’en-
droit où ie iugeois qu’il
devoit partir, & ie vis un
homme, que ie ne connus
point d’abord, qui tenoit
Madame de Candale, &
qui eſtoit preſt de la iet-
ter dans la riviere ; cét ob-
iet m’inſpira de la com-
paſſion pour la Comteſ-
ſe, & de la colere & du
mépris pour le Comte,
que ie reconnus. Comme
il ne pouvoit s’oſter de l’i-
magination qu’elle luy
eſtoit infidelle, il l’avoit
ſuivy dans ce iardin,
croyant qu’il y trouve-
roit la cauſe de ſes ſoup-
çons, & m’ayant en ſuite
veu entrer un moment
aprés, il ne douta plus
de ſa trahiſon. N’en
croyant donc que ſon reſ-
ſentiment & ſa ialouſie,
il luy avoit reproché l’a-
mour qu’elle avoit pour
moy, & l’ayant traitée
avec une violence tres-
cruelle, l’auroit ſans dou-
te noyée, ſi mon bon-
heur & celuy de Madame
de Candale ne m’avoit
fait arriver aſſez à temps
pour la ſauver, le Comte
paſlit à ma veuë, & ce ne
fut pas ſans peine que ie
luy fis quiter priſe, la
Comteſſe eſtoit venu
dans le iardin en habit
negligé, & la furie du
Comte qui s’eſtoit portée
ſur tout ce qu’elle avoit
trouvé de plus propre à
la ſatisfaire, avoit aidé à
me faire remarquer dans
cette negligence & dans
ce deſordre, des beautez
qui m’eſtoient incon-
nuës, & que ie ne
croyois pas auſſi tou-
chantes qu’elles eſtoient ;
ie tiray donc de mes yeux
mille plaiſirs que ie ne
m’attendois pas de rece-
voir, mais ces plaiſirs
n’alloient pas iuſqu’à
mon cœur, & ie penſe
que ſi i’euſſe bien exami-
né ce qui m’obligeoit à
regarder avec un ſi grand
attachement, ie n’aurois
pu en bien dire la cauſe.
Ce que ie ſçay, c’eſt que
ie ne deſoirois rien que
d’arracher Madame de
Candale des bras de ſon
mary. Au cry qu’elle avoit
fait, plusieurs gens qui
eſtoient dans le iardin
vinrent au ſecours ; elle
me pria les larmes aux
yeux, que ie ne l’aban-
donnaſſe point, & ie la
remis entre les mains de
Madame de Beauieu, qui
ſe plaignit au Comte de
ſa violence, luy reprocha
ſon iniuſte ialouſie, &
luy defendit d’en mon-
trer iamais aucune mar-
que, puis qu’il n’en avoit
aucun ſuiet, & luy dit
qu’elle vouloit faire lo-
ger la Comteſſe auprés
de ſon appartement. Il
ny conſentit pas sans s’en
murmurer, mais enfin il
fut contraint de s’y re-
ſoudre ; dés ce méme iour
elle fit trouver bon au
Roy que Madame de
Candale eut un logement
dans le Château, la Prin-
ceſſe qui n’avoit point
ſceu la cauſe de l’acci-
dent qui venoit d’arriver,
& qui vouloit auſſi ſça-
voir ce qui l’avoit obligé
de s’en aller di ſi bonne
heure dans le iardin, luy
fit connoiſtre qu’elle de-
ſiroit de l’apprendre. I’e-
ſtois hier au ſoir dans ce
iardin, Madame, répon-
dit-elle, & comme ie
penſois aux inſtructions
que vous me donniez
pour me faire aimer du
Prince, ie ne me ſuis ap-
perceu que ce matin de la
perte de mon portrait ;
d’abord ſans faire refle-
xion à ce qu’on pourroit
dire ſi l’on me trouvoit
ſeule dans ce iardin, dés
que i’ay eſté en eſtat de
ſortir, i’y ſuis allée,
n’ayant qu’une fille avec
moy, qui s’eſt enfuye.
Voyant la colere où eſtoit
mon mary, i’apprehen-
dois qu’il ne s’imaginaſt
que ie ne l’euſſe donné, il
croit ſi fortement que
i’aime le Prince, & que
i’en ſuis aimée, que tout
ce que i’ay pu dire & tout
ce que i’ay pu faire, n’a
iamais ſceu luy perſuader
le tort qu’il avoit d’eſtre
ialoux : ie craignois donc
que ce portrait ne l’aug-
mentaſt encore, & com-
me ie voulois éviter ces
reproches, ie l’ay cher-
ché dans les endroits mé-
me où il ne pouvoit pas
eſtre ; mais i’ay eſté aſſez
malheureuſe pour ne le
pas trouver. Ainſi, pour-
ſuivit-elle en pleurant,
ie ſuis encore plus cruel-
lement exposée à la furie
du Comte, ſi vous ne me
protegez contre ſa vio-
lence. La Princesse avoit
un trop grand intereſt
qu’elle ne fuſt point ſous
le pouvoir de ſon mary,
pour ne la pas garantir
des outrages qu’il euſt pu
luy faire ; mais comme
elle la ſolicitoit ſouvent
de me donner de l’amour,
& que mon indifference
l’empéchoit de me ren-
dre ſenſible ; vous voyez
que ie vous accorde ma
protection, luy dit-elle,
& que vous eſtes en ſeu-
reté contre ce que vous
pourriez craindre de vo-
ſtre mary, mais il faut
que vous travaillez à me
ſervir avec plus de ſoin
& de complaiſance que
vous n’avez fait, ie
commence à me laſſer
que vous ne ſoyez pas
encor aimée du Duc d’Or-
leans. Helas, peut-eſtre,
n’eſt ce pas tant ma faute
que vous penſez, Mada-
me, répondit-elle, ie
vous aſſeure que c’eſt la
ſienne, ie le regarde lors
que ie puis le regarder, il
me ſemble que ie luy par-
le plus ſouvent qu’à tout
autre : mais le cruel qu’il
eſt, ne remarque rien de
tout ce que ie faits d’obli-
geant pour luy. Changez
de conduite, interrompit
la Princesse, ou ie chan-
geray de ſentimens pour
vous, & ie vous aban-
donneray à la cruauté de
voſtre mary, ſi dans huit
iours vous ne faites naî-
tre une violente paſ-
ſion dans le cœur du
Prince. I’entray dans ce
moment, & ie remarquay
que Madame de Beauieu
eſtoit en colere, & que la
Comteſſe eſtoit reſveuſe,
triſte, & pleine d’inquie-
tude, m’ayant dit la perte
qu’elle avoit faite dans le
iardin, ie me ſouvins du
portrait, ie le tiray de ma
poche, & luy demanday,
en le luy preſentant, ſi ce
n’eſtoit pas le ſien, elle le
reconnut d’abord ; la Prin-
ceſſe ſe retira contre une
feneſtre, feignant de lire
une Lettre qu’elle venoit
de recevoir, mais c’eſtoit
pour nous laiſſer en liber-
té de nous entretenir ; luy
ayant donc rendu ſon
portrait, elle me dit peu
de choſe, mais iamais ie
n’entendis rien de ſi tou-
chant ny de ſi tendre.
Comme elle vit que ie
reſiſtois à cela, elle m’of-
frit ſon portrait, & i’eus
le meſme empreſſement
à le refuſer, que ie devois
avoir eu à le demander.
Que ce cruel refus, me dit‑
elle triſtement, me fera
ſouffrir de peine, & que
ie ſeray malheureuſe, ſi
vous continuez de me
traiter de la maniere que
vous faites. Ie ne répon-
dois point à ces plaintes,
& voyant que ie m’eſtois
retiré, il ne m’aimera ia-

mais, Madame, dit-elle
à la Princeſſe, i’aime en-
core mieux eſtre livrée à
toute la colere d’un mary
qui m’aime, que d’eſtre
expoſée au mépris d’un
homme que ie ne devrois
pas aimer, puis qu’il me
me hait encore malgré ce
que ie fais pour luy.
Alors elle luy rediſoit ce
qui s’eſtoit paſſé entre
nous, Madame de Beau
ieu la conſoloit de ſon
malheur, & luy faiſoit
eſperer que mon inſenſi-
bilité ne dureroit pas toû-
iours. Le Duc de Bourbon
ne pouvoit aſſez remer-
cier ſa bonne fortune de
l’occaſion qu’elle lui don-
noit, de voir Madame de
Cãdale plus aiſémẽt qu’il
n’auroit pû faire dans la
Ville, pendant que le Cõ-
te ialoux & deſeſperé ne
ſçavoit à quoy ſe reſou-
dre. Il eſtoit plus à plain-
dre qu’il n’avoit encore
eſté, on ne luy permettoit
que rarement de voir la
Comteſſe, & ſes ſoupçons
augmentant à tous mo-
mens, il doutoit plus que
iamais de la vertu de ſa
femme, il s’adreſſa au Duc
pour luy demander iuſti-
ce de la violence qu’il pre-
tendoit que Madame de
Beauieu luy avoit faite,
& le ſupplia d’employer
ſon pouvoir afin qu’elle
fuſt remiſe entre ſes
mains. Ce n’eſtoit pas
l’intention du Duc, mais
voulant menager la bi-
zarrerie du Comte, s’il
ne s’engagea pas à le ſa-
tisfaire, il ne luy fit pas
auſſi perdre l’eſperance
d’obtenir ce qu’il deman-
doit. Eſtant preſt de me
coucher, ie redis à Chau-
mont tout ce qui m’eſtoit
arrivé : il ne put entendre
ſans colere, avec quelle
mépriſante manière i’a-
vois refuſé la tendreſſe de
Madame de Candale, &
avec quelle cruauté i’a-
vois dédaigné le portrait
qu’elle m’avoit offert avec
tant de bonté. Vous ne
meritez point le bon-
heur que vous avez,
me dit-il fierement, &
quand on peut eſtre auſſi
inſenſible à l’amour que
vous eſtes, on n'eſt gue-
res touché de l'amitié,
& on a peu de recon-
noiſſances des longs
ſervices. Ie romps donc
l'attachement que i'avois
pour vous, & vous ne me
reverrez iamais dans les
meſmes ſentimens où
vous m'avez vû, que vous
ne deveniez le plus ten-
dre & le plus amoureux
de tous les hommes.
Chaumont me quitta
bruſquement, ce fut en
vain que ie le fis rapeller,
il ne voulut point reve-
nir, il fuyoit les occaſions
de me parler, il ne venoit
plus chez moy, & on s'a-
perçeut de la meſintelli-
gence qu'il y avoit entre
nous. Comme ie connoiſ-
ſois ſon merite, ſon eſprit
& ſa probité, ſon proce-
dé m'avoit ſurpris, i'é-
tois irrité contre luy, &
il me ſembloit que i'avois
du dépit de ce que ie ne
l'eſtois pas davantage.
Diray-ie à Comines,
pourſuivit le Duc d'Or-
leans9 en parlant à Chau-
mont que vous eſtes
amoureux. Ie ſçay il y a
deſia long-temps ce que
vous pourriez m'appren-
dre, interrompit Comi-
nes, & pour vous mon-
trer que ie ne ſuis pas ſi
ignorant que vous pen-
ſez, n'eſt-il pas vray, dit‑
il à Chaumont, que Hau-
teville vous aime, que la
Princesse n'en ſçait rien,
& que depuis deux iours
vous eſtes broüillé avec
elle, parce que vous eſtes
devenu ialoux de Pont-
dormis10. On ſe defend mal
de dire la verité, lors qu'on
ne fait que rougir & ſe
taire, pourſuivit-il, &
ſi vous m'en croyez,
vous tomberez d'accord
que ce que ie dis eſt veri-
table, auſſi bien n'en croi-
ray-ie pas moins quand
vous ne l'avoüerez pas.
Chaumont ne put donc
s'empeſcher de parler de
la maniere qu'on vouloit
qu'il le fiſt, & comme on
a touſiours une extréme
impatience pour tout ce
qui touche noſtre amour,
il pria Comines de luy
apprendre de ce qu'il avoit

ſceu les particularitez
qu'il venoit dire : mais
Comines qui deſiroit en-
tendre la ſuite de l'hiſtoi-
re du Duc d'Orleans, re-
mit à un autre iour à luy
donner la ſatisfaction
qu'il vouloit avoir, & ſu-
plia le Prince de conti-
nuer.11 Puis que l'amour
d'Hauteville & de Chau-
mont ne vous eſt point
inconnu, pourſuivit-il, il
me ſera plus aiſé de vous
faire comprendre tout ce
que i'ay encore à vous di-
re : Madame de Beauieu
vouloit gagner Chau-
mont qui eſtoit dans ma
confidence, & remar-
quant qu'il prenoit plaiſir
à voir Hauteville & à luy
parler, elle luy comman-
da de s'en faire aimer, afin
que ſi elle ne pouvoit fai-
re reüſſir ſon deſſein par
Madame de Candale, el-
le le fit par le pouvoir que
ſa confidente auroit ſur
Chaumont. Ie vous ay
prevenu, Madame, luy-
dit-elle, & iugeant que
vous me pourriez faire ce
commandement, ie n'ay
rien trouvé de difficile
pour vous obeïr ; Chau-
mont a des ſoins & des
complaiſances pour moy,
que ie ne voy point qu'il
aye pour d'autres. Ie pen-
ſe qu'il me veut perſuader
qu'il eſt amoureux ; que
vous plaiſt il que i'en
croye, Madame, continua-
t'elle ; ſi ie luy donne de
l'eſperance, il voudra eſtre
aimé ; ſi ie le mépriſe, il
s'en ira. La Princeſſe ne
luy ayant point conſeillé
de le maltraiter, elle ſui-
vit d'autant plus facile-
ment cét avis, que c'eſtoit
auſſi celuy que ſon cœur
luy avoit deſia donné.
Comme Chaumont te-
noit ſa colere contre
moy, ie gardois mon dé-
pit contre luy, Hautevil-
le fut la premiere qui re-
marqua ce changement,
elle luy en demanda le ſu-
iet : il eſtoit amoureux, &
il ne pût luy cacher ce
qu'elle deſiroit de ſçavoir ;
elle en trouva la cauſe ſi
ſinguliere qu'elle en aver-
tit la Princeſſe, Chau-
mont y ayant conſenty,
la Comteſſe eut auſſi part
à ce ſecret : Madame de
Beauieu la preſſoit étran-
gement ; mais mon indif-
ference la rebutoit, & el-
le ne ſçavoit quelle reſo-
lution prendre. Elle ne
luy faiſoit point connoî-
tre la paſſion qu'elle avoit
pour moy, & ie n'attri-
buois qu'à la ſimple re-
connoiſſance tout ce
qu'elle me diſoit, plûtoſt
que de l'attribuer à l'a-
mour.

Deux iours apres, ie
rencontray Madame de
Cãdale chez la Princeſſe,
d'abord qu'elle me vit, el-
le me vint parler : ie ſçay le
ſuiet de voſtre querelle
avec Chaumont, me dit‑
elle, que ie ſerois heureu-
ſe, ſi c'étoit par mõ moyen
qu'il ſe put r'accommo-
der avec vous. Elle me di-
ſoit ſi tendrement ces pa-
roles, ſes yeux eſtoient at-
tachés avec tant de plai-
ſir ſur les miens, & elle
eſtoit ſi touchante &
ſi belle, que ie me ſuis
mille fois eſtonné de ce
que ie ne l'avois pas aimé
plûtoſt, ie ne ſçay ce que
ie luy aurois répondu, ſi
Madame de Ravaiſtin qui
entra, n'eſtoit venuë me
tirer de la peine où i'é-
tois. La converſation de-
vint generale, & ſelon la
coûtume, on ſe mit in-
ſenſiblement à parler d'a-
mour, & l'on examina
lequel eſtoit le plus
agreable & le plus ſeur,
de faire ſa declaration
ſoy-meſme, ou de l'écri-
re. Pour Monſieur d'Or-
leans, dit malicieuſe-
ment Madame de Ra-
vaiſtin, en me reprochant
mon indifference, nous
ne luy demanderons
point ſon ſentiment, il
ne connoiſt cette paſſion
que ſur le raport d'autruy,
& l'on n'en peut bien iu-
ger que par ſa propre ex-
perience. Ie remarquay
que la Comteſſe rougit
du reproche qu'on me
faiſoit, & qu'elle diſoit
quelque choſe tout bas à
Madame de Beauieu, que
ie ne pus entendre. Mais
peu de temps apres, ie
compris ce que ce pou-
voit eſtre, lors qu'ayant
fierement répondu que
ie tombois d'accord de
mon ignorance, & que
iuſques icy ie n'avois eu
aucun deſſein de faire le
moindre progrez dans
cette ſcience, la Princeſ-
ſe me preſſa d'en dire
mon avis. Ie n'ayme pas
encore, luy dis-ie, ie ne
ſçay ſi i'aimeray ; ſi ce
chãgement arrive, auquel
mon cœur ne s'attend
pas, ma bouche ſera la
premiere interprete de
mes ſentimens, i'ay ouy
dire qu'on hazarde beau-
coup en parlant ; mais on
m'a fait entendre auſſi
qu'on perſuade bien
mieux, & que la douceur
des regards, & la ten-
dreſſe des diſcours ſoûte-
nus du merite de la per-
ſonne, faiſoient tou-
iours une plus forte &
plus prompte impreſſion
dans le cœur, que la Let-
tre la plus amoureuſe ne
ſçauroit faire. Quoy que
ie puſſe dire à l'avantage
de la parole, tout fut
contre moy, iuſqu'à Ma-
dame de Candale, qui me
condamna du conſente-
ment de Madame de
Beauieu & de Madame
de Ravaiſtin, à luy man-
der par écrit mon ſenti-
ment ſur l'amour. Ie
m'en défendis long‑
temps, parce que ie ne
ſçavois ce que ie devois
écrire ; mais enfin ie me
reſolus à luy donner la
ſatisfaction qu'elle deſi-
roit, & ie vay vous dire à
peu pres de quelle ma-
niere eſtoit conçeuë la
Lettre que ie luy en-
voyay le lendemain au
matin.

Comme ie n'ay iamais
eſté aimé, ie ne puis pas
ſçavoir de quelle maniere ie
recevrois la tendreſſe qu'on
auroit pour moy ; mais ie ſuis
ſeur, que mon ardeur & ma
fidelité me conſerveroient
longs-temps le cœur, que
mon amour & mes ſoins

m'auroient une fois ac-
quis.

Apres l'avoir receuë,
elle la lut plus d'une fois,
comme elle m'a depuis
avoüé, & fut en reſolu-
tion de me faire reſpon-
ce ſans rien dire à la Prin-
ceſſe, ny de ſa Lettre ny
de la mienne ; mais ve-
nant à penſer qu'elle l'iri-
teroit, ſans doute, ſi el-
le s'apercevoit d'un mi-
ſtere qui ne le pourroit
eſtre long temps, dés
qu'elle fut en eſtat de la
voir, elle luy montra ce
que i'avois écrit. Quoy
qu'il n'y euſt rien qui
duſt luy donner la moin-
dre eſperance de m'at-
tendrir, la difficulté de
toucher mon cœur, luy
augmenta le deſir qu'elle
en avoit, & meſme elle
crut qu'elle y reüſſiroit :
& ie ne ſçavois pas alors
ſurquoy elle eſtabliſſoit
cette creance. Madame de
Beauieu fut contente de
ce que i'avois écrit, & elle
prit pour un commen-
cement d'amour, ce qui
n'eſtoit qu'un pur effet
des ſentimens qui ne ve-
noient point de mon
cœur. Elle en felicita la
Comteſſe, & luy laiſſa la
liberté de me répondre
ſelon qu'elle le trouveroit
à propos. Le ſoir elle me
donna la réponce chez le
Roy, ne s'en fiant qu'à
elle-meſme, ie la mis dans
ma poche, & comme ie ne
m'eſtois pas ſouvenu de
regarder le portrait, i'ou-
bliay auſſi de lire la Let-
tre qu'elle avoit montrée
avant que de me l'en-
voyer à la Princeſſe, chez
laquelle ie retournay, ſui-
vy de la Trimoüille que
ie ſoubçonnay de l'aimer.
Dés que Madame de
Candale me vit, elle ſe
mit à rougir, & plus ie
m'approchois d'elle, &
plus elle s'éloignoit de
moy ; pourquoy me fui-
yez-vous, Madame, luy
dis-ie, pourquoy rougiſ-
ſez-vous ; la raiſon de
tout cela, me répondit‑
elle, eſt dans la Lettre que
ie vous ay écrite. Ie me
ſouvins alors que ie ne
l'avois pas luë, ie rougis
à mon tour, ie demeu-
ray interdit, & ie parus
embaraſſé ; elle expliqua
ma confuſion à ſon avan-
tage, & ie iugeay à pro-
pos de ne la point dé-
tromper. Cependant
comme ie ne ſçavois
point ce qui eſtoit dans
cette Lettre, ie ne pou-
vois répondre poſitive-
ment à ce qu'elle me di-
ſoit, ie ne voulois point
auſſi qu'elle me cruſt aſ-
ſez mépriſant pour avoir
negligé de voir ce qu'elle
m'écrivoit. Il dépendoit
de vous de ne le point
faire, Madame, luy dis‑
ie, & ie ne m'attendois
pas à une pareille répon-
ce, en eſtes-vous content :
du moins, interrompit-
elle, avez-vous fait refle-
xion ſur de certains en-
droits, où i'ay pris plai-
ſir à exprimer une partie
de ce que mon cœur avoit
à vous dire ; non, ſans
doute, vous n'y avez
point penſé ; montrez la
moy, afin que ie vous
faſſe connoiſtre ce que
voſtre indifference vous
empeſche de remarquer,
& que ie vous force d'a-
voüer que vous eſtes un
ingrat & un cruel, qui ne
meritez point d'eſtre ai-
mé. Ie me mis en eſtat de
luy obeïr, mais ie la cher-
chay vainement, & il me
fut impoſſible de m'ima-
giner ce qu'elle pourroit
eſtre devenuë. La Com-
teſſe, comme i'ay dit, me
l'avoit donnée dans la
Chambre du Roy, où el-
le avoit ſuivy Madame
de Beauieu ; le Comte y
eſtoit venu dans le mo-
ment qu'elles ne faiſoient
qu'en ſortir. Comme il
vit une Lettre aux pieds
du Duc (qui eſtoit celle
que i'avois receu de Ma-
dame de Candale, & que
i'avois laiſſée tomber ſans
y prendre garde) il la
remit entre ſes mains,
croyant que ce fuſt à luy,
& le Duc de Bourbon ne voulut pas
l'en deſabuſer, & dés
qu'il fut en liberté de voir
ce que ce pouvoit eſtre,
il l'ouvrit, & y lut ces
paroles12.

I. Part.



Si la ialouſie du Com-
te euſt eſté plus pene-
trante & plus curieuſe, il
n'auroit pas donné cette
Lettre ; mais comme il
ne ſoupçonnoit point
qu'il dut y eſtre intereſſé,
il crut un peu trop lege-
rement qu'elle eſtoit au
Duc : il n'en connut point
le caractere, & la Tri-
moüille arrivant, il luy
en fit la confidence, &
luy demanda s'il ne devi-
noit pas de qui elle eſtoit,
& à qui elle pouvoit eſtre
écrite, mais il ne put l'en
éclaircir. Pour moy ne
l'ayant donc point trou-
vée où ie penſois qu'elle
fuſt, ie dis à la Comteſſe
que ie l'avois perduë, elle
me fit des reproches ſur
ma negligence, & ie vis
bien qu'elle apprehen-
doit étrangement qu'elle
ne tombaſt entre les
mains de ſon mary. Elle
apprit ce malheur à la
Princeſſe, qui comman-
da ſecrettement qu'on
s'informaſt ſi l'on ne ſça-
voit pas ce qu'elle eſtoit
devenuë. Cét acci-
dent me toucha plus que
ie ne croyois, i'y parus
ſenſible, & Madame de
Candale iugea par ma
douleur, que ma dureté
commençoit à diminuer.

Ie fis chercher de mon
coſté par tout où i'avois
eſté, & moy-meſme auſſi
i'en pris un ſoin tres‑
exact ; mais on n'avoit
garde de la rencontrer,
puis que le Duc de Bour-
bon l'avoit : Madame de
Candale ne pouvoit ſe
conſoler de cette perte,
& i'eſtois au deſeſpoir
de l'avoir cauſée, mais ſa
beauté & ſa tendreſſe, ne
touchoient mon cœur
d'aucunes de ces douces
émotions de ioye & de
plaiſir, qui ſont touſiours
les marques d'un amour
naiſſant. La Princeſſe
voyant que les ſoins
qu'elle avoit pris eſtoient
inutiles, conceut un ſi
grand chagrin de ce que
la Comteſſe n'avoit pû
me rendre amoureux,
qu'elle eut la cruauté de
ſe reſoudre à la remettre
entre les mains de ſon
mary ; voulant faire reüſ-
ſir d'autres moyens qu'el-
le avoit imaginez, pour
me mettre dans ſes inte-
reſts : de la maniere
qu'elle agiſſoit avec Ma-
dame de Candale, il n'y
avoit gueres d'apparence
qu'elle me deuſt aimer,
mais le plus ſouvent l'a-
mour vient lors qu'on
y penſe le moins. Iuſ-
ques-là, cette paſſion
n'avoit oſé s'attaquer à
elle, & ie ne l'euſſe ia-
mais cruë capable de de-
uenir ſi tendre, mais ſa
vertu la trahit.



Les ſoupçons du Com-
te de Candale éveillerent
enfin ſa ialouſie, qui luy
perſuada que c'eſtoit une
Lettre d'amour qu'il
avoit donnée au Duc.
Pour en eſtre plus aſſuré,
il fut le trouver, & luy
demanda ſi la Lettre qu'il
luy avoit renduë eſtoit à
luy : le Duc crut ne l'a-
voir point détrompé ;
mais le Comte ſceut bien
remarquer qu'il avoit
d'abord eſté interdit, &
qu'il avoit eſté quelque
temps à luy répondre,
comme s'il euſt cherché
de quelle maniere il le
devoit faire. Le Comte
qui ſongeoit touſiours
à ſa femme, ne douta
point qu'elle ne l'euſt
écrite, comme s'il n'y
avoit eu qu'elle à la Cour,
capable d'aimer & d'é-
crire : ayant demandé à
Madame de Beauieu qu'il
put la voir en ſa preſence,
ce qui luy eſtant accor-
dé, Madame, dit-il à la
Princeſſe, ie ne ſuis pas ſi
iniuſte que vous penſez ;
ſi ie n'aimois pas tant
cette perfide, continua‑
t'il en montrant la Com-
teſſe, ie ſerois beaucoup
moins ialoux ; mais com-
me elle bleſſe, ſans doute,
mon honneur par l'en-
droit le plus ſenſible où
puiſſe eſtre atteint un
honneſte homme, on ne
doit point s'eſtonner ſi
ie me plains, & ſi dans les
ſuiets du deſeſpoir qu'elle
me donne, i'ay eſté con-
traint d'avoir recours aux
moyens les plus cruels
que ma vengeance a pû
inventer. Vous la prote-
gez, Madame, mais quand
vous ſçaurez que Mon-
ſieur le Duc de Bourbon
vous trahit, & que ma
femme a part à cette tra-
hiſon, ie ne doute point
que vous ne perdiez l'e-
ſtime que vous avez pour
elle, que vous ne l'aban-
donniez, & que vous ne
ſoyez la premiere à me
conſeiller de me vanger
de tant d'outrages. Il luy
apprit enſuite, que ce qui
l'obligeoit de parler ain-
ſi, c'eſtoit une Lettre
qu'il avoit trouvée dans la
Chambre du Roy, & qu'il avoit eu l'impru-
dence de remettre entre
les mains du Duc. Mada-
me de Candale attendoit
avec impatience la fin du
diſcours de ſon mary,
pour ſçavoir de quoy il
pouvoit l'accuſer ; mais
ayant compris que tout
cela n'eſtoit fondé que
ſur le ſoupçon qu'elle
avoit eſté écrite au Duc,
il luy fut aiſé de l'en deſa-
buſer, la Princeſſe ayant
aidé à le faire. Le Duc de
ſon coſté, ayant fait re-
flexion ſur la ialouſie du
Comte de Candale, iu-
gea que la Lettre
eſtoit de ſa femme, & il
iugeoit de bon ſens. Il
crut outre cela qu'il n'é-
toit pas impoſſible qu'el-
le ne s'adreſſaſt à luy.
Dans cette penſée, il
écrivit à la Comteſſe, qui
porta ſon billet à Mada-
me de Beauieu, & qui ne
douta plus, par ce qu'elle
voyoit, que la Lettre de
Madame de Candale ne
fuſt entre ſes mains ; les
tendreſſes que ſon mary
écrivoit, luy donnerent
un grand dépit ; mais
comme elle eſtoit inge-
nieuſe à cacher ſes ſenti-
mens, la Comteſſe ne les
découvrit point. Sça-
chant donc qui avoit la
Lettre, il falut ſonger aux
moyens de la retirer, &
la Comteſſe s'en chargea
par le conſeil de Madame
de Beauieu. Vous vous
eſtonnerez, peut-eſtre,
comment i'ay pû ſçavoir
toutes ces particularitez,
mais lors que ie vous au-
ray dit que ie les ay ſceus
de la pluſpart des intereſ-
ſez, vous croirez aiſé-
ment qu'il ne m'a point
eſté trop difficile de les
apprendre.

En ce temps-là, com-
me vous ſçavez, on par-
loit d'envoyer un Am-
baſſadeur au Roy de Ca-
ſtille, touchant le Rouſ-
ſillon qu'il vouloit deſen-
gager, ou rompre la tré-
ve qu'il avoit avec nous,
en cas que l'on apportaſt
quelque difficulté à la
reſtitution. i'appuyay
fortement la propoſition
que Madame de Beauieu
fit du Comte de Canda-
le, interrompit Comi-
nes, parce qu'il eſt heu-
reux, vigilant & habile
en negociations, &
qu'outre cela, ie voyois
qu'il ne deſiroit qu'un
employ honorable pour
ſe retirer de la Cour. Ie
ſçay que le Roy approu-
va ce choix, & qu'il
fut reſolu qu'il partiroit
dans trois iours, reprit le
Prince.13 Cette nouvelle
toucha vivement Mada-
me de Candale ; la Prin-
ceſſe, bien éloignée de
s'en plaindre, eut la
cruauté de luy dire qu'il
falloit qu'elle ſe prepa-
raſt à le ſuivre, puis qu'elle
avoit mépriſé de la ſer-
vir. Dans cette extremi-
té, elle eut recours aux
prieres, aux larmes, & à
tout ce qu'elle crut capa-
ble de luy faire changer
de reſolution ; mais la
Princeſſe fut inflexible,
& tout ce qu'elle put ob-
tenir, c'eſt qu'elle luy
permettoit de faire un
dernier effort ſur mon
indifference, & que ſi el-
le ne la ſurmontoit pas,
elle devoit s'attendre
d'eſtre livrée entre les
mains de ſon mary. Elle

me fit donc ſçavoir,
qu'elle deſiroit avoir un
entretien avec moy, ie
n'examinay point ce
qu'elle pouvoit avoir à
me dire, & ie luy manday
que ie me rendrois le len-
demain chez elle, à l'heu-
re qu'elle m'avoit mar-
quée.

La douleur qu'elle avoit
de ſon départ, ne luy
avoit point fait oublier le
deſſein de retirer ſa Let-
tre ; dés qu'elle vit le Duc,
elle luy donna lieu d'en
parler, & il l'en remercia
en des termes qui luy fi-
rent comprendre qu'il
n'eſtoit point encore
deſabuſé de la creance
que cette Lettre ne luy
euſt eſté écrite : mais elle
ſceut ſi bien le détrom-
per, qu'il crut qu'il avoit
eu tort d'eſtre ſi credule.
D'abord il refuſa de luy
rendre ſa Lettre, mais
l'ayant menacé de mon-
trer la ſienne à la Princeſ-
ſe qu'il craignoit, il n'en
fit plus aucune difficulté.
Ie voy bien, Madame,
luy dit-il, que ie ne ſuis
pas ce bien heureux que
i'avois cru eſtre, vous
l'aimez, ſans doute, &
ſi i'en puis iuger, ſon
cœur ne s'eſt point encor
declaré pour vous. Il me
ſemble que vous decidez
un peu trop prompte-
ment de mes ſentimens
& de ceux d'autruy, ré-
pondit-elle, ne iugez que
des voſtres, ſi vous m'en
croyez, & ne les montrez
iamais à une perſonne
qui n'eſt pas dans le deſ-
ſein de les voir, ny de les
connoiſtre. Elle le quitta
fierement en finiſſant ces
paroles : elle le laiſſa dans
la liberté de comprendre
quel eſtoit ſon malheur
qui devoit eſtre tres‑
grand, puis qu'il perdoit
l'eſperance qu'il avoit euë
d'eſtre aimé.

Le Comte de Candalle
qui avoit appris qu'il
avoit l'entiere obligation
à Madame de Beauieu, de
l'honorable employ, où
on l'avoit deſtiné, ne
manqua point de l'aller
remercier ; parmy les re-
merciemens qu'il luy fit,
il y meſla quelques de-
ſirs d'emmener ſa fem-
me. La Princeſſe, luy
promit de la remettre en-
tre ſes mains, lors qu'il
ſeroit preſt à partir. Ainſi
le Comte fut plus heu-
reux qu'il n'avoit eſperé,
& il ſe prepara à faire
agreablement le voyage
de Caſtille, ayant avec luy
la perſonne du monde
qu'il aimoit plus, quoy
qu'il l'euſt voulu traiter
de la meſme maniere qu'õ
traite ce qu'on hayt avec
la derniere violence.

Pour moy, comme i'a-
vois oublié à voir le por-
trait & à lire la Lettre,
i'oubliay encore que i'a-
vois promis à Madame
de Candale de me rendre
chez elle. Le lendemain
matin ie m'en allay à
Amboiſe chaſſer avec
Monſieur le Dauphin, &
ce ne fuſt qu'à mõ retour
que ie m'en reſſouvins.

Le Duc de Bourbon
eſtoit au deſeſpoir, de ce
que tout indifferent que
i'eſtois, i'avois fait plus de
progrez dans le cœur de
la Comteſſe, que ſa paſſiõ
& ſes ſoins n'avoient pu
faire ; mais il devoit s'en
prendre à ſon mal heur,
plutoſt qu'à ſon merite.

Mais tout habile qu'il
eſt, c'eſt qu'il ne ſçavoit
pas encore que le merite
eſt conté14 pour rien en
amour, s'il n'eſt ſoutenu
de l'heureux ſecret de
ſçavoir ſe faire aimer.

D'abord que ie vis Ma-
dame de Cãdale, ie ne luy
fis pas ſeulemẽt la moin-
dre excuſe de luy avoir
manqué de parole, & ie
me preparay ſans impa-
tience à écouter tout ce
qu'elle vouloit me dire.