XML | Métadonnées | Version normalisée
x
Advis salutaire

ADVIS SALUTAIRE ET TRES-NECESSAIRE aux gens de bien, qui se laissent battre par leurs femmes. Dedié aux Confreres & sœurs de la haute & basse, pauvre & riche, vieille & nouvelle, noble et roturiere Confrairie des Martyrs, martirisez par leurs des-honnestes indiscrettes & mal advisees femmes, nouvellement installee au lieu appellé Mal'encontre.1 Agere & pati. Chap. Si j'eusse bien pensé, &c.

2
Mes tres-chers Confreres, vous n'estes pas ignorans que des long-temps il y a une Confrairie des

Martyrs, erigée je ne sçay ou, instituée par je ne sçay qui, & de laquelle on parle je ne sçay comment : Mais l'ayant meurement consideree en toutes ses dépendances, aprés avoir esté prié de plusieurs, & speciallement de ceux de la ruë des Mauvaises parolles, & de la ruë Tourne-cul. J'ay deliberé sur leur instante priere, & pour la commodité de nous tous, de designer un lieu asseuré, où l'assemblée

se trouvera, s'il leur plaist, pour faire eslection des Maistres & Gouverneurs de la Confrairie, & pour deliberer des choses qui y seront requises & necessaires. Et pour ce, il est enjoinct, de par Thibault le Persecuté, General des Affligez, à tous qu'il appartiendra, de ne se presenter, pour se faire enroller, qui ne soient chargez de persecutions et d'opprobres, principalement de Fiebures-quartaines,

Malles-bosses, Voleurs & Yvrongnes, & toutes autres injures, & supplices, pratiquez par les Executeurs, à l'endroit desdits Martyrs, & prendre garde que Martin-baston 3n'y ay passé : car il est du tout indigne de converser avec lesdits Martyrs? Comme aussi ceux qui se presenteront devant Monsieur le Doyen, & Messieurs les Gouverneurs, pour estre examinez : leur est enjoinct d'apporter le certi-

ficat de leur Martyre ou Mariage, dont la teneur s'ensuit.
Nous sous-signé N. certifions que N. à esté accordé à sainct Pris, fiancé à sainct Innocent, marié à sainct Mery, les Nopces faictes à la Grimasse, & le soupper à la Vallée Misere, & de la coucher à la ruë de la Tennerie, & le lendemain s'en alla (comme son devoir estoit) aux Martyrs & sa femme aux Filles repenties, & a leur

retour, en leur maison scize en la ruë d'Amour sans soucy à present appellee la rue des afflictions, paroisse de Songez-y auparavant, se sont presentez chacun un bouquet, l'un fait de soucy, & l'autre de diverses pensees, & pour les conserver, les ont mis rafraischir dans une Phiole d'amertume remplie de larmes tombée du fin fonds de leur entendement.
Et vous tous, à qui le

semblable arrive, plus souvent que tous les jours, posez pour baze de vostre esperance, ce petit Proverbe tant usité, Patientia vincit omnia, la patience surmonte toutes choses : en nostre endroit, c'est la Reine des vertus? aussi sera elle à la face de nostre Labaron, ou Enseigne, avec la Souffrance, qui sera à revers, & nous fera sa harangue (malheur à nous) qui ne nous est que trop cogneuë : Usque ad finem patieris, tu

endureras jusques à la fin. Sus donc, mes chers Freres, prenons courage, qu'un chacun garnisse sa bourse, au desceu de son Persecuteur : afin qu'aprés que nous nous serons deuement acquitez de nos charges & devoirs, à l'endroit de la Confrairie, nous nous transportions au lieu nommé, la Consolation, scis en le rue d'Allegresse, à la Joye nompareille? Et là nous consoler les uns les autres, &

nous conter nos fortunes, chacun sçait les siennes, & aussi si quelqu'un avoit usé de quelques paroles deshonnestes, à l'endroit de son Persecuteur, il en lave sa bouche auparavent que de se mettre à table, où sera preparé le festin somptueux & magnifique, garny de (je ne vous dis rien) toutes sortes de mets, apportez du Royaume sans nom.

STATUTS DE LA Confrairie
Item, sera fait eslection de deux Maistres, les plus Souffreteux & Persecutez, qui se puissent trouver entre les Confreres & seront tenus establir des Commis en divers endroits, pour la commodité de ceux qui se voudront faire enroller.
  • En la rue qu'on appelle, Va te coucher sans soupper.
    
  • En la ruë, Je suis Maistre quand je suis seul.
  • En la ruë, Souvent faut que je me taise.
  • En la ruë Doublee de Revesche.
  • Pour les sœurs, En la Ruë Pavee d'andouilles sans cuire.
  • En la ruë, Donnez leur du bon dans la Mitaine.
  • Et ne recevront aucuns Confreres si leur chappeau ne tourne.
  • Et ne recevront au-
    
    cune sœur, si elle ne sçait dire, Mersi-Dieu, les mains sur les rognons.
  • Est fait descences à tous ceux & celles, qui ne sont tels, comme si dessus a esté dit, de si presenter, à peine d'encourir un affront signalé en presence de toute l'Assemblée. Fait ce jour de ma grande affliction, au mois de mon Martyre, l'année, prens y garde, si tu veux.

L'on vous fait asçavoir, que Lundy prochain vous vous trouverez, tant Confreres, que sœurs audit lieu des Martyrs, au matin, pour y recevoir vostre distribution, & vos boucquets à l'accoustumé.

Notes

x

Indice aux ressources