Le mariage sous L'Ancien RégimeSVR LA PREMIE- RE NVICT D'VNE Espousee.
VOus voicy arriuez au iour,
De la grande feste d’amour,
Où vous immolerez tous deux,
Vos cœurs épris de mesmes feux.
L’un dessus son autel sacré,
Se couchera de son bon gré,
L’autre oubliant les maux receus,
Montera promptement dessus.
Et puis en remuant bien fort,
Vne agreable & douce mort,
Plus douce que n’est pas le miel,
Rauira l’vn & l’autre au Cial.
Que de doux baisers seront pris,
En ce doux combat de Cipris :
En fin en vn si doux desduit,
Tout sera sucre ceste nuict.
Quoy vous tremblez desia de peur !
Non, non, pucelle, ayez bon cœur :
Par vostre foy voudriez vous bien,
Ceste nuict qu’on ne vous fist rien?
Vous auez beau pour l’empescher,
Plus fort contre luy vous fascher,
Et crier, ma mere, au secours :
Ceste nuict nous serons tous sours.
Hymen en rit dedans le cœur,
Et ce petit archer vainqueur,
Vous attend desia sur le lict,
Pour vous animer au conflit,
O couple choisy tout expres,
Ioignez-vous tous deux de si pres,
Qu’il semble à vous voir ainsi pris,
Que ce soit Mars auec Cypris.
Allez le faire tant de fois,
Qu’au bout iustement de neuf mois,
Nous voyons de vostre façon,
Vne fille ou bien vn garçon.
x