Le mariage sous L'Ancien Régime
A VN NOVVEAV
Marié.
STANCES.
Par le ſieur du Rier.
TV t’es donc marié ſans nous en dire mot,
Pauure homme qu’as tu faict ie te penſois plus sage,
Reſpons moy le beau fils n’eſtois tu aſſez ſot
Sans te mettre en danger de l’eſtre davantage.
Mais puis que tu n’as peu euiter ton malheur
Encor ne faut il pas que tu te deſeſperes,
Combien voit on d’enfans auoir ce deshonneur
D’heriter comme toy au mal-heur de leurs peres.
Si tu veux viure en paix le reſte de tes iours,
Et faire maintenant le ſalut de ton âme,
Il te faut endurer, & s’il te faut touſiours
Auoir deuant tes yeux la crainte de ta femme.
De crainte d’auoir pis n’entre point en ſoupçon
Sy tu vois qu’un amy deuant toy la careſſe,
Car à vous voir tous deux vous auez la façon
Toy d’eſtre le valet & elle la maiſtreſſe.
On m’a dit que tu cherche un eſtat maintenant,
Et que voſtre contract porte expres ceſte clauſe,
Tu ne dois point quitter celuy de faineant
Car ie crois que tu nes capable d’autre choſe.
x