Le mariage sous L'Ancien Régime
SVR LA PREMIE-
RE NVICT D'VNE
Eſpouſee.
VOus voicy arriuez au iour,
De la grande feſte d’amour ,
Où vous immolerez tous deux,
Vos cœurs épris de meſmes feux.
L’un deſſus ſon autel ſacré,
Se couchera de ſon bon gré,
L’autre oubliant les maux receus,
Montera promptement deſſus.
Et puis en remuant bien fort,
Vne agreable & douce mort,
Plus douce que n’eſt pas le miel,
Rauira l’vn & l’autre au Cial.
Que de doux baiſers ſeront pris,
En ce doux combat de Cipris :
En fin en vn si doux deſduit,
Tout ſera ſucre ceſte nuict.
Quoy vous tremblez deſia de peur !
Non, non, pucelle, ayez bon cœur :
Par voſtre foy voudriez vous bien,
Ceſte nuict qu’on ne vous fiſt rien?
Vous auez beau pour l’empeſcher,
Plus fort contre luy vous faſcher,
Et crier, ma mere, au ſecours :
Ceſte nuict nous ſerons tous ſours.
Hymen en rit dedans le cœur,
Et ce petit archer vainqueur,
Vous attend deſia ſur le lict,
Pour vous animer au conflit,
O couple choiſy tout expres,
Ioignez-vous tous deux de ſi pres ,
Qu’il ſemble à vous voir ainſi pris,
Que ce ſoit Mars auec Cypris.
Allez le faire tant de fois,
Qu’au bout iuſtement de neuf mois,
Nous voyons de voſtre façon ,
Vne fille ou bien vn garçon.
x