XML | Métadonnées | Version normalisée
x
L’homme est bien malheureux

L’homme est bien malheureux

L’homme eſt bien malheureux qui ſ’empeche le dos
Du faix, & de l’eſmoy , du facheus Mariage!
Dans vne mer de maus il va faire naufrage,
Et certe' en peu de chair il trouue beaucoup d’os!
L’Ocean mutiné regorge moins de flos,
Au ſouflement des ventz, meſſagers de l’orage:
Que ſon cœur agité de ſoingz, d’ire, & de rage,
Luy fera ſoûpirer de plaintes, & ſanglos.
Soit belle ou layde , riche ou pouure ſa compaigne,
Infertille ou feconde , en vain il ſ’acompaigne:
Car ſeul il participe à mille & mille ennuis.
Se plonge qui voudra dans ceſt abyme infame!
Quand à toy1 tout petit , & libre que ie ſuis,
I’ayme mieus eſpouſer vne mort , qu’vne feme.

Notes

x

Indice aux ressources