XML | Métadonnées | Version originale
x
En parle qui voudra

SONNET.

EN parle qui voudra, tu es vn homme rond,
Homme doux & bening & de grand patience,
D’auoir peu constamment souffrir en ta presence
Que l’on aye planté des cornes sur ton front.
Ie sçay bien que plusieurs c’est acte blasmeront
En ce que du galland tu ne pris la vengeance.
Et au lieu d’admirer ta loüable constance
De ce nom tout commun, cocu te nommeront.
Mais croy moy mon amy tu n’eusse seu mieux faire,
Encor que de ta femme on t’eust bien peu deffaire
D’autant que tu lauois surprisé sur le faict
Mais de nuire au _ _ _teur tu n’auois cause aucune,
Ne pouuant l’accuser qu’en rien il eust meffait
En usant comme toy d’vne chose commvne.
x

Indice aux ressources