XML | Métadonnées | Version originale
x
Mais comment peut il faire ?

SONNET. En Dialogue.

Dem.
MAis comment peutil faire? on sçait bien qu’il n’a rien,
Qu’il n’a point d’exercice, & ne faict point d’affaire,
Et s’il ne laisse pas de faire bonne chere
Et de paroistre ainsi qu’vn homme de moyen.
Et qui plus est encor l’on sçait assez combien
D’importuns creantiers pour comble de misere
Le tiennent obligé corps & biens par Notaires,
Et au partir de la son mesnage va bien.
Il faut que quelque iour ie l’aborde & le prie
De me vouloir monstrer cette belle industrie
De paroistre sans charge & sans commodité.
Resp.
Mon amy te voila en vne peine extreme
Si tu es si ialoux de sa prospérité
Prens vne belle femme & tu seras de mesme.
x

Indice aux ressources