XML | Métadonnées | Version normalisée
x
Mais comment peut il faire ?

SONNET. En Dialogue.

Dem.
MAis comment peutil faire? on ſçait bien qu’il n’a rien,
Qu’il n’a point d’exercice, & ne faict point d’affaire,
Et s’il ne laiſſe pas de faire bonne chere
Et de paroiſtre ainſi qu’vn homme de moyen.
Et qui plus eſt encor l’on ſçait aſſez combien
D’importuns creantiers pour comble de miſere
Le tiennent obligé corps & biens par Notaires,
Et au partir de la ſon meſnage va bien.
Il faut que quelque iour ie l’aborde & le prie
De me vouloir monſtrer cette belle induſtrie
De paroiſtre ſans charge & ſans commodité.
Reſp.
Mon amy te voila en vne peine extreme
Si tu es ſi ialoux de ſa proſpérité
Prens vne belle femme & tu ſeras de meſme.
x

Indice aux ressources