Le mariage sous L'Ancien RégimeChanson.
MOn pere mariez moy ou ie fera
Ce que ie ne fis iamais, ie leveray
Mon corset deuant ces braves compagnons,
Qui tout le temps de leur vie m’aimeront.
Moy tant ieune Damoiselle d’ Avignon
Dormiray-ie ainsi seulette non non.
Et pour mieux monstrer que i’ay de la valeur,
Ie me feray habiller à la grandeur,
D’incarnal, bleu celeste verd & blanc
C’est pour me monstrer plus leste à tous venans.
Moy tant ieune, &c.
Hà ! que ie serois heureuse que ie crois
Si i’avois toutes les heures deux ou trois
Compagnons qui fussent braues & bien gaillards,
Qui rembourrisse à toute heure bien mon bas
Moy tant ieune &c.
Ie marcherois si sery parmi les rues
Et me moquerois aussi tant de ses grues
Qui font tant des despiteuses & pourtant,
Voudroient bien à toutes heures en faire autant.
Moy tant ieune, &c.
Vous femmes qui murmurez tant de mon fait,
Ie vous supplie d’apaiser vostre caquet,
Vous n’en oseriez tant faire, c’est pourquoy
Ie vous prie donc de vous taire & tout quoy.
Moy tant ieune Damoyselle de Rouen
Dormiray-ie ainsi seulette non vrayment.
x