XML | Métadonnées | Version originale
x
Duel amoureux

DVEL AMOVREUVX DE Charlot & Margoton la premiere nuit de leurs Nopces DIALOGUE.

Charlot & margoton couchez
La nuict qu’il furent attachez
Par le nœud d’himenée ensemble,
Charlot voulut venir au point
Pour lequel il estoit enioint.
Mais Margot le repousse & tremble.
Mon cœur patientez un peu
Luy disoit il ie suis en feu,
Laissez y fondre vostre glace,
Vostre mignard attouchement
Par un ardent rauissement
Veut qu’a ce coup ie vous embrasse.
M. Mais ou est - ce que vous fouillez,
Ma chemise vous me souillez,
Ie n’entend point vostre entreprise.
Laissez cela arrestez vous,
Off! Off! quel ieu, ie suis dessous.
Vous me tuez, off! ie suis prise.
Mon cœur vous en aurez le pris,
Prenez un peu de bon courage,
Souffrez cette agreable mort
C’est viure que mourir d’accord
En trauersant ce doux passage.
M. Beau charlot vous me rudoyez,
Demy morte vous me voyez,
Iay toute ma force perduë,
Off! off! mamour vous me blessez,
Et tellement vous me pressez
Que morte vous m’avez renduë.
C. Ha! ha! ie meurs, ie meurs mon cœur,
Vaincu vous avez un vaincœur.
Ha! ha! ie sens nager mon ame
Au lac delicieux d’amour,
Ainsi mon cœur à vostre tour
Rafraichissez y vostre ame.
M. Ce plaisant ieu de l’Archerot
Vous faict oublier (mon Charlot)
Le mal qu’en iceluy me faitte,
Maintenant vous estes content,
Vous ne le seriez estre autant
Comme ò m’amour, ie le souhaitte.
C. O que vos plaisirs doucereux
Me sont plaisant & sauoureux,
O combien d’amour ie leur porte?
Il faut, doux yeux, recommencer,
Et mieux un peu vous agencer,
Vous n’estes point bien de la sort.
M. vous auez tort de m’accuser
Ie ne vous veux rien refuser,
Mais ie ne sçay que ie doy faire,
Ie suis nouvelle en ce ieu cy,
Ie me rangeray tout ainsi
Que vous voudrez pour vous complaire.
C. A ceste fois ne craignez rien,
Mourons en ce souverain bien
Dont vous iouirez à cette heure,
I’y meurs (mon cœur) & ie revy.
Chacun de nous reuiue & meure.
M. M’amour ie fay ce qu’il vous plaist,
Ie meurs, & ne scay comme c’est
Que vostre amour me donne vie,
Ne hastez point vostre trespas,
Que vostre ame d’un mesme pas
De la mienne ne soit suivie,
Apres ces mots uenant aux ieux,
Voicy le sommeil ombrageux
Qui saisit leurs douces prunelles,
Dieu vueille, ô amans bien heureux,
Que vos passe-temps amoureux
Soyent des delices eternelles.
C.D.B.1

Notes

x

Indice aux ressources